2 Samuele 16:10 - MUKANDA WA MYIDI MUKULU

¹⁰ Mukalenga Davide kumukonka ne: — Wewe Abishayi ne muanenu Yowabe, nudi nubuelakana mu bualu ebu bua tshinyi? Pikala muntu ewu umpenda, misangu mikuabu Maweja-Nangila ke udi mumutume bua kumpendaye. Nanku muntu kena mua kumutandisha to.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Mukelenge wakamuebesha ne, Nuenu bana balume ba Seluya, ndi nʼenu bualu kai? Biampendeye bualu bua Yehowa wakamutuma ne, Uhende Davidi, udi nganyi bua kumuebesha ne, Udi wenza nunku bualu kai?

2 Samuele 16:10 ပူးပေါင်းရင်းမြစ်များ

Genese 50:20

Nuenu nuvua ne meji a kungenzela bibi. Kadi Mvidi Mukulu uvua musue kukudimuna bibi abi bua bikale bimpe. Mvidi Mukulu uvua musue kupandisha bantu ba bungi, bu munudi numona lelu.

2 Samuele 19:22

Kadi Abishayi, muana wa Seruya, kukonka mukalenga Davide ne: — Bualu budi Shimeyi wamba ebu, ke budi butukandika bua katumushipi anyi? Kena mutshipe mukalenga uvua Maweja-Nangila musungule anyi?

2 Samuele 19:23

Mukalenga Davide kukonka Abishayi ne muanabu Yowabe ne: — Nuenu, bana ba Seruya, nudi nubuelakana mu malu aa bua tshinyi? Mpindiewu nudi nubenga tshindi musue bua tshinyi? Tshiena musue bua bashipe muntu wa bena Izrayele dituku dia lelu, dindi mujadike meme nkayanyi ne: ndi mukalenga wa bena Izrayele bulelela!

2 Samuele 3:39

Bulelela, meme Davide ndi mukalenga. Kadi lelu ndi ngunwua butekete bua bungi. Bana aba ba Seruya, mbana babi, badi bampite bukole. Nanku Maweja-Nangila nkayende anyoke bantu badi benza bualu ebu.

1 Bakalenga 17:18

Mamuende wa muana kukonka muambi Eliya ne: — Muambi wa Mvidi Mukulu, udi mungenzele nenku bua tshinyi? Udi mufike muaba ewu bua wewe kuvuluija Maweja-Nangila buenzayi bundi muenze, bua Maweja-Nangila kushipa muananyi anyi?

1 Bakalenga 2:5

“Pashishe, uvuluke malu mabi onsu avua Yowabe, muana wa Seruya, mungenzele. Uvua mushipe Abnere, muana wa Nere, mushipe kabidi Amasha, muana wa Yetere, bamfumu babidi balombodi ba bena mvita ba bena Izrayele. Bu muvua Yowabe mushipe bantu aba mu tshikondu tshia ditalala, kabiyi mu matuku a mvita, udi muena tshibawu menemene. Udi ne mashi a bantu aba pambidi, bualu mmushipe dilaya diabu dia bena mvita.

2 Bakalenga 18:25

Kabidi, mfumuanyi uvua mua kuluisha ditunga edi, kudinyangakaja, Maweja-Nangila kayi muanyishe anyi? Nansha kakese! Anu Maweja-Nangila nkayende, ke uvua mutume diyi bua mfumuanyi kudinyangakaja.

Yobe 9:12

Udi mua kunyenga Mvidi Mukulu tshidiye wangata nganyi? Muntu kena mua kumukimina, kumuebeja ne: “Tshiudi wenza ntshinyi?”

Misambu 39:9

Unsungidile ku bubi buanyi buonsu, kabanseki kudi bidingidingi.

Muambi 8:4

Udi mua kukumbaja bidiye wamba, nansha biobi munyi. Muntu kena mua kumukonka kenzela ka bualu budiye wenza.

Muadi 3:37

Nganyi udi mua kutuma diyi musangu amu umue, bualu kuenzekabu? Amu Maweja-Nangila ke udi wenza nanku.

Matayi 16:23

Kadi Yezu kukudimuka, kuambila Petro ne: — Umbuka kundi, uye kule, diabolu! Udi ukeba kundenduisha! Bualu meji audi wela ki nga kudi Mvidi Mukulu to, kadi nga kudi bantu.

Matayi 8:29

Ke bobu kuela mbila ne: — Muana wa Mvidi Mukulu, butudi nebe mbunganyi? Udi mufike bua kutunyoka, diba kadiyi dianji kukumbana, bua tshinyi?

Yowanane 18:11

Kadi Yezu kuambila Petro ne: — Pingaja muele webe mu tshibuubu. Udi wela meji ne: ndi mbenga kunua dikopu dia dikenga didi Tatu mumpeshe anyi?

Rome 9:20

Kadi wewe muntu udi welangana mpata ne Mvidi Mukulu, udi nganyi? Luesu lua dima ludi mua kukonka udi mulufumbe ne: “Udi mutufumbe nenku bua tshinyi?”

1 Petro 2:23

Pa wabu bamupende, kavua mupingaje bipendu. Pavuaye ukenga, kavua ukanyina bantu. Kadi uvua utekemena amu kudi Mvidi Mukulu, udi ukosa nsambu pa yoyi.

1 Samuele 26:19

Pikala Maweja-Nangila musue bua wewe kungenzela bibi, nanku Maweja-Nangila itaba mulambu bua kujikija tshiji tshiende. Kadi, pikalabu bakuenzeja bionsu ebi kudi bantu, Maweja-Nangila abatshipe. Bualu lelu badi bangipata, bua tshisombi mu ditunga didi Maweja-Nangila mupeshe bantu bende, bidi bu mudi muntu ungamba ne: “Uye kutendelela mvidie mikuabu.”