2 Samuele 11:15 - MUKANDA WA MYIDI MUKULU

¹⁵ Mu mukanda awu, Davide uvua mufunde ne: “Uteke Uriya anu mulongu wa kumpala, muaba udi mvita mikole. Pashishe numuke, numushiye nkayende bua bamuase kudi baluishi, bamushipe.”

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Wakafunda mu mukanda nunku ne, Uteke Uliya ku mpala hadi nvita mikole, umushiyeku, bamushihe, afue biandi.

2 Samuele 11:15 ပူးပေါင်းရင်းမြစ်များ

2 Samuele 11:16

Pavua Yowabe mutuadije kuluisha bena Raba, kutekaye Uriya muaba uvuaye mumone baulame kudi baluishi ba bukitu.

2 Samuele 11:17

Bantu bavua balame tshimenga atshi kupatukabu, bua kuluisha Yowabe ne bena mvita bavuaye nabu. Kushipabu bena mvita bakuabu ba Davide, ne balombodi bakuabu ba bena mvita. Kushipabu kabidi ne Uriya.

2 Samuele 12:9

Kadi wewe, kuena munemeke mikenji yanyi bua tshinyi? Udi muenze bindi mbenga bua tshinyi? Udi mushipe Uriya, muena Iti, ku muela. Eyowa, udi muenze muebe muonsu, bua bena Amone bashipe Uriya. Pashishe wewe kuangata mukajende, kumusela.

1 Bakalenga 15:5

uvua muenze malu mimpe avua asankisha Maweja-Nangila. Davide kavua mubenge kutumikila ku diyi dia Maweja-Nangila nansha dimue to. Bubi bua Davide buvua anu buvuaye muenzele Uriye, muena Iti.

Misambu 51:14

Nsanke tshiakabidi, bualu udi mumpandishe. Umpe muoyi wa kukutumikila.

Misambu 51:4

Ungumushe bubi buonsu, untokeshe ku tshilema tshianyi.

Muambi 8:11

Muntu udi wenza malu mabi kabena bamunyoka mpindiewu. Ke padi bantu benza malu mabi misangu yonsu.

Yirmeya 17:9

— Udi mua kumanya muoyi wa muntu nnganyi? Muoyi wende udi usama, kabayi mua kuondapa. Udi udinga bantu, kabayi mua kujingulula.

Yirmeya 20:13

Imbilayi Maweja-Nangila musambu, numusamune, bualu uvua mumushe muena dikenga mu bianza bia baluishi bende.

1 Samuele 18:17

Shawule kudiambila munda ne: “Meme tshiena musue kushipa Davide to. Bena Peleshete nebamushipe.” Nanku, Shawule kuambila Davide ne: — Merabe, muananyi wa bakaji muanabute, nyeye ewu. Pawikala mungenzela mudimu ne dikima, pawikala muluangana mvita mu dina dia Maweja-Nangila, ndi nkupesha muananyi ewu bua ikale mukajebe.

1 Samuele 18:21

Uvua udiambila munda ne: “Ndi musue kufila Mikale kudi Davide bua ikale mukajende. Nanku, Mikale neikale bu buteyi kudi Davide, bua kumushipabu kudi bena Peleshete.” (Nanku misangu ibidi, Shawule uvua anu wambila Davide bua ikale muku wende.)

1 Samuele 18:25

Ke Shawule kubatuma ne: — Ambilayi Davide ne: “Mukalenga Shawule kena ukulomba lupetu lua tshibidilu bua dibaka edi to. Kadi, udi ukulomba anu makoba lukama a misosu ya bena Peleshete, bua kusombuelaye baluishi bende.” Shawule uvua wela meji ne: ke mudibu mua kushipa Davide kudi bena Peleshete.