2 Samuele 18:14 - MUKANDA WA MYIDI MUKULU

¹⁴ Yowabe kuamba ne: — Tshiena mua kuelangana nebe mpata. Ndi njimija diba dianyi. Yowabe kuambula misongolu mitue isatu, kuya kuyasa Absalome mu tshiadi pa muoyi. Bualu katshia Absalome ukalama mu matamba a mutshi, kavua muanji kufua to, utshivua ne muoyi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Yoaba wakamba ne, Tshiena mua kujanguluka nʼebe bua bualu ebu. Yeye wakangata mikete isatu mu tshianza tshiandi, wakayasa ha muoyo wa Abashaloma hakadiye mulembelele mutshikale ne muoyo munkatshi mua matamba a mutshi.

2 Samuele 18:14 ပူးပေါင်းရင်းမြစ်များ

2 Samuele 12:10

Nanku biangatshile mpindiewu, kashidi dishipangana kadiena dijika mu nzubu muebe to. Bualu paudi musele mukaji wa Uriya, udi mundembakaje meme.

2 Samuele 14:30

Pashishe Absalome kuambila bena mudimu bende ne: — Nudi bamone budimi bua Yowabe bua ntete ya kuenza bukula, budi pabuipi ne buanyi? Nuye kubosha! Bena mudimu kuenza tshivua Absalome muambe.

2 Samuele 18:15

Bansongalume dikumi bena mvita, bavua bambula bia mvita bia Yowabe, inyunguluka Absalome, kumushipa kashidi.

2 Samuele 18:5

Mukalenga Davide kuambila kabidi Yowabe, Abishayi ne Itayi, ne: — Ndi nnusengelela, kanuenzedi muananyi Absalome bibi to. Bena mvita bonsu bavua bumvue pavua Davide welela balombodi mukenji awu.

2 Samuele 19:1

Ke mukalenga Davide kubungama bikole. Kuyaye mu nzubu uvua pa mutu pa tshiibi tshia tshimenga, bua kudila. Uvua wenda wamba ne: — Eyi, Absalome wanyi, Absalome wanyi, muananyi, muananyi eyi, Absalome wanyi! Meme ke uvua mua kufua. Wewe kushala. Absalome wanyi, muananyi!

2 Samuele 19:11

Absalome ke utuvua badisunguile nkayetu bua kuikalaye mukalenga. Mpindiewu mmumane kufua mu mvita. Kadi bua kulomba mukalenga Davide, apingane mu Yerushalayime, tshitudi bindile ntshinyi?”

Yobe 20:5

bantu babi kabatu basanka mutantshi mule to. Diakalenga diabu kadiena dinenga nansha.

Misambu 37:35

Meme kumona muena tshinyangu ukengesha bantu, wenda ukola bu mutshi wa sedre wa mu Lebanone.

Misambu 45:5

Nana buta, enda diakalenga, banda pa kabalu, uye ku mvita. Uluangane bua buakane, usungidile bapele. Bu muudi ne dikanda, neutshimune baluishi.

Matayi 12:40

Bualu, bu muvua Yona mushale munda mua mushipa munene munya ne butuku matuku asatu, ke muashala Muana wa muntu munda mua buloba munya ne butuku matuku asatu.

1 Tesalonike 5:3

Diba diamba bantu ne: “Tudi talalaa. Bionsu bidi mu bupole,” diakamue kabutu nekabakuate, mudi makenga akuata mukaji pa lulelu. Kabakupanduka to.

Balombodi 4:21

Bu muvua Sisra mupungile bikole, kulalaye tulu tukole. Yayele kuambula ngindu ne mulonda wa tshitupa musongoloke uvua ku ntenta. Kusemenaye bitekete pabuipi ne Sisra, kumupopelaye mulonda awu ku mutu. Mulonda kumutubula mutu, kuya too ne mu buloba. Sisra kufua.

Balombodi 5:26

Pashishe, Yayele kubakula mulonda mu tshianza, kukuata ngindu wa muena ditanda mu tshikuabu. Yayele kutuuta Sisra, kumupanda lubombu, kumutubuluja mutu ne mulonda.

Balombodi 5:31

Maweja-Nangila, baluishi bebe bonsu, bafue muvua Sisra mushiye panu. Kadi balunda bebe bikale bu diba, patshididi dipatuka ne bukenka, ne nsese yadi yonsu! Ke muvua ditunga dianji kushala mu ditalala bidimu makumi anayi nanku.