2 Samuele 12:13 - MUKANDA WA MYIDI MUKULU

¹³ Davide kuandamuna muambi Natane ne: — Ndi mumanye ne: ndi muenze bibi kumpala kua Maweja-Nangila. Muambi Natane kumuambila ne: — Nanku, Maweja-Nangila udi ukufuila luse. Kuena ufua to.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Hashishe Davidi wakambila Natana ne, Nakenzela Yehowa bibi. Natana wakambila Davidi ne, Yehowa wakukubuikidila bubi buebe, wewe kuena ufila.

2 Samuele 12:13 ပူးပေါင်းရင်းမြစ်များ

Genese 39:9

Mu nzubu emu katshiena utangila tshintu nansha tshimue. Tudi nende ne bumfumu bua mushindu umue ku bintu bionsu, pa kukumusha wewe, bualu udi mukajende. Nanku tshiena mua kuenzela Mvidi Mukulu bibi, kubunda tshibawu bunene nunku!

2 Samuele 24:10

Diakamue Davide kudiunwua ne: ndi muenze bibi pandi mubadike bantu ba bena Izrayele. Kuambilaye Maweja-Nangila ne: — Pandi mubadike bena Izrayele, ndi muenze bibi bitambe. Ndi ntonda ne: ndi muenze bualu ebu amu bu muntu udi kayi ne lungenyi! Maweja-Nangila umfuileku luse bua bubi buanyi.

2 Samuele 24:17

Davide mumane kumona mutumibue uvua ubutula bena Izrayele, kuambilaye Maweja-Nangila ne: — Meme ndi muena tshibawu. Meme ndi muenze bibi. Kadi bantu aba kabena benza bualu bubi to. Nanku mbimpe unyoke meme, ne bena nzubu wanyi.

1 Bakalenga 13:4

Mukalenga Yerobowame umvua bionsu bivua muambi wamba, muvuaye ubenga tshilambuilu atshi tshivua mu Betele, kuololaye diboku pa mutu pa tshilambuilu, wela diyi ne: — Kuatayi muntu ewu! Kadi, diboku diende kushala ditandabala, diuminyine, kayi ne mushindu wa kuditunya kabidi to.

1 Bakalenga 21:20

Eliya kuya kuambila Akabe bionsu abi. Akabe kumuambila ne: — Wewe muluishi wanyi, wapinganyi kabidi kundi! Eliya kuitaba ne: — Eyowa, ngapinganyi kabidi kuudi, bualu wewe udi usanka bua kuenza bidi Maweja-Nangila ubenga.

1 Bakalenga 22:8

Akabe, mukalenga wa bena Izrayele, kuandamuna ne: — Muambi mukuabu umue udi munemu. Dina diende Mika, muana wa Imla. Kadi tshiena mumunange to. Bualu misangu yonsu udi ummanyisha amu malu mabi. Katshia, kena muanji kungambilaku bualu buimpe to. Mukalenga Yosafate kukema ne: — Kuangatshi muambi bibi nanku to!

2 Bakalenga 1:9

Mukalenga Akaziya kutuma mulombodi, ne bena mvita makumi atanu, bua kukuata muambi Eliya. Bena mvita abu, kubanda ku lusongu lua mukuna uvua muambi Eliya musombe. Mulombodi wa bena mvita kuambila Eliya ne: — Muambi wa Mvidi Mukulu, tuluka! Ke mudi mukalenga Akaziya mutume diyi!

1 Kulondolola 21:8

Davide kuambila Mvidi Mukulu ne: — Pandi mubadike bena Izrayele, ndi muenze bibi bitambe. Ndi muenze bualu ebu, amu bu muntu udi kayi ne lungenyi! Maweja-Nangila, umfuile luse.

2 Kulondolola 16:10

Asa kufikila muambi Anani munda. Kumueleshaye mu nzubu wa lukanu, bualu miaku ya muambi Kua mimukebe tshiji tshikole be! Tshikondu atshi, Asa kutuadija kukengesha bamue bena ditunga.

2 Kulondolola 25:16

Kadi, mukalenga Amashiya kukabula muambi ku diyi, umukonka ne: — Ndi mukuteke mufidi wa ngenyi mu bukalenga anyi? Puwa, tshianana nebakuenzele bibi. Muambi kuanji kupuwa. Pashishe kuambaye ne: — Ndi mumanye ne: Mvidi Mukulu mmumane kujadika bua kukushipesha, bualu uvua muenze bibi, mubenge mua kuteleja diyi dianyi.

Yobe 33:27

Udi wimba misambu, wambila bantu bonsu ne: “Mvua muenze bibi. Tshivua mukumbaje mikenji. Kadi Mvidi Mukulu ki mmunnyoke to, mmumfuile luse.

Misambu 103:12

Udi umbusha malu etu mabi, wasemeja kule netu, bu mudi luseke ludi diba dipatukila, lusemena kule ne luseke ludi diba dibuelela.

Misambu 51:16

Mvidi Mukulu wanyi, Mupandishi wanyi, ungepule ku lufu. Nemmanyishe bantu ne disanka muudi munsungidile.

