2 Samuele 12:9 - MUKANDA WA MYIDI MUKULU

⁹ Kadi wewe, kuena munemeke mikenji yanyi bua tshinyi? Udi muenze bindi mbenga bua tshinyi? Udi mushipe Uriya, muena Iti, ku muela. Eyowa, udi muenze muebe muonsu, bua bena Amone bashipe Uriya. Pashishe wewe kuangata mukajende, kumusela.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Wewe wakalengulula dî dia Yehowa bua kuenza bualu ebu bubi ku mesu kuandi bua tshinyi? Wewe wakashiha Uliya, Muena Hiti, ku muele wa nvita, wakangata mukashi wandi bu mukashi webe, wakamushiha ku muele wa nvita wa bana ba Amona.

2 Samuele 12:9 ပူးပေါင်းရင်းမြစ်များ

2 Samuele 11:4

Davide kutuma bantu bua babikile mukaji awu. Mukaji mumane kufika, Davide kumubuelela mu nzubu! Pashishe, mukaji kupingana ku nzubu kuende. Kadi mukaji awu, utshivua umukilaku ku dijikija mikiya ya tshijila tshia bakaji.

2 Samuele 12:10

Nanku biangatshile mpindiewu, kashidi dishipangana kadiena dijika mu nzubu muebe to. Bualu paudi musele mukaji wa Uriya, udi mundembakaje meme.

2 Samuele 16:7

Shimeyi uvua upenda mukalenga Davide ne: — Umuka, umuka, muntu mutshimbakane, mushipianganyi!

1 Bakalenga 15:5

uvua muenze malu mimpe avua asankisha Maweja-Nangila. Davide kavua mubenge kutumikila ku diyi dia Maweja-Nangila nansha dimue to. Bubi bua Davide buvua anu buvuaye muenzele Uriye, muena Iti.

1 Bakalenga 21:19

Uye, umuambile ne: Maweja-Nangila udi wamba ne: “Udi mushipe muntu. Mpindiewu udi mufike bua kuangata bintu biende!” Maweja-Nangila udi wamba kabidi ne: “Muaba udi mbua milake mashi a Nabote, neyilakilepu ne mashi ebe kabidi.”

2 Kulondolola 33:6

Uvua mulambule ne bana bende ba balume bu mulambu mu tshibandabanda tshia Inome. Uvua wenza majimbu a mishindu mishilangane, ubuka lubuku lua muzangu. Nanku, Menashe uvua wenza amu kuenza malu adi Maweja-Nangila mubenge, umufikisha munda.

Misambu 51:14

Nsanke tshiakabidi, bualu udi mumpandishe. Umpe muoyi wa kukutumikila.

Misambu 51:16

Mvidi Mukulu wanyi, Mupandishi wanyi, ungepule ku lufu. Nemmanyishe bantu ne disanka muudi munsungidile.

Misambu 51:4

Ungumushe bubi buonsu, untokeshe ku tshilema tshianyi.

Misambu 90:8

Wewe udi muleje malu etu mabi patoke, butoke buebe budi bukenkesha malu etu masokome.

Nsumuinu 14:2

Muntu udi wenda mu njila wa buakane, udi utshina Maweja-Nangila. Kadi udi wenda mu njila mikonyangale udi umupepeja.

Yeshaya 5:24

Nenku bantu aba nebabutuke, mudi kapia kuosha bisosa, mudi ndimi ya kapia ilakuka ku bisuku. Nebabutuke bonsu mudi miji ibola, mudi bilongu biuma, bipona panshi. Bualu bavua badiwule dilongesha, dia Maweja-Nangila muena bukole buonsu, babenge diyi dia Mvidi Mukulu wa tshijila wa bena Izrayele.

Yirmeya 18:10

Kadi padi tshisamba etshi tshienza malu andi mubenge, tshipanga kuteleja mibelu yanyi, tshiena nkumbaja malu mimpe amvua mubalaye nansha.”

Amosa 2:4

Teleja tshidi Maweja-Nangila wamba ne: “Ndi ndumbuluisha bena Yuda, mbapisha bua malu mabi mavule, kadi nangananga, bualu mbalengulule malu onsu amvua mubamanyishe. Mbadiate mikenji yanyi ku makasa. Bavua bapambuka mu njila, batendelela mvidie, ivua bankambua babu mene bakukuila. Nanku tshiena mua kubafuila luse! Nenkumbaje bindi mujadike ne:

1 Samuele 15:19

Kuena mutumikile diyi dia Maweja-Nangila bua tshinyi? Udi muangate bintu bia bena Amaleke bua kufikisha Maweja-Nangila munda bua tshinyi?

1 Samuele 15:23

Kadi kubenga kutumikila, nkuenza bualu bubi amu bu mudi kubuka lubuku. Kubenga kuitaba Maweja-Nangila, nkuenza bualu bubi anu bu mudi kutendelela mvidie. Nanku, bu muudi mubenge mua kutumikila mikenji ya Maweja-Nangila, wakubengi. Kuakuikala kabidi mukalenga wa bantu bende bena Izrayele to.

1 Samuele 15:26

Samuwele kuandamuna ne: — Nansha! Tshiena mua kuya nebe to. Bualu udi mubenge kutumikila mikenji ya Maweja-Nangila. Nanku Maweja-Nangila mmumane kukubenga. Kuakuikala kabidi mukalenga wa bena Izrayele to.