2 Samuele 17:11 - MUKANDA WA MYIDI MUKULU

¹¹ Lungenyi luanyi ludi nunku: Ubikidishe bena mvita bonsu ba bena Izrayele, biangatshile ku Dane too ne ku Bersheba, bikale bungi bu lusenga ludi ku muelelu wa mayi manene. Pashishe, wewe nkayebe uye nabu mu mvita amu.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Nunku dî dindi nkuambila didi nunku ne, Usangishe Bena Isalele bonso ku Dana tô ne ku Bê-sheba, bungi buabo nebuikale bu nsenga ya ku muelelu wa mai manene; wewe nkayebe uye nʼabo mu nvita.

2 Samuele 17:11 ပူးပေါင်းရင်းမြစ်များ

Genese 13:16

Nemvudije ndelanganyi yebe bungi budi muntu kayi mua kuyibala. Bu mudi muntu kayi mua kubala lusenga ludi pa buloba, ke mudibu kabayi mua kubala ndelanganyi yebe.

Genese 21:14

Abrahame, kujuka dinda dionsu, kupesha Agare diampa ne kabulubulu tente ne mayi. Kumusuikaye muana panyima, umuambe ne: Ndaku. Agare uvua wenda ulalakana mu tshipela tshia Bersheba.

Genese 22:17

Nenkuele lupemba; nemvudije ndelanganyi yebe bungi bua mitotu ya mulu, nansha bu lusenga lua ku muelelu wa mayi manene. Ndelanganyi yebe neyinyenge misoku ya bena lukuna bayi.

2 Samuele 12:28

Nanku, mpindiewu usangishe bena mvita badi bashala, ufike nabu bua wewe nkayebe udikuatshila tshimenga etshi. Meme tshiena musue kutshikuata to, bua bantu kabantumbishi amu meme.”

2 Samuele 24:2

Mukalenga Davide kuambila Yowabe, mfumu wa bena mvita bende bavua bamulame, ne: — Endakana mu ditunga dijima dia bena Izrayele, kuinshi kua ditunga too ne ku mutu, bua babadike bantu. Ndi musue kumanya bungi bua bantu.

2 Samuele 3:10

Bualu Maweja-Nangila uvua mumane kuditshipa bua kumusha bukalenga mu nzubu mua Shawule, kubupesha Davide, bua bukalenga bua Davide budiunde mu ditunga dia bena Izrayele, ku mutu wadi too ne kuinshi, mudiye nabu mu ditunga dia bena Yuda.

1 Bakalenga 20:10

Ke mukalenga Benadade kutumina mukalenga Akabe diyi musangu muisatu, umuambila ne: “Meme mushiye mu Samariya lupuishi lukumbane ludibu mua kuambula kudi bantu bandi nabu, mvidie yonsu innyoke ne dinyoka dikole.”

1 Bakalenga 4:20

Bena Izrayele ne bena Yuda bavua bungi bu lusenga ludi ku muelelu wa mayi manene, ludi muntu kayi mua kubala. Kadi bavua ne biakudia ne bia kunua bia bungi, basomba anu ne disanka.

Misambu 9:16

Bisamba bia bantu mbidishinde mu tshiina, tshivuabi biumbuile bisamba bikuabu. Bukondu buvuabi biele mu musokoku mbubijingile.

Yoshua 11:4

Bakalenga bonsu aba kubanga luendu, ne bena mvita kabayi kubala, bungi bu lusenga lua ku muelelu wa mayi manene. Bavua ne nyama ya tubalu ya bungi, ne matempu a mvita mavule.

Balombodi 20:1

Bena Izrayele bonsu kumvuangana ne muoyi umue, kudisangisha ku Mispa, muaba udi Maweja-Nangila. Bivua bafume ku nseke yonsu, biangatshile ku Dane, ku mutu mu ditunga, too ne ku Bersheba, kuinshi mu ditunga. Bakuabu bavua bafume kabidi ku ditunga dia Ngilaade, didi luseke ludi diba dipatukila lua Yardene.

1 Samuele 13:5

Bena Peleshete kusangila bua kuluisha bena Izrayele. Bavua ne matempu a mvita binunu makumi asatu, bantu bavua babanda pa tubalu binunu bisambombu, bena mvita bungi bu lusenga ludi ku muelelu wa mayi manene. Nanku kuasabu mitanda ku Mikmase, luseke ludi diba dipatukila lua Bete-Avene.

1 Samuele 3:20

Nanku mu ditunga dijima dia bena Izrayele, biangatshile ku Dane too ne ku Bersheba, bantu bonsu bavua bajadika ne: Samuwele mmuambi wa bushiwa wa Maweja-Nangila.