2 Samuele 18:24 - MUKANDA WA MYIDI MUKULU

²⁴ Diba adi, Davide uvua musombe muaba uvua pankatshi pa tshiibi tshia pa mbelu ne tshia munda mua tshimenga. Mutentekedi kubanda pa mutu pa tshibumba tshivua pa mutu pa tshimana tshia tshimenga. Pavuaye pa mutu pa tshimana ukenzakana, diakamue kumonaye muntu umue ulua lubilu.

Mukanda wa Nzambi Dihungila Dikulukulu ne Dihungila Dihia-dihia 2003

²⁴ Davidi wakadi mushikame hankatshi ha bibi bibidi; mutentekedi wakabanda ha mutu ha tshibi tshia lumbu, wakabanduluka, ne monai, muntu udi ulua lubilu nkayandi.

2 Samuele 18:24 ပူးပေါင်းရင်းမြစ်များ

2 Samuele 13:34

Kabidi Absalome mmunyeme. Nsongalume uvua wenza mudimu wa kutentekela, kumonaye bantu musumba balonda njila wa ku Oronayime. Kuyaye kuambila mukalenga Davide ne: — Ndi mumone bantu balua kuneku, bapueka pa mukuna balonda njila wa ku Oronayime.

2 Samuele 18:23

Akimase kuandamuna ne: — Kakuena bualu to. Ndi musue anu kuya. Yowabe kuitaba ne: — Eyowa, ndaku. Akimase kuya lubilu, kulonda njila wa mu mpata wa Yardene, kupita muena Kushe.

2 Samuele 18:25

Kuambilaye mukalenga Davide. Mukalenga Davide, kuamba ne: — Pikalaye nkayende, udi ne bualu bua disanka. Muntu uvuabu batume kusemena pabuipi.

2 Samuele 18:4

Mukalenga Davide kuandamuna ne: — Eyowa, mbimpe nengenze tshinudi nujinga. Nanku, mukalenga Davide kuimana pabuipi ne tshiibi tshia tshimenga. Bena mvita kupatuka mu bisumbu binene ne bikese.

2 Samuele 19:8

Juka mpindiewu, udikoleshe. Uye kusamba bena mvita bebe bua kupetabu bukole. Wewe kuyi muye kudibu, ndi nditshipa mu dina dia Maweja-Nangila ne: muena mvita nansha umue kena mua kukuenzela mudimu kabidi dituku nansha dimue to. Nanku, wewe neupete dikenga dikole, dipite makenga onsu audi mumane kukenga, biangatshile ku buana buebe.

1 Samuele 4:13

Mutuangaji Eli uvua ku mpenga kua njila, musombe mu nkuasa wende. Uvua muindile, upampakana bikole bua mushete wa tshijila wa Mvidi Mukulu. Muntu uvua munyema mu mvita awu ubuela mu tshimenga, kuambilaye bantu bonsu bivua bienzeka mu mvita. Nanku bantu bonsu kudila muadi bikole.