2 Samuele 15:21 - MUKANDA WA MYIDI MUKULU

²¹ Kadi Itayi kuandamuna ne: — Mukalenga wanyi, bu mudi Maweja-Nangila ne muoyi, ne bu muudi wewe kabidi ne muoyi, ndi nditshipa ne: Tuyaya nebe muaba uudi uya. Pavuafua netufue nebe: pawikala ne muoyi, nengikale ne muoyi kabidi.

Mukanda wa Nzambi Dihungila Dikulukulu ne Dihungila Dihia-dihia 2003

²¹ Itai wakakudimuna mukelenge dî ne, Bu mudi Yehowa ne muoyo ne bu mudi mukelenge wanyi ne muoyo, bulelela, mu miaba yonso idi mukelenge wanyi uya, nansha mu muaba wa lufu nansha mu muaba wa muoyo, muntu wandi neikaleku kabidi.

2 Samuele 15:21 ပူးပေါင်းရင်းမြစ်များ

2 Samuele 15:22

Mukalenga Davide kuandamuna ne: — Eyowa mbimpe. Pita kumpala tuye. Nanku, Kayi kupita ne bena mvita bende ne bena nzubu yabu.

2 Bakalenga 2:2

Tshitupa tshikese, Eliya kuambila Elisha ne: — Ushale muaba ewu. Maweja-Nangila mmuntume ku Betele. Kadi Elisha kumuandamuna ne: — Bu mudi Maweja-Nangila ne muoyi, ne muudi wewe ne muoyi, ndi nditshipa ne: tshiena nkushiya to! Nanku, kuyabu bonsu babidi ku Betele.

2 Bakalenga 2:4

Eliya kuambila kabidi Elisha ne: — Shala muaba ewu, Maweja-Nangila mmuntume ku Yeriko. Kadi Elisha kumuandamuna ne: — Bu mudi Maweja-Nangila ne muoyi, ne muudi wewe nawu, ndi nditshipa ne tshiakukushiya to. Nanku, kuyabu bonsu babidi ku Yeriko.

2 Bakalenga 2:6

Eliya kuambila kabidi Elisha ne: — Ushale muaba ewu. Maweja-Nangila mmuntume ku muelelu wa Yardene. Kadi Elisha kumuandamuna ne: — Bu mudi Maweja-Nangila ne muoyi, ne bu muudi wewe ne muoyi, ndi nditshipa ne: tshiena nkushiya to! Nanku, kuyabu bonsu babidi!

2 Bakalenga 4:30

Kadi mamuende wa muana kuambila muambi Elisha ne: — Bu mudi Maweja-Nangila ne muoyi, ne wewe kabidi muikale ne muoyi, tshiena mua kupingana nkayanyi, katuyi nebe! Nanku Elisha kuya ne mukaji awu.

Nsumuinu 17:17

Mulunda muimpe neakuambuluishe mu malu onsu. Muanetu udi pamue nanyi mu dikenga dionsu.

Nsumuinu 18:24

Muntu udi ne balunda ba bungi, bobu mene badi mua kumukebela dikenga. Kadi mulunda muimpe mmupite ne muanenu.

Bienzedi 11:23

Ufika, kumonaye muvua Mvidi Mukulu mukumbaje mudimu ne dinanga munkatshi mua bena ditaba. Nanku kusankaye, ubabela bonsu bua bananukile ne muoyi mukole, bitabe Mfumu.

Bienzedi 21:13

Kadi yeye kutuandamuna ne: — Nudi nudila, nukeba kuntekesha mu maboku bua tshinyi? Meme ndi nganyisha ki amu bua bansuike mionji, apu kabidi ne bua kutuila Mfumu Yezu mu Yerushalayime.

2 Korente 7:3

Tshiena ngamba nanku bua kunudiwula. Bualu nkadi mumane kunujadikila ne: tudi banunange bikole. Ke mutudi nenu matuku onsu kaba kamue, nansha tuetu ne muoyi, nansha tufua.

1 Samuele 20:3

Davide kuambila Yonatane ne: — Ndi nditshipa, nkujadikila ne: tatuebe udi unkebela lufu! Kadi, tatuebe mmumanye ne: meme Davide ndi mulunda webe. Ke padiye wamba ne: Ki mbimpe bua Yonatane amanye bualu ebu to. Bualu neanyingalale bikole. Nanku, bu mudi Maweja-Nangila ne muoyi, ne bu muudi wewe Yonatane ne muoyi, ndi nkujadikila ne: nkushala anu katupa kakese bua tatuebe kunshipa.

1 Samuele 25:26

Mpindiewu bu mudi Maweja-Nangila ne muoyi, ne bu muudi wewe ne muoyi, Maweja-Nangila nkayende akukandike bua kushipianganyi, bua kudisombuedi wewe mukalenga to. Kadi baluishi bebe, ne bonsu badi bakuenzele bibi, babanyoke mudibu ne bua kunyoka Nabale.