2 Samuele 18:27 - MUKANDA WA MYIDI MUKULU

²⁷ Mutentekedi kuamba kabidi ne: — Muntu udi kumpala, mushindu udiye unyema, udi bu Akimase, muana wa Sadoke. Mukalenga kuandamuna ne: — Mmuana wa mushinga mukole. Bulelela, udi ne bualu bua disanka.

Mukanda wa Nzambi Dihungila Dikulukulu ne Dihungila Dihia-dihia 2003

²⁷ Mutentekedi wakamba ne, Ndi ngelangana meji ne luendu lua muntu udi ku mpala ludi bu lua Ahimasa, muana wa Sadoka. Mukelenge wakamba ne, Yeye udi muntu muimpe, udi ulua ne lumu luimpe.

2 Samuele 18:27 ပူးပေါင်းရင်းမြစ်များ

2 Samuele 18:26

Mutentekedi kumona kabidi muntu mukuabu ulua lubilu. Kuelaye diyi kudi muntu uvua ku tshiibi ne: — Muntu mukuabu kabidi udi ulua nkayende lubilu. Mukalenga Davide kuandamuna ne: — Muntu awu, udi anu ne bualu bua disanka.

1 Bakalenga 1:42

Anu Yowabe ukonka nanku, Yonatane, muana wa mutuangaji Abiyatare, kufika. Adoniya kuambila Yonatane ne: — Buelaku, bualu udi muntu wa bushuwa, kabidi udi mufike ne malu a disanka.

2 Bakalenga 9:20

Mutentekedi kuambila mukalenga Yorame ne: — Muntu muibidi uudi mutume, mmumane kufika kudi bantu abu. Kadi kena upingana kuneku to. Kadi ndi mumone ne: udi uvua awu ke Yehu muikulu wa Nimshi. Ndi mumumanye bualu udi wendesha ditempu bu muntu mupale.

Nsumuinu 25:13

Bu mudi mayi matalala akolesha muntu tshikondu tshia luya tshidibu banowa bia pa madimi, ke mudi muntu udi ukumbaja bualu budibu bamutumine ukolesha mfumuende ku muoyi.

Nsumuinu 25:25

Bu mudi mayi matalala atalaja muminu muume, ke mudi lumu lua disanka ludi lufumine ku ditunga dia kule lusankisha bantu.

Yeshaya 52:7

Ndisanka kaayi patudi tumona muntu wenda pa mikuna, ututuadila lumu lua disanka! Udi utuadila bantu lumu lua bupole, lua diakalenga ne lua lupandu. Udi ukuambila wewe Yerushalayime ne: “Mvidi Mukulu webe udi mukalenga.”

Rome 10:15

Mudibu mua kumumanyisha, kakuyi bantu badibu bafuma bua kuenza nanku, mbishi? Ke padi Mukanda wa tshijila wamba ne: “Disanka kaayi dia kumona bantu bafika, batutuadila Lumu lua Disanka!”