2 Samuele 14:26 - MUKANDA WA MYIDI MUKULU

²⁶ Absalome uvua udikosa nsuki ku ndekelu kua tshidimu tshionsu. Bualu nsuki yende ivua ne bujitu bua bungi. Pavua Absalome upima nsuki ayi, ivua ne bujitu bua kilo ibidi, bilondeshile bipimu bivua nabi mukalenga Davide.

Mukanda wa Nzambi Dihungila Dikulukulu ne Dihungila Dihia-dihia 2003

²⁶ Hakabeyeye nsuki ya ku mutu (bualu bua yeye wakadi ne tshilele tshia kubeya nsuki yandi ku tshidimu ku tshidimu, bualu bua bujitu buai), hakidikisheye bujitu bua nsuki yandi buakadi bu nshekele nkama ibidi, bu mudi tshidikishilu tshia mukelenge.

2 Samuele 14:26 ပူးပေါင်းရင်းမြစ်များ

Genese 23:16

Abrahame kuitaba bivua Efrone muakule, kumubadilaye nkanu bungi buvuaye utela, bana babu bumvue. Nanku kumupeshaye nkanu ya tshiamu tshitoke tshia mushinga mukole nkama inayi, bilondeshile mishinga ya basumbishi ba bintu.

2 Samuele 18:9

Ke Absalome, mubande pa nyama wende wa mpunde, kusambakena ne bena mvita ba Davide. Nyama wa mpunde wa Absalome kupitshilaye muinshi mua mutshi munene, uvua ne matamba mapindakane. Mutu wa Absalome kubuela mu matamba a mutshi awu. Nyama wa mpunde kutungunuka ne luendu, Absalome kushala mukalame, mulembelele makasa kaayi atue panshi.

Yeshaya 3:24

Pa mutu pa kununka mupuya muimpe wa manananshi, nebanunke mupuya mubi wa bintu bibole. Pa mutu pa mukaba, nebavuale anu muonji. Pa mutu pa kulukisha nsuki bimpe, nebakungule mu mutu. Pa mutu pa bilamba bilenga, nebavuale bia madilu. Eyowa, bulenga buabu nebuandamuke bundu.

Yezekiyele 44:20

“Batuangaji kabena mua kukungula mu mutu mujima to, kadi badi mua kukosa nsuki bua kayipitshi kulepa.

Lewitiki 19:36

Kadi nuikale ne bipimu bia bushuwa bua buwudi, bujitu ne bule. Meme ndi Maweja-Nangila Mvidi Mukulu wenu, uvua munupatule mu Ejipitu.

1 Korente 11:14

Ku bantu, bidi bienza bundu, padi mulume wenda ne nsuki mile,