2 Samuele 12:31 - MUKANDA WA MYIDI MUKULU

³¹ Davide kukuatshisha bena tshimenga kuya nabu, kubenzeja midimu mikole, ya kupanda mabaya, kusonga mabue, kupula mitshi muitu, nansha ya kuenza tushola. Nanku bena bimenga bikuabu bionsu bia bena Amone, Davide uvua ubenzeja midimu anu mushindu ewu. Pashishe Davide kupingana mu Yerushalayime ne bena mvita bende bonsu.

Mukanda wa Nzambi Dihungila Dikulukulu ne Dihungila Dihia-dihia 2003

³¹ Yeye wakangata bantu bakadimu, wakabenzesha mudimu wa kuhandabo mabaya ne scie ne bua kuenzabo biamu bia kuihila nʼabi ne bisui, ne bua kuenzabo tushola; wakenzela Bena Amona ba mu misoko yabo yonso nunku. Davidi ne bantu bandi bonso bakahingana ku Yelushalema.

2 Samuele 12:31 ပူးပေါင်းရင်းမြစ်များ

2 Samuele 8:2

Davide kutshimuna kabidi bena Mowabe. Kubaladikaye panshi. Ku bantu basatu, uvua ushipa babidi ba kudibu, ushiya amu muntu umue ne muoyi. Biangatshile musangu awu, bena Mowabe, kushala ku bumfumu bua Davide. Kubalambuishaye bitadi.

1 Kulondolola 20:2

Davide kuangata tshifulu tshia bukalenga tshivua ku mutu wa Milkome, mvidie wa bena Amone. Tshifulu atshi tshivua tshia tshiamu tshia mpawungi. Tshivua ne bujitu bua kilo makumi asatu ne pa mutu. Nenku dibue dia mushinga mukole divua pa tshifulu apu, kudiasabu pa tshifulu tshia bukalenga tshia Davide. Mu tshimenga atshi bavua bapawule kabidi bintu bivule.

1 Kulondolola 20:3

Bena tshimenga bavua Davide mukuate muye nabu, kubebejaye midimu mikole ya kupanda mabaya, kusonga mabue ne ya kuupula mitshi. Nenku bena bimenga bikuabu bionsu bia bena Amone, Davide uvua ubenzeja midimu ya mushindu ewu. Pashishe Davide kupingana mu tshimenga tshia Yerushalayime ne bena mvita bende bonsu.

Yirmeya 43:9

— Angata mabue manene, wajike mu lutanda ludi ku mushiku wa mbelu wa nzubu wa bukalenga udi mu Tapanese. Wenzananku bena Yuda batangile.

Amosa 1:13

Teleja tshidi Maweja-Nangila wamba ne: “Ndi ndumbuluisha bena Amone, mbapisha bua malu mabi mavule, kadi nangananga, bualu mu mvita ivuabu baluangana mu ditunga dia Ngilaade, bua kutentamuna mikalu ya buloba buabu, bakapanda mafu a bakaji bavua nawu. Nanku tshiena mua kubafuila luse nansha! Nenkumbaje bindi mujadike ne:

Amosa 1:14

Nengoshe tshimenga tshiabu tshia Raba. Kapia nekashidishe nzubu yatshi mimpe. Dituku adi, nebele mbila ya mvita, mikole bu tshiona tshia lupepele lua mvunde.

Amosa 1:3

Teleja tshidi Maweja-Nangila wamba ne: “Ndi ndumbuluisha bena Arame ba mu Damase, mbapisha bua malu mabi mavule, kadi nangananga, bualu mbakengeshe ne lonji lukole, bantu badi basomba mu ditunga dia Ngilaade. Nanku tshiena mua kubafuila luse. Nenkumbaje bindi mujadike ne:

Ebrewu 11:37

Bavua bashipe bamue ne mabue, bapanda bakuabu ne nsele bipesa bibidi, anyi babashipa ne muele. Bavua baya eku ne eku bavuale biseba bia mikoku anyi bia mbuji. Bavua bapele. Bavua babakengesha, babanyanga bibi.

Yoshua 10:15

Pashishe Yoshuwa ne bena Izrayele bonsu kupingana mu mitanda yabu ya mu Ngilgale.