2 Samuele 12:7 - MUKANDA WA MYIDI MUKULU

⁷ Muambi Natane kuandamuna ne: — Muntu udi muenze bualu abu, ngwewe mene Davide! Maweja-Nangila Mvidi Mukulu wa bena Izrayele udi wamba ne: “Mvua mukujidile bua wewe kuikala mukalenga wa bena Izrayele. Mvua mukusungidile kudi Shawule uvua ukuluisha.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Hashishe Natana wakambila Davidi ne, Wewe mene udi muntu eu. Yehowa, Nzambi wa Isalele, udi wamba ne, Nakakuela manyi bua wewe wikale mukelenge ku mutu kua Bena Isalele, nakanusungila mu bianza bia Shaula;

2 Samuele 12:7 ပူးပေါင်းရင်းမြစ်များ

2 Samuele 14:13

Mukaji kumuambila ne: — Wewe udi ukengesha bantu ba Maweja-Nangila nunku bua tshinyi? Wewe mumane kuditshipa bu muudi uditshipa mpindiewu emu, udi udipisha nkayebe, bualu kuena ubikidisha Absalome uuvua muipate.

2 Samuele 22:1

Mukalenga Davide kuimbilaye Maweja-Nangila musambu ewu. Bualu Maweja-Nangila uvua mumusungidile kudi baluishi bende bonsu, nangananga kudi Shawule.

2 Samuele 22:49

Maweja-Nangila, udi umpikula kudi baluishi banyi, ungambuluisha bua ntshimune badi bankeba mvita, umpandisha mu bianza bia bena buenzayi.

2 Samuele 7:8

“Wambile Davide kabidi ne: ‘Maweja-Nangila wa bena Izrayele udi wamba ne: Pauvua mulami wa mikoku, meme kukumusha ku mudimu awu, bua wewe kuikala mukalenga wa bantu banyi bena Izrayele.

1 Bakalenga 14:7

Pingana kudi Yerobowame, umuambile ne: Maweja-Nangila wa bena Izrayele udi wamba ne: “Wewe udi bu bena Izrayele bonsu. Kadi meme kukusungula munkatshi mua bena Izrayele bua kuikala mukalenga wa bantu banyi bena Izrayele.

1 Bakalenga 18:18

Muambi Eliya kuandamuna ne: — Meme tshiena nkengesha bena Izrayele to, kadi anu wewe ne bena diku diebe. Bualu nudi babenga kutumikila mikenji ya Maweja-Nangila. Nudi nutendelela mvidie Baale.

1 Bakalenga 20:40

Kadi, pamvua ngenza mudimu, ntua eku ne eku, muena lukanu kunyema! Akabe, mukalenga wa bena Izrayele, kuandamuna ne: — Wewe nkayebe udi mumane kudipisha.

1 Bakalenga 20:42

Muambi kuambila mukalenga Akabe ne: — Maweja-Nangila udi wamba ne: “Bu muudi munyemeshe muntu umvua mumane kufundila lufu, wewe neufue pa muaba wende. Kabidi bantu bebe bena Izrayele nebafue pa muaba wa bantu bende.”

Misambu 18:1

Musambu wa mu mukanda wa misambu ya Davide, wa mu mukanda wa mulombodi wa bena misambu. Davide muntu wa Mvidi Mukulu uvua wambila Maweja-Nangila miaku eyi pavuaye mumane kumupatula mu bianza bia baluishi bende, nangananga bia Shawule.

Yirmeya 34:6

Ke bualu buvua muambi Yirmeya muambile Sedekiya mukalenga wa bena Yuda mu Yerushalayime.

Danyele 4:22

nebakuipate munkatshi mua bantu! Neusombe ne nyama ya mu tshisuku. Neudie bisosa mudi ngombe idia. Lumuma lukuboleshe! Neushale mushindu ewu bidimu muanda mutekete, too ne pawamanya ne: Mvidi Mukulu, Muena kulu, ke udi mfumu wa makalenga a bantu, kabidi udi upesha muntu udiye musue bukalenga.

Matayi 14:14

Yezu upatuka mu buatu, kumonaye bantu ba bungi. Luse kumukuatalu. Kutuadijaye kujikija masama abu.

1 Samuele 13:13

Samuwele kuandamuna ne: — Udi muenze bualu bubi budibu benza kudi muntu udi kayi ne lungenyi to! Kuena munemeke bionsu bivua Maweja-Nangila Mvidi Mukulu webe mukuambile to. Bu wewe muenze bionsu bivuaye mukuambile, nanku Maweja-Nangila uvua mua kuitaba bua diku diebe dishale diku dia bukalenga bua bena Izrayele kashidi.

1 Samuele 15:17

Samuwele kumuambila ne: — Ku kale uvua mudimone muntu tshianana. Mpindiewu udi mukalenga wa bisamba bionsu bia bena Izrayele. Maweja-Nangila nkayende ke uvua mukujidile bua wikale mukalenga wa bena Izrayele.

1 Samuele 16:13

Samuwele kuambula mafuta, kuela Davide pa mutu bua kumujidila, bana babu batangile. Mueyelu wa Maweja-Nangila kutulukila Davide, kushalawu nende biangatshile dituku adi too ne kashidi. Pashishe Samuwele kupingana ku Rama.

1 Samuele 18:11

Diakamue Shawule kufuna ne difuma, udiambila ne: “Ndi mbambila Davide ku tshimana eku.” Shawule kuela difuma misangu ibidi, Davide kupanduka.

1 Samuele 18:21

Uvua udiambila munda ne: “Ndi musue kufila Mikale kudi Davide bua ikale mukajende. Nanku, Mikale neikale bu buteyi kudi Davide, bua kumushipabu kudi bena Peleshete.” (Nanku misangu ibidi, Shawule uvua anu wambila Davide bua ikale muku wende.)

1 Samuele 23:14

Davide kuya mu tshipela tshia Zife, kusomba mu mbuebue ivua ku mikuna. Dituku dionsu, Shawule uvua anu ukeba Davide. Kadi Mvidi Mukulu kavua musue kufila Davide mu bianza bia Shawule to.

1 Samuele 23:7

Shawule kumvua lumu ne: Davide mmumane kubuela mu tshimenga tshia Keyila, kuambaye ne: — Mvidi Mukulu wafidi Davide mu bianza bianyi, bualu Davide padiye mubuele mu tshimenga tshidi ne biibi bikole, mmubuele mu buteyi.