2 Samuele 18:19 - MUKANDA WA MYIDI MUKULU

¹⁹ Akimase, muana wa Sadoke, kuambila Yowabe ne: — Itabe nye lubilu bua kuambila mukalenga Davide, mushindu udi Maweja-Nangila mu-mulumbuluila, mu bianza bia baluishi bende.

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Hashishe Ahimasa, muana wa Sadoka, wakamba ne, Nye lubilu bua kumanyisha mukelenge ne, Yehowa wakakusombuela kudi bena lukuna bebe.

2 Samuele 18:19 ပူးပေါင်းရင်းမြစ်များ

2 Samuele 15:27

Mukalenga Davide kuambila kabidi mutuangaji Sadoke ne: — Tangila, upingane mu tshimenga anu bimpe. Uye ne muanebe wa balume Akimase. Uye kabidi ne mutuangaji Abiyatare ne muanende wa balume Yonatane.

2 Samuele 15:36

Akimase, muana wa Sadoke, ne Yonatane, muana wa Abiyatare, bonsu babidi badi ne batatuabu mu tshimenga amu. Neubatume bua kungambilabu malu onsu awikala mumvue.

2 Samuele 17:17

Yonatane, muana wa Abiyatare, ne Akimase, muana wa Sadoke, bavua basombela pabuipi ne mpokolu wa Enrojele. Ke batuangaji abu kubatumina mukaji muena mudimu bua kubamanyisha malu avuabu mua kuya kuambila mukalenga Davide. Bualu Yonatane ne Akimase kabawa mua kubuela mu Yerushalayime to, bua kabamanyi kudi bantu.

2 Samuele 18:20

Yowabe kuandamuna ne: — Nansha, kuena mua kuamba bualu ebu lelu to. Mbibi. Neuye kuamba dituku dikuabu. Kadi lelu kuenji nanku to, bualu udi mufue mmuana wa mukalenga Davide.

2 Samuele 18:23

Akimase kuandamuna ne: — Kakuena bualu to. Ndi musue anu kuya. Yowabe kuitaba ne: — Eyowa, ndaku. Akimase kuya lubilu, kulonda njila wa mu mpata wa Yardene, kupita muena Kushe.

2 Samuele 18:31

Mutantshi mukese, muena Kushe kufika. Kuambilaye mukalenga Davide ne: — Mukalenga, ndi ne bualu bua disanka bua kukuambila. Maweja-Nangila ke udi mukose tshilumbu tshiebe lelu, bualu mmukusungile mu bianza bia baluishi bebe.

Misambu 10:14

Kadi wewe kuena mpofu! Udi umona dikenga ne disumpakana dia bapele! Udi amu ukeba kubambuluisha! Muena dikenga mmudilekelela kuudi! Wewe ke udi wambuluisha muana nshiya.

Misambu 10:18

miadi ya bana ba nshiya ne ya bantu badibu bakengesha. Nanku pa buloba kapakuikala kabidi muena tshikisu.

Misambu 7:6

nanku muluishi andondakaje, ankuate, antue miseba, andiatakaje pantshidi ne muoyi. Bualu nkadi muena tshibawu tshia lufu!

Misambu 9:16

Bisamba bia bantu mbidishinde mu tshiina, tshivuabi biumbuile bisamba bikuabu. Bukondu buvuabi biele mu musokoku mbubijingile.

Misambu 9:4

Paudi umueneka, baluishi banyi badi banyema, badishinda, bafue.

Yirmeya 51:31

Badi batuma bantu bua banyeme lubilu, bafike kua mukalenga wa Babilone, bamuambile ne: baluishi mbakuate tshimenga tshiebe tshijima tshia Babilone.

Rome 12:19

Balunda banyi, kanudisombuedi. Kadi nuanyishe amu bua Mvidi Mukulu aleje bantu tshiji tshiende. Bualu Mukanda wa tshijila udi wamba ne: “Meme Maweja-Nangila, nensombuele. Nembapingajile bubi buvuabu benze.”