2 Samuele 16:21 - MUKANDA WA MYIDI MUKULU

²¹ Akitofele kuandamuna lukasa ne: — Bakaji bonsu badi tatuebe Davide mushiye bua kulamabu nzubu wa bukalenga, ubabuelele mu nzubu, bua ushale muena lukuna wa tatuebe Davide. Pikala bena Izrayele bonsu bumvua bualu ebu, bantu badi batue ku tshiebe nebikale ne dikima.

Mukanda wa Nzambi Dihungila Dikulukulu ne Dihungila Dihia-dihia 2003

²¹ Ahitofele wakambila Abashaloma ne, Ubuele mu nsubu kudi bakashi bahika babakibue kudi tatu webe bakashiyeye bua kulamabo nsubu; Bena Isalele bonso nebunvue lumu ne, Wewe udi mulenguludibue kudi tatu webe, nunku maboko a bantu bonso badi nʼebe neakoleshibue.

2 Samuele 16:21 ပူးပေါင်းရင်းမြစ်များ

Genese 34:30

Ke Yakobe kuambila bana bende Shimeyone ne Levi ne: — Nuangenzedi bibi, nuamfuishi bundu kudi bena Kenaane ne kudi bena Perizi. Tuetu tudi bakese, bobu badi ba bungi. Badi mua kudisanga, kumbutala ne bianyi bionsu bindi nabi.

Genese 35:22

Pavua Yakobe musombe muaba awu, Rubene kubuelela Bila, mukaji mupika wa tatuende, mu nzubu. Yakobe kumanya bualu abu, kunyingalala bikole. Bana ba balume bonsu ba Yakobe bavua dikumi ne babidi.

Genese 38:16

Yuda kutantshila kudi Tamare ku muelelu wa njila, umuambila ne: — Ndi musue tuye nebe. Yuda uvua umuambisha, bualu kavua mumanye ne: mmukaji wa muanende Ere to. Tamare kuandamuna ne: — Kadi neungonde tshinyi?

Genese 6:4

Tshikondu atshi bantu bale ba kafiondu bavua pa buloba. — Bavua bashale kabidi pa buloba pashishe —. Bavua bana ba badi basombele mulu bavuabu balele ne bana ba bakaji ba bantu bavuabu basela. Bantu ba kafiondu aba bavua bilobu bia kalanda musenga ku kale.

2 Samuele 10:6

Bena Amone kumona ne: Davide ukadi muluishi wetu. Nanku kufutabu bena mvita binunu makumi abidi ba bena Siriya, ba mu Beterekobe ne mu Soba, bena mvita tshinunu ba mukalenga wa Maaka, ne bena mvita binunu dikumi ne bibidi ba mu Tobe.

2 Samuele 12:11

Teleja bimpe tshindi nkuambila: Meme nensake bana ba mu nzubu muebe bua kukukengeshabu. Nengangate bakaji bebe, mbafile kudi muanenu bua kubabuelelaye mu nzubu mu munya, wewe mutangile.

2 Samuele 13:5

Yonadabe kumupesha meji ne: Nanku, ulala pa bulalu bu muntu udi usama. Pikala mukalenga Davide mufike bua kukusamba, umuambile ne: “Itaba bua muanetu wa bakaji Tamare, afike bua kundambila biakudia. Neandambile biakudia abi, meme mutangile. Yeye nkayende neampeshe biakudia abi, bua meme kudia.”

2 Samuele 15:16

Nanku, mukalenga Davide, bena nzubu wende, ne balombodi ba mu bukalenga buende, kumuka ku nzubu wa bukalenga ku makasa. Mukalenga Davide uvua mushiye anu bakaji bende bakuabu dikumi bua kulamabu nzubu wa bukalenga.

2 Samuele 16:20

Ke Absalome kuambila Akitofele ne: — Konkanganayi! Tshitudi mua kuenza mpindiewu ntshinyi?

2 Samuele 17:7

Ushayi kuandamuna Absalome ne: — Musangu ewu, lungenyi ludi Akitofele mufila kaluena luimpe to.

2 Samuele 2:7

Mpindiewu, nuikale ne dikima, nudileje bantu ba bukitu. Mfumuenu Shawule mmumane kufua. Meme Davide ke udi bena Yuda bajidile bua nshale mukalenga wenu.”

2 Samuele 20:3

Anu mukalenga Davide ufika ku nzubu wende wa bukalenga, kubikidishaye bakaji bende bakuabu dikumi, bavuaye mushiye bua kulama nzubu awu. Kubatekaye mu nzubu umue, kulamabu nzubu awu bikole kudi bena mvita. Davide uvua ubadisha bimpe, kadi katshivua ubabuelela mu nzubu to. Biangatshile tshikondu atshi, kutekaye bakaji abu pa nkayabu too ne ku lufu luabu. Kushalabu bu bakaji bakamba, bayabu mutshikale ne muoyi.

1 Bakalenga 11:25

Nanku, Rezone uvua muluishi wa bena Izrayele matuku onsu avua Shelomu mushale mu bukalenga. Rezone uvua ukengesha Shelomu, anu muvua Adade uluisha bena Izrayele. Matuku onsu avua Rezone muikale mukalenga wa bena Siriya, kavua munange bena Izrayele to.

1 Bakalenga 2:17

Adoniya kumuambila kabidi ne: — Ndi nkusengelela ne: undombelaku kudi mukalenga Shelomu, Ampeshe Abishayi, muena Shuneme, bua ikale mukajanyi. Bulelela, wewe mundombele nanku, kena mua kubenga diyi diebe to.

1 Bakalenga 2:22

Shelomu kukonka mamuende ne: — Akia! Ke wewe udi ukimina kulombela Adoniya bua angate Abishayi, muena Shuneme! Nanku, umulombele kabidi ne bukalenga, bualu mmukuluanyi! Eyowa, umulombele bukalenga. Bantu badi baditua ku tshiende, mutuangaji Abiyatare ne Yowabe, mfumu mulombodi wa bena mvita, nebasanke bikole!

Lewitiki 18:8

“Kuena ne bua kubuelela mukaji mukuabu wa tatuebe mu nzubu to, bualu udi ufuisha tatuebe bundu.

Lewitiki 20:11

“Muntu udi ubuelela mukaji wa tatuende mu nzubu, udi ufuisha tatuende bundu. Nanku bashipe mulume ne mukaji awu. Bualu mbena tshibawu, bavua badikebela lufu.

Zekâya 8:13

Nuenu bena mu bukalenga bua Yuda ne bua Izrayele, nuvua tshilejilu tshia bantu batshipa munkatshi mua bisamba bikuabu. Mpindiewu ndi nnusungidila, nenuikale tshilejilu tshia badibu bela lupemba. Kanutshinyi kabidi! Kolayi muoyi!”

1 Korente 5:1

Tudi bumvue bamba miaba yonsu ne: kuenu eku mbenze malu a bundu bupite, adi nansha bantu ba bisamba bikuabu kabayi benza. Bualu badi balonda ne: umue wa kunudi udi usomba ne mukaji wa tatuende!

1 Samuele 13:4

Bena Izrayele bumvua ne: Shawule ke udi mushipe mfumu wa bena Peleshete, kabidi ne: Bena Peleshete mbafikile bena Izrayele munda. Ke bena mvita bonsu ba bena Izrayele kudisangisha kudi Shawule mu Ngilgale.

1 Samuele 27:12

Ke muvua mukalenga Akishe witaba Davide bikole. Bualu uvua wela meji ne: “Bu mudi bena Izrayele babenga Davide. Yeye neangenzele mudimu kashidi.”