2 Samuele 17:8 - MUKANDA WA MYIDI MUKULU

⁸ Wewe udi mumanye tatuebe Davide bimpe ne bantu badiye nabu: bonsu mbena mvita ba bukitu. Badi ne lonji bu nyama ya nkashama, padi mamuende mujimine mu tshisuku. Kabidi tatuebe mmuena mvita, kena mua kulala muaba umue ne bena mvita bakuabu to.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Hushai wakamba kabidi ne, Wewe udi mumanye tatu webe ne bantu bandi badi bena bukitu, badi ne tshiji mu mitshima yabo bu nkashama wa muitu wakangatabo bana bandi; tatu webe udi muena nvita, yeye katu walala munkatshi mua bantu bandi.

2 Samuele 17:8 ပူးပေါင်းရင်းမြစ်များ

2 Samuele 15:18

Bena mudimu ba mukalenga Davide bonsu, kutuadija kuenda kumpala kua mukalenga: bena Kereti ne bena Peleti, bena mvita bavua balame mukalenga; pashishe bena mvita nkama isambombu ba bena Ngate bavua ku luseke lua mukalenga Davide. Bonsu kuendabu kumpala kua mukalenga Davide bua abamone.

2 Samuele 17:9

Bulelela, mpindiewu udi mua kuikala musokome mu lubuebue, nansha muaba mukuabu. Pikalabu badianjila kushipa bantu bakuabu ba munkatshi muetu, lumu neluye ne: Mbatshimune bena mvita ba Absalome.

2 Samuele 23:16

Nanku bena mvita basatu, kupita munkatshi mua mitanda ya bena Peleshete. Kusunabu mayi, mu tshiina atshi. Kuyabu nawu kudi mukalenga Davide. Kadi mukalenga Davide kubenga mua kunua mayi awu, kuitshikija panshi bua kualambula Maweja-Nangila,

2 Samuele 23:18

Abishayi, muanabu ne Yowabe, ne mansebende wa Davide, uvua mfumu wa “Tshisumbu tshia bena mvita Makumi asatu.” Dituku dikuabu, kushipaye ne musongolu baluishi nkama isatu. Kupetaye lumu lunene mu “Tshisumbu tshia bena mvita Makumi asatu.”

2 Bakalenga 2:24

Elisha ukenzakana, kubamona. Kubatshipaye mu dina dia Maweja-Nangila. Ke nyama ya lonji ibidi kupatuka mu ditu, kushipa bana ba balume makumi anayi ne babidi, kubasunsula.

Nsumuinu 17:12

Bidi bimpe kusambakena ne nyama wa lonji uvuabu banyenga bana bende, pa mutu pa kusambakena ne tshidingidingi tshia kalanda-musenga.

Nsumuinu 28:15

Mfumu wa tshikisu udi ne bumfumu mu tshisamba tshia bantu bapete, udi bu ntambue udi ukungula, bu nkashama udi ukeba tshiakudia tshiende.

Yezekiyele 19:2

Mamuebe uvua nyama wa ntambue wa dikima, uvuabu banemeka kudi ntambue mikuabu milume. Uvua mulale munkatshi mua bana bende, wamusha tuana tuende dibela.

Danyele 7:5

Nyama muibidi uvua mufuanangane ne nyama wa urse, uvua mulale mu kaseka, musume mbadi isatu ku menu. Kumutuminabu diyi bua ajuke bimpe, adie munyinyi wa bungi.

Osheya 13:8

Ndi nnubunda, mudi nyama wa nkashama wenza, padibu bamunyenga muana. Nennusunsule tshiadi tshienu. Nebanudie kudi mbua. Nyama ya tshisuku neyisunsule bitalu bienu.

Balombodi 18:25

Bena mvita kuandamuna ne: — Buikila mukana! Bana betu bakuabu badi mua kufika munda, kukuluisha. Nanku neudikebele lufu, wewe ne bena nzubu webe!

1 Samuele 16:18

Muena mudimu mukuabu kuamba ne: — Ndi mumanye muntu, muana wa Ishayi, muena mu Betleyeme. Udi mumanye mua kuimba lunkombe bimpe. Udi kabidi muntu wa mushinga mukole, mumanye mvita, mumanye mua kuakula ne meji. Udi ne mpala muimpe mutambe. Kabidi Maweja-Nangila udi nende.

1 Samuele 17:50

Nanku Davide kutshimuna Ngoliyate, kumushipa anu ne ndundu wa nyunyi ne lusoka, kayi ne muela.

1 Samuele 23:23

Nujadike miaba yonsu idiye mua kunyemena. Pashishe, nupingane kundi, nuenu bamane kujadika bionsu ebi bimpe. Nanku netuye nenu. Pikalaye mu ditunga adi, nemmukuate, nansha bu meme ne bua kumukeba miaba yonsu mu buloba bua bena Yuda.