2 Samuele 14:25 - MUKANDA WA MYIDI MUKULU

²⁵ Mu ditunga dijima dia bena Izrayele, kamuvua muntu mukuabu uvua ukemesha bantu bonsu bua buimpe buende, bu Absalome to. Absalome uvua muimpe biangatshile ku dikasa too ne ku mutu. Kavua ne tshilema nansha tshimue pambidi.

Mukanda wa Nzambi Dihungila Dikulukulu ne Dihungila Dihia-dihia 2003

²⁵ Kakuakadi muntu mukuabo wakatumbishabo mu Isalele bua bulengele buandi bu Abashaloma; bualu bua yeye kakadi ne katoba kakese mu lubombo lua mutu wandi tô ne munda mua makasa andi.

2 Samuele 14:25 ပူးပေါင်းရင်းမြစ်များ

1 Bakalenga 1:6

Kadi tatuende Davide kavua umutandisha bua bionsu abi to. Kawa nansha ukonka Adoniya tshivuaye wenzela bionsu abi to.

Yobe 2:7

Nanku mufundianganyi kumuka muaba uvua Mvidi Mukulu. Kutuaye Yobe disama dibi dia pa dikoba, mubidi wende mujima kunyanguka biangatshile ku dikasa too ne ku mutu.

Nsumuinu 31:30

Bulenga bua mpala budi bushima, buimpe bua kuisu budi bujika. Amu mukaji udi witaba Maweja-Nangila ke utudi mua kutua makumbu.

Yeshaya 1:6

Biangatshile ku makasa too ne ku mutu, pambidi penu padi amu mputa, mibundabunda, ne mputa ipatuka tufina. Muntu nansha umue kena muyisukule, kena muyele mafuta, kena nansha muyisuike.

Yezekiyele 23:15

Batua babavuadike mikaba mu tshimonu ne bitambala bile ku mitu yabu. Bavua bamueneke bu bilobu bia mvita. Bimfuanyi abi bitua bileja bimpe bena Babilone, mushindu udibu basombe mu ditunga diabu.

Danyele 1:4

Nsongalume ayi ikale ne bukole bua mubidi, kayiyi ne bulema pambidi, ya mubidi mulenga, ya bukole, ya meji, ya dimanya dikumbane, ne ya lungenyi lutue lua kujingulula nalu malu, bua benzele mukalenga mudimu mu nzubu wende wa bukalenga. Nebabalongeshe mua kuakula ne kufunda muakulu wa bena Babilone.

Matayi 23:27

Nuenu balongeshi ba mikenji ne Baparushe, nudi bena diakabi, bualu nudi bena mpala ibidi! Nudi bafuanangane ne nkita milaba lupemba bimpe. Idi imueneka mimpe ku mesu. Kadi munda muayi mudi muwule tente ne mifuba ya bantu bafue, kabidi ne bintu bibole bia mishindu yonsu.

Efeze 5:27

Bualu uvua musue kudiangatshila Tshisumbu etshi ne bulenga buonsu. Kavua musue bua tshikale ne dinyanu, nansha ne kalema, nansha ne mutudi. Uvua mujinge bua tshikale tshia tshijila, tshiakane tshipuangane.

Dielulula 28:35

Maweja-Nangila neanutumine disama dikole dia biuja. Nebinuenze mu makasa, mu binu, ku bibelu, mu mutu too ne mubidi mujima, kakuyi mushindu wa kudiondapa.

1 Samuele 16:7

Kadi, Maweja-Nangila kuambila Samuwele ne: “Kutangidi buimpe bua mpala, nansha bule bua muntu. Meme tshiena mumusungule to. Meme tshiena ntangila, mudi bantu batangila to. Bantu badi batangila amu mpala, ne mushindu udi muntu. Kadi meme ndi ntangila too ne munda mua muntu.”

1 Samuele 9:2

Kishe uvua ne muana wa balume, dina diende Shawule. Shawule uvua nsongalume muimpe mutambe. Mu ditunga dia bena Izrayele dijima, kamuvua muntu mukuabu mufuanangane ne Shawule ku buimpe to. Kabidi uvua mupite bantu bonsu ku bule.