2 Samuele 14:17 - MUKANDA WA MYIDI MUKULU

¹⁷ Nanku, mukalenga, meme mvua ngela meji ne: “Diandamuna dia mukalenga neditusambe, bualu mukalenga, wewe udi bu mutumibue wa Mvidi Mukulu, udi mumanye mua kusunguluja bualu buimpe ne bubi.” Nanku Maweja-Nangila Mvidi Mukulu webe ikale nebe!

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Hashishe muntu webe mukashi wakamba ne, Ndi nkusengelela ne, Dî dia mukelenge wanyi dinsambe; bualu bua mukelenge udi bu muanjelo wa Nzambi bua kujingululeye malu mimpe ne malu mabi. Yehowa, Nzambi webe, ikale nʼebe.

2 Samuele 14:17 ပူးပေါင်းရင်းမြစ်များ

2 Samuele 14:18

Mukalenga Davide kumuambila ne: — Ndi musue kukukonka bualu. Ungandamune, kunsokoki to. Mukaji kuandamuna ne: — Eyowa, mukalenga, konkaku!

2 Samuele 14:20

Yowabe mmusue nenku bua kulongolola tshilumbu. Kadi mukalenga wewe udi mumanye bionsu bidi bienzeka pa buloba, bualu udi ne meji matue bu a mutumibue wa Mvidi Mukulu.

2 Samuele 19:27

Mefibaale kuandamuna ne: — Mukalenga, muena mudimu wanyi ke uvua munshime! Meme mvua muambe ne: “Bu mundi tshiyi ngenda bimpe, ndi musue kusuika biseba bia kusomba pa nyama wanyi wa mpunde, mbande pa nyama, bua tuye ne mukalenga Davide.”

2 Samuele 19:28

Kadi malu onsu adi muena mudimu wanyi mukuambile, mmunshiminyine. Nanku, mukalenga, wewe udi bu mutumibue wa Mvidi Mukulu, udi mua kuenza muudi musue.

1 Bakalenga 3:28

Bena Izrayele bonsu kumvua muvua mukalenga Shelomu mukose nsambu ayi. Kunemekabu mukalenga Shelomu bikole. Bualu bavua bamanye ne: Mvidi Mukulu nkayende ke udi mumupe meji a kulumbuluisha nawu bantu.

1 Bakalenga 3:9

Nanku, Maweja-Nangila, anyisha umpeshe lungenyi lukumbane bua meme kulombola bantu bebe, ne bua kumanya malu mimpe andi mua kubenzela, ne mabi andi ne bua kulekela. Kuyi muenze nanku, kakuena muntu udi mua kulombola bantu bebe bungi nunku to.

Yobe 6:30

Miaku yanyi idi amu mimpe. Ntshidi mumanye mua kusunguluja tshidi tshimpe ne tshidi tshibi.

Nsumuinu 27:21

Bua kuteta mpawungi ne tshiamu tshitoke tshia mushinga mukole, badi babiela mu kapia. Kadi bua kumanya mushinga wa muntu utangile lumu ludiye nalu.

Nsumuinu 29:5

Muntu udi ulabidila balunda bende, udi uditeya bukondu mu njila yeye nkayende.

Ebrewu 5:14

Kadi biakudia bikole mbifundile bantu bakole. Bobu bakadi bibidile kujingulula bidi bimpe ne bidi bibi mu malu amonamonabu.

Yoshua 1:17

Netutumikile diyi diebe menemene, bu mutuvua tutumikila dia Moshe. Maweja-Nangila Mvidi Mukulu webe neikale nebe bulelela, bu muvuaye ne Moshe.

1 Samuele 29:9

Mukalenga Akishe kuandamuna ne: — Ndi mumanye ne: kuena ne bualu to. Wewe udi munsankishe. Ndi mukumone amu bu mutumibue wa Mvidi Mukulu. Kadi balombodi ba bena mvita ba bena Peleshete bangambidi ne: “Davide kena mua kuikala netu ku mvita to!”