2 Samuele 16:1 - MUKANDA WA MYIDI MUKULU

¹ Mukalenga Davide mumane kupita ku lusongu lua mukuna, kusambakenaye ne Siba, muena mudimu wa Mefibaale. Siba uvua ne nyama ya mpunde ibidi misuike biseba panyima bia kusomba. Nyama eyi ivua miambula mampa nkama ibidi, bisangi lukama bia tumuma tua mvinyo tumane kuuma, bimuma lukama bikuabu, ne mulondu wa biseba muela maluvu a mvinyo.

Mukanda wa Nzambi Dihungila Dikulukulu ne Dihungila Dihia-dihia 2003

¹ Hakafika Davidi ha mutu ha mukuna, monai, Siba, muena mudimu wa Mefibosheta, wakasangakena nʼandi; wakadi ne nyama ya mpunda ibidi ne biseba bisuike ha nyima hai ne mitanda ya mampa nkama ibidi ne bisumbu bia tumuma tukese tûme lukama ne lukama lua mamuma makuabo ne mulondo wa nvinyo.

2 Samuele 16:1 ပူးပေါင်းရင်းမြစ်များ

2 Samuele 15:30

Mukalenga Davide kubanda mukuna wa olive, wenda udila. Uvua mudibuikila tshilamba ku mesu, wenda ku makasa kutupu. Bantu bonsu bavuaye nabu, bavua anu badibuikila bilamba ku mesu, benda badila.

2 Samuele 15:32

Anu mukalenga Davide ufika ku lusongu lua mukuna, muaba udibu batendelela Mvidi Mukulu, kumonaye mufidi wende wa ngenyi Ushayi, muena Arki, ulua bua kusambakena nende. Uvua ne muntumpu mupandike, muikale kabidi ne buloba ku mutu.

2 Samuele 19:17

Shimeyi muana wa Ngera, muena Binyamine wa mu musoku wa Bakurime, uvua muye ne bena Yuda bua kupueka nabu, kuya kudileja kudi mukalenga Davide.

2 Samuele 19:32

Barzilayi, wa mu musoku wa Rogelime, mu ditunga dia Ngilaade, uvua mupueke kabidi ku Yardene. Yeye ke uvua musabuke musulu awu ne mukalenga Davide, bua kushiya mukalenga dishiya.

1 Kulondolola 12:40

Kushalabu mu Ebrone pamue ne Davide matuku asatu, badia, banua bivuabu babalambila kudi bana babu.

Nsumuinu 18:16

Kupesha muntu tshintu, kudi kukunzuluila njila wa wewe kumonangana ne bantu banene.

Yirmeya 40:10

Meme mene ndi ngasa mu Mispa emu, bua ngikale muena mpala wenu kudi bena Babilone badi bafika kunudi. Kadi nuenu nupole tumuma tua mvinyo, ne bimuma bikuabu, nuenze ne mafuta. Nubilame mu diyeba. Nuase kabidi mu bimenga munuvua basombe kumpala.

Yirmeya 40:12

Nanku ke bena Yuda bonsu aba, kumuka miaba mishilangane ivuabu babipate, kuyabu kudi Ngedaliya ku Mispa mu ditunga dia Yuda. Kupolabu bimuma bivule, ne tumuma tua mvinyo tuvule.

Amosa 8:1

Maweja-Nangila Mvidi Mukulu kundeja kabidi tshibondu tshia bimuma bimane kuboba.

Mika 7:1

Eyi! Ndi muena diakabi! Ndi bu muntu udi uya kupola bimuma, ku mitshi idibu bamane kupola, bajikija, bu muntu udi uya kukeba tumuma tua mvinyo, bena mudimu bamane kutupola tuonsu. Tshiena musangane nansha kamuma, ku mionji ya mvinyo, nansha ku mutshi wa mfiku. Eku nzala ya kudia tumuma, mvua nayi mipite!

1 Samuele 10:3

Pawatungunuka ne luendu, neufike pabuipi ne mutshi wa lusanga wa ku Tabore. Muaba awu, neusambakene ne bantu balume basatu badi baya mu nzubu wa Mvidi Mukulu wa mu Betele. Muntu umue neikale muambule bana ba mbuji basatu, muibidi neikale muambule tukata tua mampa lupepele tusatu, muisatu neikale muambule mulondu wa biseba muikale ne maluvu.

1 Samuele 16:20

Ishayi kuangata nyama wa mpunde, kutekapu mampa, mulondu wa biseba muela maluvu a mvinyo tente, ne muana mbuji. Kupeshaye Davide bintu abi bua kutuadilaye Shawule.

1 Samuele 25:18

Abiyayile kuya lubilu, kuangata mampa nkama ibidi, milondu ibidi ya biseba, ne maluvu a mvinyo tente, mikoku itanu mimane kulamba, bipimu bitanu bia ntete ya bukula mikanga, bisangi bia tumuma tume tua mvinyo lukama, ne mikata nkama ibidi mienza ne bimuma bia mutshi wa mfiku. Abiyayile kuteka bintu bionsu abi pa nyama ya mpunde.