2 Samuele 10:6 - MUKANDA WA MYIDI MUKULU

⁶ Bena Amone kumona ne: Davide ukadi muluishi wetu. Nanku kufutabu bena mvita binunu makumi abidi ba bena Siriya, ba mu Beterekobe ne mu Soba, bena mvita tshinunu ba mukalenga wa Maaka, ne bena mvita binunu dikumi ne bibidi ba mu Tobe.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Hakatangila Bena Amona ne, Davidi wakalengulula, Bena Amona bakabikila Bena Sulia ba mu Bete-lehoba ne ba mu Soha, binunu makumi abidi bakadi benda hanshi; mukelenge wa Mâka wakafila tshinunu tshia bantu; bantu ba Tobo bakadi binunu dikumi ne bibidi.

2 Samuele 10:6 ပူးပေါင်းရင်းမြစ်များ

Genese 34:30

Ke Yakobe kuambila bana bende Shimeyone ne Levi ne: — Nuangenzedi bibi, nuamfuishi bundu kudi bena Kenaane ne kudi bena Perizi. Tuetu tudi bakese, bobu badi ba bungi. Badi mua kudisanga, kumbutala ne bianyi bionsu bindi nabi.

2 Samuele 10:5

Kumanyishabu Davide bionsu abi. Kutumaye bantu bua baye kuakidila balombodi ba mu bukalenga buende, bualu bavua ne bundu bua bungi. Mukalenga Davide kubatumina diyi ne: “Nusombele amu mu tshimenga tshia Yeriko too ne pikala miedi yenu mimena kabidi. Pashishe nenufike muaba ewu.”

2 Samuele 10:7

Davide upeta lumu lua bena mvita bavua badisangisha abu, kutumaye Yowabe, mfumu mulombodi wa bena mvita bende, ne bena mvita bonsu bavua bamanye mvita bikole.

2 Samuele 16:21

Akitofele kuandamuna lukasa ne: — Bakaji bonsu badi tatuebe Davide mushiye bua kulamabu nzubu wa bukalenga, ubabuelele mu nzubu, bua ushale muena lukuna wa tatuebe Davide. Pikala bena Izrayele bonsu bumvua bualu ebu, bantu badi batue ku tshiebe nebikale ne dikima.

2 Samuele 23:34

Elifelete, muana wa Akasbayi ne muikulu wa muntu wa Maaka; Eliyame, muana wa Akitofele, wa mu tshimenga tshia Ngilo;

2 Samuele 8:12

(Bena Siriya, bena Mowabe, bena Amone, bena Peleshete ne bena Amaleke). Ke nuwuaye mujidila kabidi bintu bionsu bivuaye munyenga Adadezere.

2 Samuele 8:3

Pavua Adadezere, muana wa Rekobe, mukalenga wa Soba, mu ditunga dia bena Siriya, mu luendu, ukeba mua kukuata tshiakabidi buloba bua ku musulu wa Perate, Davide kumutshimuna.

2 Samuele 8:5

Pashishe bena Siriya ba mu Damase, kufika bua kuambuluisha Adadezere mu mvita. Kadi Davide kubatshimunaye kabidi. Kushipaye bantu ba kudibu binunu makumi abidi ne bibidi.

1 Bakalenga 11:24

Tshikondu tshivua Davide mushipe bena mvita ba Adadezere. Rezone uvua musangishe bena mvita, ubalombola. Kuyaye nabu, kusomba ku Damase, kuangataye bukalenga muaba awu.

2 Bakalenga 7:6

Bena Siriya bavua mu mitanda, Maweja-Nangila uvua mumane ibatshinyisha ne mutoyi mukole wa bena mvita, bikale ne nyama ya tubalu ne matempu a mvita. Ke bena Siriya kuambilangana ne: “Yorame, mukalenga wa bena Izrayele, mmumane kufuta bakalenga ba bena Iti ne ba bena Ejipitu bua batume bena mvita babu bua kutuluisha.”

Misambu 48:4

Nansha bantu bakolesha tshimenga etshi ne bimana, amu Mvidi Mukulu ke udi utshilama.

Ekesode 5:21

Kuambilabu Moshe ne Arone ne: — Maweja-Nangila mmumone bionsu ebi. Neanunyoke, bualu tuetu katuena kabidi ne mushinga kudi mukalenga wa bena Ejipitu ne kudi bantu bende. Nudi batukebele dikenga ne lulu.

Nsumuinu 25:8

Wewe mumone bualu, lekela kuzukila bua kuya nabu ku tshilumbu. Pikala muntu uudi mufunde mukupishe, neuvue kuenza kabidi tshinyi?

Yirmeya 40:8

Ke balombodi abu ba bena mvita ne bantu babu, kuya ku Mispa kuvua Ngedaliya. Bavua baye ke: Ishemayele, muana wa Netanya, Yowanane ne Yonatane bonsu babidi bana ba balume ba Kareya, Seraya, muana wa Tanekumete, ne bana balume ba Afayi wa mu Netofa, ne Yazanya wa mu Maaka.

Yirmeya 46:21

Nansha bena mvita bavua bena Ejipitu basumbe, badisha bimpe bu tuana tua ngombe, bonsu kuela nyima, kunyema lubilu. Muntu nansha umue kena utua nkanana, pandi mfika bua kubabutula, pandi musue kubanyoka.

Dielulula 3:14

Ndelanganyi ya Yayire, muana wa Menashe, ivua mikuate ditunga dia Argobe, divua mu Bashane, too ne ku mikalu ya bena Ngeshure ne bena Maaka. Misoku ya ditunga adi batshidi bayibikila ne: mmisoku ya Yayire.)

Balombodi 11:3

Nanku Yefete kunyema bana babu, kuya kule. Kuasaye mu buloba bua Tobe. Bantu bena buenzayi kudisangisha ne Yefete, kumulonda mu bionsu bivuaye wenza.

Balombodi 11:5

Nanku bu muvuabu batuadija kuluangana, bakulu ba mu Ngilaade kuya kukeba Yefete mu buloba bua Tobe.

Balombodi 18:28

Tshimenga tshia Layishe tshivua mu tshibandabanda tshia Bete-Rekobe, mutantshi mule ne Sidone. Bena Layishe kabavua ku bumfumu bua muntu mukuabu to. Ke pavua muntu nansha umue kayi ufika bua kubambuluisha. Bena Dane kuasulula tshimenga atshi, kusombamu.

1 Samuele 13:4

Bena Izrayele bumvua ne: Shawule ke udi mushipe mfumu wa bena Peleshete, kabidi ne: Bena Peleshete mbafikile bena Izrayele munda. Ke bena mvita bonsu ba bena Izrayele kudisangisha kudi Shawule mu Ngilgale.

1 Samuele 27:12

Ke muvua mukalenga Akishe witaba Davide bikole. Bualu uvua wela meji ne: “Bu mudi bena Izrayele babenga Davide. Yeye neangenzele mudimu kashidi.”