2 Samuele 11:16 - MUKANDA WA MYIDI MUKULU

¹⁶ Pavua Yowabe mutuadije kuluisha bena Raba, kutekaye Uriya muaba uvuaye mumone baulame kudi baluishi ba bukitu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Hakadi Yoaba utentekele musoko, yeye wakateka Uliya ha muaba hakadi bena bukitu.

2 Samuele 11:16 ပူးပေါင်းရင်းမြစ်များ

2 Samuele 11:15

Mu mukanda awu, Davide uvua mufunde ne: “Uteke Uriya anu mulongu wa kumpala, muaba udi mvita mikole. Pashishe numuke, numushiye nkayende bua bamuase kudi baluishi, bamushipe.”

2 Samuele 11:17

Bantu bavua balame tshimenga atshi kupatukabu, bua kuluisha Yowabe ne bena mvita bavuaye nabu. Kushipabu bena mvita bakuabu ba Davide, ne balombodi bakuabu ba bena mvita. Kushipabu kabidi ne Uriya.

2 Samuele 11:21

Uvua mushipe Abimeleke, muana wa Yerubaale, ku Tebese nnganyi? Uvua anu muntu mukaji! Mukaji awu uvua mubande kulu pa tshimana tshia tshimenga. Kuasaye Abimeleke dibue dia mpelu. Abimeleke kufila! Kadi nuenu, nuvua basemena pabuipi ne bimana bua tshinyi? Pikala mukalenga Davide mukukonke nanku, umuambile ne: ‘Mulombodi wa bena mvita, Uriya muena Iti, mmufue kabidi.’ ”

2 Samuele 3:27

Bamane kufika ne Abnere ku tshiibi tshia tshimenga, Yowabe kubuela nende mu tshimenga, kuya nende pa nkayende, bu udi musue kumuambila bualu bua musokoku. Muaba awu, Yowabe kutua Abnere muela mu difu. Kumushipaye bua kusombuela lufu lua muanabu Ashayele.

1 Bakalenga 2:5

“Pashishe, uvuluke malu mabi onsu avua Yowabe, muana wa Seruya, mungenzele. Uvua mushipe Abnere, muana wa Nere, mushipe kabidi Amasha, muana wa Yetere, bamfumu babidi balombodi ba bena mvita ba bena Izrayele. Bu muvua Yowabe mushipe bantu aba mu tshikondu tshia ditalala, kabiyi mu matuku a mvita, udi muena tshibawu menemene. Udi ne mashi a bantu aba pambidi, bualu mmushipe dilaya diabu dia bena mvita.

2 Bakalenga 10:6

Yehu kubafundila mukanda muibidi, ubambila ne: “Panudi ku luseke luanyi, basue kutumikila meyi anyi, nushipe ndelanganyi ya mukalenga Akabe yonsu. Nuyikose mitu. Malaba diba ditudi edi, nufike bua kumpesha mitu ayi mu tshimenga tshia Yizreyele.” Ndelanganyi ayi makumi muanda mutekete ya mu diku dia bukalenga, bavua bayikolesha kudi bantu bamanyike ba mu Samariya.

Nsumuinu 29:12

Padi mfumu witaba malu a dishima, bonsu badi kuinshi kuende nebandamuke bena dishima.

Osheya 5:11

Nebakengeshe bena Efrayime bikole, nebajimije ne buloba buvua buabu, bualu mbaye kukeba diambuluisha, kudi bantu badi kabayi ne tshia kuenza.

Bienzedi 5:29

Petro ne bapostolu kuandamuna ne: — Tudi ne bua kutumikila Mvidi Mukulu kumpala, kadi ki mbantu to!