2 Samuele 15:11 - MUKANDA WA MYIDI MUKULU

¹¹ Bantu nkama ibidi ba mu Yerushalayime, bavua Absalome mubikidishe, bavua bafike nende. Kadi bavua baye ne Absalome nanku kabayi bamanya bualu, kabayi nende mu tshipangu tshia kutombokela mukalenga.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Bantu nkama ibidi bakitaba kudi Abashaloma, bakumuka mu Yelushalema, bakaya nʼandi; bakaya bu mu mpukahuka, kabakadi bamanye bualu.

2 Samuele 15:11 ပူးပေါင်းရင်းမြစ်များ

Genese 20:5

Abrahame wangambidi ne: “Sara mmuanetu wa bakaji.” Kabidi Sara wanjadikidi ne: “Abrahame ntutu”. Ke pamvua musue kuenza bualu ebu, kondu kanyi ka munda kakayi kantuuta, nansha kampisha mene.

Nsumuinu 14:15

Muena bitabataba udi witaba bionsu bidibu bamuambila. Kadi muntu mudimuke kena mua kuitaba kayi muanji kuela meji.

Nsumuinu 22:3

Muntu mudimuke udi umona dikenga diamba kumukuata, udiepuka. Bantu batatakane badi babuelamu musangu umue, badikengeshisha.

Matayi 10:16

— Telejayi! Ndi nnutuma bu mikoku munkatshi mua nkashama. Nanku nuikale ne budimu bu bua nyoka, kabidi ne muoyi mulenga bu wa nyunyu wa nkudimba.

1 Samuele 22:15

Dituku adi, dindi mukonke Maweja-Nangila Mvidi Mukulu bualu bua Davide, ki mmusangu wa kumpala to. Kadi meme tshiena mukuelele meji mabi to! Wewe, lekela kumbanda meme ne bena mu nzubu muanyi. Bualu meme tshivua mumanye bualu ebu to.

1 Samuele 9:13

Nanku nenumupete anu panudi nubuela mu tshimenga, kayi muanji kubanda muaba wa tshijila bua kudia biakudia bia mulambu. Muntu nansha umue kena mua kudianza kudi a, mumonyi wa malu kayi muanji kufika. Yeye ke udi ne bua kuela milambu lupemba. Pashishe bantu bavuabu babikila nebadie. Buelayi mu tshimenga lukasa, nenumusangane anu mpindiewu.