2 Samuele 14:11 - MUKANDA WA MYIDI MUKULU

¹¹ Mukaji kuandamuna kabidi ne: — Mukalenga uditshipe mu dina dia Maweja-Nangila Mvidi Mukulu webe bua muntu udi ne bua kusombuela bua lufu lua muananyi, kankengeshi bibi bipite, kashipi muananyi undi mushale nende. Mukalenga Davide kumuambila ne: — Bu mudi Maweja-Nangila ne muoyi, ndi nditshipa ne: nansha lusuki lua muanebe lua ku mutu kaluakumata panshi to.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Hashishe yeye wakamuambila ne, Mukelenge avuluke Yehowa, Nzambi wandi, bua musombuedi wa mashi kashihi kabidi, kabashihi muanʼanyi. Yeye wakamba ne, Bu mudi Yehowa ne muoyo, lusuki lumue lua ku mutu kua muanʼebe kaluena luhona hanshi.

2 Samuele 14:11 ပူးပေါင်းရင်းမြစ်များ

Genese 14:22

Abrame kuandamuna ne: — Ndi nditshipa kumpala kua Maweja-Nangila Mvidi Mukulu muena kulu, mufuki wa diulu ne buloba ne:

Genese 31:50

Wewe mutatshishe bana banyi ba bakaji, musele bakaji bakuabu, wamanya ne: udi mujadike mutudi benzelangane nebe, ki muntu to, anu Mvidi Mukulu nkayende.

2 Samuele 14:10

Mukalenga Davide kumujadikila ne: — Pikala muntu mukuele mpata, ufike nende kundi meme! Nanku muntu kena mua kukutatshisha kabidi to!

2 Samuele 14:12

Mukaji kuandamuna ne: — Mukalenga, ndi musue kukuambilaku bualu bukuabu. Mukalenga kuandamuna ne: — Ambaku.

2 Samuele 14:21

Mukalenga Davide kuya kuyukila ne Yowabe, umuambila ne: — Ndi mumane kuitaba bua kuenza tshiudi mulomba. Uye kukeba nsongalume Absalome, ufike nende muaba ewu.

1 Bakalenga 1:52

Shelomu kuandamuna ne: — Pikala Adoniya wenza malu mimpe, tshiena mua kumuenzela bibi to. Kadi pikalaye ne meji mabi, neafue!

Yirmeya 4:2

Wewe muikale muntu wa muoyi umue, wa buakane ne wa luse, wewe muditshipe muambe ne: “Ndi nditshipa mu dina dia Maweja-Nangila udi ne muoyi”, nanku bisamba bia bantu bakuabu nebindombe bua meme kubiela lupemba. Nebisanke bualu buanyi meme Maweja-Nangila.

Dibadika 35:19

Nanku muntu udibu bateka bua kumusombuela, papetaye mushipianganyi awu, amushipe pende.

Dibadika 35:21

nansha mumushipe ku mituutu, mushipianganyi awu mmuena tshibawu. Pamupetabu kudi musombuedianganyi, neamushipe pende.

Dibadika 35:27

musombuedianganyi mumupete, udi mua kumushipa. Kakuena tshilumbu to.

Matayi 10:30

Kadi nuenu mimanye ne: nansha nsuki yenu idi mibadika yonsu.

Bienzedi 27:34

Nenku ndi nnulomba bua nudie. Amu nuenu badie, ke kushisha kushala ne muoyi. Muntu nansha umue wa kunudi kakujimija lusuki lua ku mutu wende to.

1 Samuele 14:45

Kadi bena mvita kuambila Shawule ne: — Yonatane udi mupeteshe bena Izrayele ditshimuna mu mvita eyi minene, neafue bua tshinyi? Kabiena mua kuenzeka to. Bu mudi Maweja-Nangila ne muoyi, katuena tuitabe nansha bua lusuki lua Yonatane lumate panshi to. Bualu bionsu bidiye muenze lelu ebi, mmuenze ne diambuluisha dia Mvidi Mukulu. Nanku, bena mvita kusungidila Yonatane bua kafu to.

1 Samuele 20:42

Ke Yonatane kuambila Davide ne: — Uye bimpe. Kadi uvuluke ndondu wa bulunda utudi batue nebe mu dina dia Maweja-Nangila, tuamba ne: “Anu Maweja-Nangila nkayende atuambuluishe bua tukumbaje ndondu ewu nebe kashidi, too ne ku ndelanganyi yetu.”

1 Samuele 28:10

Shawule kumuambila ne: — Bu mudi Maweja-Nangila ne muoyi, ndi nditshipa ne: kabena bakushipa bua bualu ebu to.