2 Samuele 13:28 - MUKANDA WA MYIDI MUKULU

²⁸ Ke Absalome kutumina bena mudimu bende diyi ne: — Nutangile Amnone bikole. Pikalaye mumane kukuatshika maluvu, meme nennuambile ne: “Tapayi Amnone!” Nanku nenumutute, numushipe. Kanutshinyi to, meme ke udi munutume. Nuikale ne dikima, nuleje bukitu buenu!

Mukanda wa Nzambi Dihungila Dikulukulu ne Dihungila Dihia-dihia 2003

²⁸ Abashaloma wakelela bantu bandi mukenji ne, Nutangile Amenona bimpe ne hasanka mutshima wandi mu kukuatshika kua maluvu. Hananuambila ne, Nutahe Amenona, bimpe nu mushihe, kanutshinyi; meme tshiakunuambila dî, anyi? Nukoleshe mitshima, nuikale ne dikima.

2 Samuele 13:28 ပူးပေါင်းရင်းမြစ်များ

Genese 9:21

Nowa uvua munue maluvu mukuatshike. Kulalaye mu nzubu muende butaka.

2 Samuele 11:13

Davide kumubikidisha bua kudiabu ne kunuabu nende ku mesa. Davide kumuelela maluvu mapite bungi. Uriya kukuatshika. Kadi dilolu Uriya kulala anu muaba uvua bena mvita bavua balame mukalenga Davide. Kena muye kulala ku nzubu kuende to.

2 Samuele 11:15

Mu mukanda awu, Davide uvua mufunde ne: “Uteke Uriya anu mulongu wa kumpala, muaba udi mvita mikole. Pashishe numuke, numushiye nkayende bua bamuase kudi baluishi, bamushipe.”

2 Samuele 12:10

Nanku biangatshile mpindiewu, kashidi dishipangana kadiena dijika mu nzubu muebe to. Bualu paudi musele mukaji wa Uriya, udi mundembakaje meme.

2 Samuele 13:27

Absalome kusengelela kabidi mukalenga Davide bikole. Nanku mukalenga Davide kuitaba bua Amnone aye. Kuitabaye kabidi bua bana bende bakuabu baye ne Absalome.

2 Samuele 14:6

Mvua mushale ne bana ba balume babidi. Bana abu, mbaye kuluangana mvita ku budimi. Umue kushipa mukuabu, bualu kakuvua muntu bua kubasunga to.

1 Bakalenga 20:16

Kutuadijabu mvita munda munya. Kadi, Benadade ne bakalenga makumi asatu ne babidi, balunda bende, bavua anu bakuatshike maluvu mu ntenta.

Estere 1:10

Dituku dia muanda mutekete dia didia dinene, mukalenga Ahashaveroshe uvua musanke bua mvinyo uvuaye munue. Kubikilaye batungu muanda mutekete, bena mudimu bende, ke Mekumane, Bista, Arbona, Bigta, Abagta, Zetare ne Karkase.

Misambu 104:15

ne maluvu a mvinyo bua kubasankisha, ne mafuta bua kukenkesha mpala yabu, ne diampa bua kubapesha bukole.

Ekesode 1:18

Ke mukalenga wa bena Ejipitu kubabikila, ubakonka ne: — Nudi benze nenku bualu kayi? Nudi balekela bana ba balume ne muoyi bua tshinyi?

Muambi 10:19

Bantu baneme badi badia bua kusanka. Badi basangulaka padibu banua maluvu. Kadi amu badi ne biuma ke badi mua kupeta bionsu bidibu bakengela.

Muambi 9:7

Nenku udie biakudia biebe ne disanka, unue maluvu ebe ne musangelu, bualu Mvidi Mukulu mmumane kuanyisha biudi wenza.

Danyele 5:30

Butuku buvua bulonda, kushipabu Baltazare, mukalenga wa ditunga dia Babilone.

Nahume 1:10

Nansha bobu banua maluvu bakuatshika basuikakana pamue bu tshipuka tshia meba a mingonga, nebapie babutuke bu bisosa biume.

Luke 21:34

— Dimukayi! Kanubuelakanyi amu mu bibilu, mu bunuavi, ne mu ntatu ya panu. Bualu dituku didibu bakosa nsambu ya bantu didi mua kunujikidila diakamue,

Bienzedi 5:29

Petro ne bapostolu kuandamuna ne: — Tudi ne bua kutumikila Mvidi Mukulu kumpala, kadi ki mbantu to!

Yoshua 1:9

Ndi mumane kukuambila ne: kolesha muoyi, kutshinyi, kuzakadi, kutekeshi mu maboku. Bualu meme, Maweja-Nangila Mvidi Mukulu webe, nengikale nebe konsu kuudi uya.

Balombodi 19:22

Kadi pavua benyi abu badia, basanka mu nzubu, bena buenzayi ba mu Ngibeya kunyungulula nzubu awu, kukokola ku tshiibi. Kuambilabu mukulumpe muena nzubu ne: — Patula muntu mulume uudi muakidile kuebe eku. Tudi basue ikale mukajetu.

Balombodi 19:6

Nanku bantu babidi abu kusomba ku mesa, kudia, kunua. Tatuende muenu wa muena Levi kumuambila ne: — Anji kuindila kabidi kakese. Witabe bua kulala muaba ewu lelu.

Balombodi 19:9

Kadi pavua muena Levi musue kupingana, ne mukajende, ne muena mudimu wende, tatuende muenu kumuambila ne: — Teleja, diba ndimane kupita, butuku mbumane kuila. Nulale, nuikishe kabidi kakese. Maloba nenujuke ne dinda bua kupingana kuebe.

Rute 3:7

Bowaze mujikije kudia ne kunua, uvua ne disanka. Pashishe kuyaye kulala pabuipi ne ntete. Rute kuya muaba awu wenda utobela. Kumushaye tshilamba tshitua Bowaze mulale natshi, kulalaye ku mikolu yende.

1 Samuele 18:22

Shawule kuambila balombodi ba mu bukalenga buende ne: — Nuyukile ne Davide mu musokoku. Numuambile ne: Mukalenga Shawule udi ukuanyisha bikole. Tuetu balombodi ba mu bukalenga buende tudi bakunange bikole. Nanku, itabe mpindiewu bua wikale muku wa mukalenga Shawule.

1 Samuele 28:10

Shawule kumuambila ne: — Bu mudi Maweja-Nangila ne muoyi, ndi nditshipa ne: kabena bakushipa bua bualu ebu to.

1 Samuele 28:13

Mukalenga Shawule kuandamuna ne: — Kutshinyi to. Ungambile amu tshiudi mumone. Mukaji kuandamuna ne: — Ndi mumone tshintu bu mukishi, upatuka munda mua buloba.