2 Samuele 13:12 - MUKANDA WA MYIDI MUKULU

¹² Tamare kubenga ne: — Nansha, Amnone wetu! Kuena mua kunkuata ku bukole to! Bena Izrayele kabena benza malu a mushindu ewu to. Kuenji bibi nanku to!

Mukanda wa Nzambi Dihungila Dikulukulu ne Dihungila Dihia-dihia 2003

¹² Yeye wakamukudimuna dî ne, Nansha, muanʼetu mulume, kunkuatshi ku bukole nunku, bualu ebu kabuena mua kuenjibua mu Isalele; kuenji bualu ebu buhote.

2 Samuele 13:12 ပူးပေါင်းရင်းမြစ်များ

Genese 34:2

Shekeme, muana wa Amore, mfumu wa bena Iti umona Diina, kumubuelelaye mu nzubu ku bukole.

Genese 34:7

Bana ba Yakobe balume mu mpata, kubambilabu bionsu bivua bienzeka abi. Bavua bumvue bibi, bafike kabidi munda bikole, bualu Shekeme uvua muenze bualu bubi bua dikamakama, mubuelele muana wa bende wa Yakobe mu nzubu ku bukole. Tshilema tshia mushindu ewu katshiena ne bua kuenzeka mu Izrayele to.

Nsumuinu 7:7

Meme kumona munkatshi mua bansongalume badi kabayi bamanye malu, nsongalume mukuabu mubule meji bikole.

Yirmeya 29:23

Malu awu avua mabenzekele, bualu bavua benza malu mabi mu Izrayele andi mbenga. Bavua benza malu a bundu, bambila bantu malu mu dina dianyi, meme tshiyi mubatume. Kadi meme ndi mumanye malu onsu awu. Mvua muamone ne mesu anyi. Meme Maweja-Nangila ndi njadika nanku.”

Lewitiki 18:11

“Kuena ne bua kubuelela muana wa bakaji wa mukaji wa tatuebe mu nzubu to, bualu mmuana wa tatuebe, kabidi mmuanenu.

Lewitiki 18:9

“Kuena ne bua kubuelela muanenu wa bakaji wa tatuebe nansha wa mamuebe mu nzubu to, nansha bobu kabayi bamukoleshila mu diku dienu.

Lewitiki 20:17

“Padi muntu usela, kabidi ubuelela muanabu wa bakaji wa tatuende nansha wa mamuende mu nzubu, babanyoke, bantu bonsu batangile, bualu mbenze bualu bua bundu. Mulume mmuangate muanabu wa bakaji wa tatu nansha wa mamu. Nanku mmuena tshibawu.

Dielulula 22:21

bakulu ba mu tshimenga nebimanyike mukaji ewu mu mushiku wa mbelu wa nzubu wa tatuende. Bantu balume ba mu tshimenga nebamuase mabue, bamushipe. Bualu mmuenze bualu bua dikamakama, patshivuaye ku nzubu kua baledi bende. Ke munudi mua kujikija buenzayi bua mushindu ewu munkatshi mua bena Izrayele nanku.

Dielulula 22:29

mulume neafute tatuende wa nsongakaji tshibawu tshia nkanu makumi atanu ya tshiamu tshitoke tshia mushinga mukole. Pashishe neangate mukaji kashidi, too ne muafuaye, kayi mua kumubenga musangu nansha umue to. Bualu uvua mumubuelele mu nzubu ku bukole.

Balombodi 19:23

Mukulumpe awu kupatuka, kuambila bena buenzayi abu ne: — Bana betu, ndi nnusengelela, kanuenji bualu bubi bua mushindu ewu to. Kanuenji bualu ebu to. Bualu muntu ewu mmuenyi wanyi.

Balombodi 20:6

Pashishe meme kuambula tshitalu tshia muena kuanyi, kutshikosa mu mabulu andi mutumine tshisamba ne tshisamba tshia bena Izrayele. Bualu bantu aba mbenze bualu bubi budi bufuisha tshisamba tshia bena Izrayele bundu.