2 Samuele 12:26 - MUKANDA WA MYIDI MUKULU

²⁶ Tshikondu atshi, Yowabe mfumu wa bena mvita, kuluisha Raba, tshimenga tshinene tshia bena Amone. Kukuataye tshitupa tshinene tshia tshimenga, muaba uvua mukalenga musombe.

Mukanda wa Nzambi Dihungila Dikulukulu ne Dihungila Dihia-dihia 2003

²⁶ Yoaba wakaluangana ne Laba, musoko wa Bena Amona, wakanyenga musoko eu wa bukelenge.

2 Samuele 12:26 ပူးပေါင်းရင်းမြစ်များ

2 Samuele 11:1

Ku ntuadijilu wa tshidimu bakalenga bavua ne tshibidilu tshia kuya mu mvita. Nanku mukalenga Davide, uvua mutume pende Yowabe, mfumu wa bena mvita ba bena Izrayele, ne balombodi babu, bua baye kuluisha bena Amone. Bena Izrayele kunyangakaja ditunga dia bena Amone, kuluisha bena tshimenga tshia Raba. Davide uvua mushale mu Yerushalayime.

2 Samuele 11:25

Mukalenga Davide kuambila muntu awu ne: — Pingana ku mvita, ukoleshe Yowabe ku muoyi, umuambile ne: “Bualu ebu kabukutondi to. Bualu mu mvita bantu badi anu bafua nseke yonsu ibidi. Nanku uluishe tshimenga atshi bikole, ntshibutule.”

2 Samuele 12:25

Maweja-Nangila kuambila muambi Natane bua amanyishe Davide bualu ebu. Bu muvua Maweja-Nangila munange muana ewu, muambi Natane kumuinyika dina dikuabu ne: Yedidiya, mmumue ne: “Muana udi Maweja-Nangila munange.”

2 Samuele 12:27

Yowabe kutuma bantu bua kuambila Davide ne: “Ndi muluishe tshimenga tshia Raba. Ndi mumane kukuata muaba udi tshiina tshia mayi.

2 Samuele 17:27

Davide mumane kufika ku Makanayime, kupetangana ne Shobi, muana wa Nakashe wa mu Raba, tshimenga tshinene tshia bena Amone. Kumonanganaye kabidi ne Makire, muana wa Amiyele, wa mu tshimenga tshia Lodabare, kabidi ne Barzilayi, wa mu musoku wa Rogelime mu ditunga dia Ngilaade.

Misambu 60:9

Ngilaade nditunga dianyi, Menashe mbuloba buanyi. Efrayime ntshifulu tshianyi tshia tshiamu tshia ku mutu. Yuda ke dikombu dianyi dia bumfumu.

Yezekiyele 25:5

Nennyangakaje tshimenga tshienu tshinene tshia Raba, tshishale muaba wa kudishila nyama ya tumelu. Ditunga dijima dia bena Amone nedishale muaba wa kudishila mikoku. Diba adi, nenujadike ne: meme ndi Maweja-Nangila.

Dielulula 3:11

(Ku ndelanganyi ya bena Refayime bonsu, Oge, mukalenga wa Bashane, ke wa ndekelu udi mushale ne muoyi. Lukita luende bavua baluenze mu dibue. Batshidi mua kulumona mu Raba, tshimenga tshinene tshia bena Amone. Ludi ne bule bua metre anayi ne tshitupa, butshiama bua metre abidi.)