2 Samuele 18:1 - MUKANDA WA MYIDI MUKULU

¹ Mukalenga Davide kubandila bena mvita bende bavuaye nabu. Kusungulaye balombodi ba bisumbu binene ne bikese bia bena mvita.

Mukanda wa Nzambi Dihungila Dikulukulu ne Dihungila Dihia-dihia 2003

¹ Davidi wakabala bantu bakadi nʼandi, wakateka tupitene ku mutu kua binunu bia bantu ne ku mutu kua nkama ya bantu.

2 Samuele 18:1 ပူးပေါင်းရင်းမြစ်များ

Ekesode 17:9

Moshe kuambila Yoshuwa ne: — Sungula bantu ba bukole. Nuye kuluangana ne bena Amaleke. Kadi meme malaba nengimane pa katongobela ka mukuna, mukuate dikombu dia Mvidi Mukulu mu bianza.

Ekesode 18:21

Pashishe, usungule bantu ba nsongu badi batshina Mvidi Mukulu munkatshi mua bena Izrayele. Bantu badi bamba malu malelela, babenga mabuejila ubateke bakulu badi ku mutu kua bantu tshinunu, lukama, makumi atanu too ne kua bantu dikumi.

Ekesode 18:25

Kusungulaye bantu bashindame munkatshi mua bena Izrayele. Kubatekaye bakulu badi ku mutu kua bantu tshinunu, lukama, makumi atanu too ne ku kua bantu dikumi.

Dibadika 31:14

Moshe kufikila balombodi bonsu ba bena mvita, bavua baya kuluangana ne bena Madiyane munda, nansha ba bena mvita tshinunu, nansha ba bena mvita lukama.

Dielulula 20:9

Pajikija balombodi ba bena mvita abu mayuki awu, nebasungule muntu ku tshisumbu tshionsu bua kulombolaye bakuabu.

Yoshua 8:10

Butshia dinda, pa kabundubundu, Yoshuwa kuya kukenketa bena mvita bende. Pashishe kuyaye nabu pamue ne bakulu ba meku a bena Izrayele bua kuluisha bena Ayi.

1 Samuele 22:7

Ke Shawule kubambila ne: — Nuenu bena Binyamine, telejayi! Muana ewu wa Ishayi, neanupeshe bonsu bintu bindi meme Shawule munupe anyi? Neanupeshe madimi ne mionji ya maluvu a mvinyo anyi? Davide neanuteke balombodi ba bisumbu bia bena mvita bende anyi? Nansha kakese!

1 Samuele 8:12

Bana benu bakuabu nebikale balombola bena mvita tshinunu, balombola bena mvita makumi atanu. Mfumu awu, neangate bana benu nansha bakuabu bua kumudiminabu madimi, bua kunowa biakudia, nansha bua kumuenzela biamu bia kuluangana nabi, ne bintu bia kuteka mu matempu ende.