2 Samuele 17:25 - MUKANDA WA MYIDI MUKULU

²⁵ Absalome uvua mumane kusungula Amasha bua kuikalaye mfumu wa bena mvita, mupingana muaba wa Yowabe. Amasha uvua muana wa Yetere, muena Izrayele. Yetere uvua musele Abigale, muana wa Nakashe, kabidi muanabu wa Seruya, mamuende wa Yowabe.

Mukanda wa Nzambi Dihungila Dikulukulu ne Dihungila Dihia-dihia 2003

²⁵ Abashaloma wakateka Amasa ku mutu kua masalayi andi mu muaba wa Yoaba. Amasa wakadi muana wa muntu dina diandi Yitela, Muena Isalele, wakabuela kudi Abigayila, muana wa Nahasha, muanʼabo mukashi ne Seluya, mamu wa Yoaba.

2 Samuele 17:25 ပူးပေါင်းရင်းမြစ်များ

2 Samuele 17:26

Absalome ne bena Izrayele kuasa mitanda yabu mu ditunga dia Ngilaade.

2 Samuele 19:13

Nuenu nudi bana babu ne mukalenga Davide menemene. Nanku, kanuikadi ba ndekelu bua kumupingaja to.”

2 Samuele 19:14

Pashishe, nuye kungambidila Amasha ne: “Kuena mulele wanyi anyi? Nanku, Mvidi Mukulu annyoke ne dinyoka dikole, pangikala tshiyi mukupingaje muaba wa Yowabe kashidi, bua wewe kuikala mulombodi wa bena mvita banyi!”

2 Samuele 20:4

Pashishe mukalenga Davide kuambila Amasha ne: — Bikidisha bena mvita ba bena Yuda! Ndi nkupesha matuku asatu, bua ufike nabu apa.

1 Bakalenga 2:28

Yowabe mumane kumvua bionsu bivua bienzekela Adoniya ne Abiyatare, kunyemaye. Kuyaye kusokoma mu ntenta wa Maweja-Nangila, pabuipi ne tshilambuilu. Bangabanga, Yowabe kavua muditue ku tshia Absalome nansha. Kadi mpindiewu kumvuanganaye ne Adoniya.

1 Bakalenga 2:32

Bualu Abnere, muana wa Nere, mfumu wa bena mvita ba bena Izrayele, ne Amasha, muana wa Yetere, mfumu wa bena mvita ba bena Yuda, bavua bantu ba nsongu bapite Yowabe. Kadi Yowabe uvua mubashipe, tatu wanyi Davide kayi mumanye. Nanku Maweja-Nangila nkayende neasombuele Yowabe bua bantu aba bavuaye mushipe!

1 Bakalenga 2:5

“Pashishe, uvuluke malu mabi onsu avua Yowabe, muana wa Seruya, mungenzele. Uvua mushipe Abnere, muana wa Nere, mushipe kabidi Amasha, muana wa Yetere, bamfumu babidi balombodi ba bena mvita ba bena Izrayele. Bu muvua Yowabe mushipe bantu aba mu tshikondu tshia ditalala, kabiyi mu matuku a mvita, udi muena tshibawu menemene. Udi ne mashi a bantu aba pambidi, bualu mmushipe dilaya diabu dia bena mvita.

1 Kulondolola 12:19

Nanku Mueyelu wa Mvidi Mukulu kutulukila Amashayi, mulombodi wa “Tshisumbu tshia bena mvita Makumi asatu.” Kuelaye lubila, wamba ne: — Tudi nebe, tudi ku luseke luebe wewe, Davide, muana wa Ishayi! Upete diakalenga, wewe ne bonsu badi bakuambuluisha, bualu Maweja-Nangila mmumane kukuambuluisha. Ke Davide kubakidila, kubateka balombodi ba bena mvita bende.

1 Kulondolola 2:13

Ishayi uvua ne bana ba balume muanda mutekete: Eliyabe, Abinadabe, Shama,