Misambu 51:4

Ungumushe bubi buonsu, untokeshe ku tshilema tshianyi.

Misambu 51:6

Ndi mukuenzele bibi amu wewe nkayebe, bualu ndi muenze biudi ubenga. Paudi umpisha, udi wenza amu pa bualu. Tshiena mua kuela mpata mushindu uudi undumbuluisha.

Ekesode 9:27

Mukalenga wa bena Ejipitu kubikidisha Moshe ne Arone, kubambila ne: — Maweja-Nangila mmuenze amu bimpe, kena ne bualu to. Meme ne bantu banyi tudi benze bibi.

Nsumuinu 25:12

Mubelu udi muntu wa meji ukubela, uuteleje; udi ne mushinga mupite wa kakanu ka mpawungi ka ku munu nansha ka mu nshingu.

Nsumuinu 28:13

Udi usokoka bilema biende, kena utuuta dikasa dimpe. Kadi udi ubitonda, ubibenga, Mvidi Mukulu neamufute luse.

Yeshaya 38:17

Eyowa, kanyinganyinga nkandamuke diakalenga. Udi munnange bushiwa, mungumushile lufu. Wewe kuangata bilema bianyi bionsu, kubiela panyima kule kutambe.

Yeshaya 43:24

Uuvua musumbile mienge ya mupuya muimpe ku mushinga mukole, ki mmmeme to! Mafuta a nyama yebe ya milambu, kuena mungukutshishe meme nawu to! Apu, wewe udi mungenze meme mupika webe ne bilema biebe. Buenzayi buebe ke bualu budi buntonda!

Yeshaya 44:22

Nkadi mukupule buntomboji buebe, ne bilema biebe, bu mudi divuba dipite lubilu, dijimine. Ndi mukupandishi webe. Pingana kundi.”

Muadi 3:32

Nansha yeye ukengesha muntu, udi umufuila luse, bualu buimpe buende mbupite bunene.

Lewitiki 20:10

“Muntu yonsu udi ubuelela mukaji wa bende mu nzubu, babashipe bonsu babidi, muena tshibawu kabidi ne mukaji awu.

Lewitiki 24:17

“Padi muntu ushipa mukuende, bamushipe pende.

Zekâya 3:4

Mutumibue wa Mvidi Mukulu kuambila batumibue bavuaye nabu ne: numuvule bilamba abi. Pashishe kuambilaye Yeshuwa ne: — Ndi mukumushe bubi buebe. Nenkuvuadike bilamba bia tshibilu.

Matayi 14:10

Kutumaye muntu mu nzubu wa lukanu, bua akosemu mutu wa Yowanane-Batiste.

Luke 15:21

Ke muana kumuambila ne: “Tatu wanyi, ndi muenzele Mvidi Mukulu bibi. Ndi mukuenzele ne wewe kabidi. Tshitshiena mukumbane bua untangile bu muanebe.”

Luke 18:13

Mulambuishi wa bitadi uvua muimane yeye pa bule, kayi nansha ukimina kutangila mu diulu. Kadi uvua udituuta pa tshiadi, wamba ne: “Eyi, Mvidi Mukulu wanyi, ungumvuileku luse. Meme ndi muenji wa malu mabi.”

Bienzedi 2:37

Bantu bumvua miaku eyi, kulubakanabu bikole. Kukonkabu Petro ne bapostolu bakuabu ne: — Kadi, bana betu, tshitudi ne bua kuenza ntshinyi?

Ebrewu 9:26

Patupu, uvua mua kumvua makenga misangu ya bungi katshia bafuke buloba. Kadi Kristu mmumueneke mpindiewu, matuku a ku nshikidilu musangu amu umue bua kudilambula bu mulambu wa kujimija bubi.

1 Yone 1:7

Kadi tuetu bende mu butoke, mudi Mvidi Mukulu mu butoke, nanku bonsu tudi tuenza tshintu tshimue, kabidi mashi a Yezu, Muanende, adi atupikula ku bubi buonsu.

Didimanyisha 1:5

ne bia kudi Yezu Kristu, udi ujadika malu mudiwu, Muanabute, Wa kumpala udi mubiike ku bafue, Mukalenga wa bakalenga bonsu ba pa buloba, bishindame munda muenu. Kristu udi utunanga. mMutupikule ku mibi yetu ku lufu luende.

1 Samuele 15:20

Shawule kuandamuna ne: — Meme ndi mutumikile diyi dia Maweja-Nangila. Ndi muenze bionsu bivuaye mungambile. Ndi mushipe bena Amaleke bonsu. Ndi mushiye anu mukalenga wabu Agage, undi mufike nende muaba ewu.

1 Samuele 15:30

Shawule kumuambila ne: — Ndi mumane kuenza bibi. Kadi ndi nkutendakena ne: unnemekeku kumpala kua bakulu, ne kua bena Izrayele bakuabu bonsu. Tupingane nebe bua meme kuya kutendelela Maweja-Nangila Mvidi Mukulu webe.