2 Samuele 12:25 - MUKANDA WA MYIDI MUKULU

²⁵ Maweja-Nangila kuambila muambi Natane bua amanyishe Davide bualu ebu. Bu muvua Maweja-Nangila munange muana ewu, muambi Natane kumuinyika dina dikuabu ne: Yedidiya, mmumue ne: “Muana udi Maweja-Nangila munange.”

Mukanda wa Nzambi Dihungila Dikulukulu ne Dihungila Dihia-dihia 2003

²⁵ wakatuma Natana muprofete kudiye, wakamuidika dina ne, Munangibue kudi Yehowa, bualu bua Yehowa.

2 Samuele 12:25 ပူးပေါင်းရင်းမြစ်များ

2 Samuele 12:24

Davide kuya kusamba mukajende Batsheba, kumubuelela mu nzubu. Batsheba kulela muana wa balume, kumuinyika ne: Shelomu. Maweja-Nangila kunanga muana awu.

2 Samuele 12:26

Tshikondu atshi, Yowabe mfumu wa bena mvita, kuluisha Raba, tshimenga tshinene tshia bena Amone. Kukuataye tshitupa tshinene tshia tshimenga, muaba uvua mukalenga musombe.

2 Samuele 7:4

Kadi butuku abu, Maweja-Nangila kuambila muambi Natane ne:

1 Bakalenga 1:11

Nanku, muambi Natane kuya kudi Batsheba, mamuende wa Shelomu umuambila ne: — Bushuwa ukadi mumane kumvua ne: Adoniya, muana wa Agite, mmuditeke mu bukalenga. Kadi mukalenga Davide kena mumanye bualu ebu.

1 Bakalenga 1:23

Kumanyishabu mukalenga difika dia Natane. Ke Natane kubuela, kuinyika mpala panshi kumpala kua mukalenga Davide.

1 Bakalenga 1:8

Kadi mutuangaji Sadoke, ne Benaya, muana wa Yoyada, nansha muambi Natane, ne Shimeyi, Reyi, kabidi ne bena mvita bavua balame mukalenga Davide, kabavua baditua ku tshia Adoniya to.

1 Bakalenga 4:5

Azariya, muana wa Natane, uvua mfumu wa balombodi ba mu bukalenga; Zabude, muana wa Natane, uvua mutuangaji, kabidi mufidi wa ngenyi wa mukalenga Shelomu.

1 Kulondolola 22:9

Kadi neulele muana wa balume. Neikale muntu udi ukeba bupole. Tshiakuanyisha bua baluishi bende badi bamunyungulukila bamutatshishe. Nebamuinyike dina dia Shelomu, — mmumue ne: ‘Bupole’. — Bualu matuku ashalaye mu bukalenga, nempeshe bena Izrayele bupole, kabayi mua kutshina tshintu.

1 Kulondolola 3:5

Davide kulela bana bakuabu mu tshimenga etshi: Batsheba muana wa Amiyele, kumulelela bana ba balume banayi: Shima, Shobabe, Natane ne Shelomu.

Nehemya 13:26

Meme kubakonka ne: — Malu aa ki ngavua mafikishe Shelomu, mukalenga wa Izrayele, ku dienza bibi anyi? Munkatshi mua bisamba bia bende bionsu, kakuvua mukalenga mukuabu bu yeye to. Mvidi Mukulu uvua mumunange, mumuteke mukalenga wa bena Izrayele bonsu. Kadi bakaji ba bisamba bikuabu bavua bamufikishe ku dienza bibi

Matayi 17:5

Patshivua Petro wakula, divuba dikenka kubabuikila. Diyi kumvuika mu divuba ne: — Ewu ke Muananyi menemene, undi munange. Yeye udi unsankisha bikole. Numuteleje.

Matayi 3:17

Ke diyi kumvuika mu diulu, diamba ne: — Ewu ke Muananyi undi munange. Yeye ke udi unsankisha bikole.

Dielulula 33:12

Moshe kuela ndelanganyi ya Binyamine lupemba, wamba ne: “Binyamine ntshisamba tshidi Maweja-Nangila mupite kunanga. Badi basomba talala pabuipi ne Mvidi Mukulu wabu. Maweja-Nangila udi ubalama matuku onsu, usomba munkatshi muabu.”