2 Samuele 15:30 - MUKANDA WA MYIDI MUKULU

³⁰ Mukalenga Davide kubanda mukuna wa olive, wenda udila. Uvua mudibuikila tshilamba ku mesu, wenda ku makasa kutupu. Bantu bonsu bavuaye nabu, bavua anu badibuikila bilamba ku mesu, benda badila.

Mukanda wa Nzambi Dihungila Dikulukulu ne Dihungila Dihia-dihia 2003

³⁰ Davidi wakabanda mukuna wa Olive, wenda udila; wakabuikila mutu wandi, wakashiya makasa andi hatuhu, bantu bonso bakadi nʼandi bakabuikila mitu yabo, badile hakabandabo.

2 Samuele 15:30 ပူးပေါင်းရင်းမြစ်များ

2 Samuele 15:29

Nanku batuangaji Sadoke ne Abiyatare kupingana ne mushete wa tshijila mu Yerushalayime, kusombamu.

2 Samuele 19:4

kupinganabu mu tshimenga mu musokoku ne bundu, bu mudi bena mvita benza padibu banyema mvita.

2 Samuele 19:5

Kadi, mukalenga Davide uvua anu mubuikile tshilamba ku mesu, udila anu kudila, wamba ne: — Eyi, Absalome wanyi, eyi muananyi Absalome, muananyi, eyi muananyi.

Estere 6:12

Pashishe Mordekayi kupingana ku tshiibi tshia lupangu lua bukalenga. Amane kupingana lukasa kuende, mudibuikile tshilamba ku mesu bua bundu buvuaye nabu.

Misambu 42:3

Muoyi wanyi udi ne nyota ya Mvidi Mukulu, ya Mvidi Mukulu wa muoyi. Ndiba kaayi dingabuela mu nzubu wa Mvidi Mukulu, bua kumueneka kumpala kuende, kumutendelela.

Misambu 43:5

Ndi mpita kubungama bua tshinyi. Muoyi wanyi udi upampakana bualu kaayi? Tekemena Mvidi Mukulu, nemmutumbishe tshiakabidi! Yeye ke Mupandishi wanyi ne Mvidi Mukulu wanyi!

Yezekiyele 24:17

Udidile anu munda munda. Kadi kutekeshi madilu to. Vuala tshitambala tshiebe ku mutu, ne bisabata biebe bu matuku makuabu. Kusokoki mpala, kudi biakudia bidi bena mutumba bakutuadila bua madilu.

Yezekiyele 24:23

Nenuikale basuike bitambala bienu ku mitu, bavuale bisabata ku makasa enu. Kanuabakanyi, kanudidi muadi. Kadi nenufubidile bua bilema bienu. Muntu yonsu neatue mikemu bualu bua dikenga didi muena mutumba nende nadi.

Zekâya 14:4

Dituku adi, neimane pa mukuna wa mitshi ya olive, udi pabuipi ne Yerushalayime, luseke ludi diba dipatukila lua tshimenga. Mukuna wa mitshi ya olive neupandike pankatshinkatshi, tshibandabanda tshinene netshimueneke, tshibanga luseke ludi diba dipatukila, tshifika too ne ku ludidi dibuelela. Tshia bibidi tshimue tshia mukuna netshisemenene luseke lua ku mutu kua ditunga, tshitupa tshikuabu netshisemenene luseke lua kuinshi kua ditunga.

Matayi 5:4

Bantu badi banyingalala, ke bena diakalenga, bualu Mvidi Mukulu neabasambe!

Luke 19:29

Ufika pabuipi ne musoku wa Betfaje ne wa Betanya, pepi ne mukuna wa mitshi ya Olive, kudianjilaye kutuma balongi babidi, ubambila ne:

Luke 19:37

Yezu uvua usemena pabuipi ne Yerushalayime mu njila udi upueka ku mukuna wa mitshi ya Olive. Balongi bende bonsu tshisumbu tshinene bavua ne disanka, batumbisha Mvidi Mukulu ne diyi dikole, bua malu a kukema onsu avuabu bamone.

Luke 19:41

Yezu ufika pabuipi ne tshimenga, utshimona, kuasaye muadi bualu buatshi,

Luke 21:37

Dituku dionsu Yezu uvua ulongesha bantu mu nzubu wa Mvidi Mukulu. Kadi dilolu uvua ubanda pa mukuna wa Olive, ushalamu butuku bujima.

Luke 22:39

Ke Yezu kupatuka, kuya ku mukuna wa Olive, mutua tshibidilu tshiende. Balongi bende kumulonda.

Bienzedi 1:12

Ke bapostolu kumuka ku mukuna wa mitshi ya Olive, kupingana ku Yerushalayime. Mukuna awu uvua mushilangane ne Yerushalayime mutantshi wa kilometre amu bu umue.

Rome 12:15

Sankayi ne badi basanka, nudile ne badi badila.

1 Korente 12:26

Padi tshidimba tshia mubidi tshimue tshisama, bidimba bionsu bidi bisama pamue natshi. Padibu batumbisha tshidimba tshimue, bidimba bikuabu bionsu bidi bisanka pamue natshi.