2 Samuele 16:12 - MUKANDA WA MYIDI MUKULU

¹² Misangu mikuabu Maweja-Nangila ke udi mua kumona dikenga dianyi, akudimune bipendu ebi bienza disanka.

Mukanda wa Nzambi Dihungila Dikulukulu ne Dihungila Dihia-dihia 2003

¹² Biasua Yehowa, yeye udi mumanye mua kutangila bubi buakungenzeleye; Yehowa udi mumanye mua kungenzela bimpe bua bihendu biandi biakumpendeye nʼabi lelu.

2 Samuele 16:12 ပူးပေါင်းရင်းမြစ်များ

2 Samuele 16:13

Patshivua mukalenga Davide ne bantu bende baya mu njila, Shimeyi uvua wenda mutangilangane nabu, ku luseke lukuabu lua mukuna. Uvua anu ubapenda, ubasa mabue, ubeela maloba.

2 Bakalenga 19:4

Mukalenga wa bena Ashure mmutume mulombodi wa beledi ba mukalenga maluvu, bua kupenda Mvidi Mukulu wa muoyi. Eyowa, ndi njinga bua Maweja-Nangila Mvidi Mukulu webe umvue bipendu bionsu ebi, anyoke muntu uvua umupenda! Wewe, lombaku Maweja-Nangila, wakuile bantu bende badi bashala aba.”

Misambu 10:14

Kadi wewe kuena mpofu! Udi umona dikenga ne disumpakana dia bapele! Udi amu ukeba kubambuluisha! Muena dikenga mmudilekelela kuudi! Wewe ke udi wambuluisha muana nshiya.

Misambu 109:28

Nansha bobu bantshipe, kadi wewe udi ungela lupemba. Bobu banduishe, bundu bubakuate, kadi meme muntu webe, ngikale ne disanka.

Misambu 132:1

Musambu wa bena ngendu. Maweja-Nangila, vuluka Davide ne lutatu luonsu luvuaye mutate.

Misambu 25:18

Mona mundi nkenga, ntata bikole. Umfuile luse bua bilema bianyi bionsu.

Nsumuinu 25:22

Paudi wenza nanku, udi umushiya mu dipampakana. Bidi bu kumuteka makala a kapia pa muntu. Maweja-Nangila neakufute.

Nsumuinu 26:2

Bu mudi mushamusha ne kandindi bipapelela mulu kabiyi bikisha, ke mudi mulawu muela muntu kapayi bualu kauyi umukuata.

Yeshaya 27:7

Kadi Maweja-Nangila mmunyoke bantu bende bikole, amu muvuaye munyoke bavua babakengesha anyi? Mmushipeshe bantu bende bungi buvuaye mushipeshe bavua bashipe bende anyi?

Yowele 2:14

Misangu mikuabu udi mua kushintulula meji adiye nawu, kunusankisha pa mutu pa kunukengesha. Diba adi, nudi mua kumutuadila milambu, ya ntete, ne ya maluvu.

Rome 8:28

Tudi bamanye ne: Mvidi Mukulu udi ukuata mudimu mu bionsu, bua bilengelele badi bamunanga, bavuaye mubikile bilondeshile meji ende.

2 Korente 4:17

Makenga atudi tumvua matuku aa adi amu makese, adi apita kabidi lubilu. Kadi neatupeteshe lumu luvule ludi lushala kashidi, ludi ne mushinga mupite wa makenga aa.

Dielulula 23:5

Bualu panupatukila mu Ejipitu, bantu aba bavua banupale biakudia ne mayi a kunua mu luendu luenu. Kabidi bavua bafuta Balaame bua kunutshipaye. Balaame ewu, ke muana wa Beyore, uvua mu musoku wa Petore, mu Mezopotamiya.

Dielulula 23:6

Kadi Maweja-Nangila Mvidi Mukulu wenu kavua musue kuteleja Balaame nansha. Nanku bu mudiye mununange, mitshipu ya Balaame kuandamukayi diakalenga dienu kashidi tshiendelele.

2 Tesalonike 1:7

Nuenu badi bakenga mpindiewu, Mvidi Mukulu neanupe bupole pamue netu. Ebi nebienzeke, patuluka Yezu mu diulu ne batumibue bende ba bukole, bantu bamumona.

Ebrewu 12:10

Batatuetu ba pa buloba bavua batunyoka bua tshitupa tshipi, muvuabu bamone ne ke bidi bimpe. Kadi Mvidi Mukulu udi utunyoka bua kutuenzela bimpe, bua tuikale ba tshijila bu Yeye.

1 Samuele 1:11

Kumpu muoyi, umfuile luse! Umpesheku muana wa balume. Ndi nditshipa bua kumufila ku mudimu webe kashidi. Kabena mua kumubeya too ne kashidi.”