2 Samuele 10:19 - MUKANDA WA MYIDI MUKULU

¹⁹ Nanku bakalenga bonsu bavua ku bumfumu bua Adadezere bamone ne: bena Izrayele mbatupite bukole, kutuabu nabu ndondu, kushalabu ku bumfumu bua bena Izrayele. Bena Siriya kutshina bua kuambuluisha kabidi bena Amone.

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Hakatangila bakelenge bonso bakadi balamata Hadadezê ne, Bena Isalele bakatuhita bukole, bakalekela kuluangana ne Bena Isalele, bakabakuatshila mudimu. Nunku Bena Sulia bakatshina kukuatshisha Bena Amona kabidi.

2 Samuele 10:19 ပူးပေါင်းရင်းမြစ်များ

2 Samuele 8:3

Pavua Adadezere, muana wa Rekobe, mukalenga wa Soba, mu ditunga dia bena Siriya, mu luendu, ukeba mua kukuata tshiakabidi buloba bua ku musulu wa Perate, Davide kumutshimuna.

2 Samuele 8:6

Davide kuteka balombodi ba bukalenga buende mu Siriya. Bena Siriya kushala ku bumfumu bua Davide. Kubalambuishaye bitadi. Ke mushindu uvua Maweja-Nangila mupeshe Davide bukole bua kutshimuna mvita yonsu nanku.

1 Bakalenga 20:1

Benadade, mukalenga wa bena Siriya, kusangishaye bena mvita bende bonsu, ne ba bakalenga makumi asatu ne babidi bavua bumvuangana nende. Kusangishaye kabidi ne nyama ya tubalu ne matempu a mvita bua kuya kuluisha tshimenga tshia Samariya, ukeba kutshikuata.

1 Kulondolola 19:19

Nanku, bakalenga bonsu bavua ku bumfumu bua Adadezere bamona ne: bena Izrayele mbatupite ku bukole, kumwanganabu ne Davide. Kushalabu ku bumfumu buende. Bituadije diba adi, bena Arame kabavua kabidi basue kuambuluisha bena Amone to.

Yeshaya 26:11

Maweja-Nangila, wewe udi olola tshianza bua kubanyoka, kadi kabena bamona biudi musue kuenza to. Udi ubaluisha bundu, ubanyoka, bua bamone muudi unanga bantu bebe bikole! Kapia kaudi mufundile bena lukuna bebe, kababutule bonsu bungi buabu!

Danyele 2:37

Wewe udi mukalenga mupite bakalenga bonsu. Mvidi Mukulu wa mu diulu udi mukupeshe bukalenga, dikanda, bukole ne lumu.

Yoshua 11:10

Musangu uvua Yoshuwa ufumina ku mvita eyi, uvua ukuata tshimenga tshia Ashore. Tshimenga atshi tshivua tshimenga tshinene tshia kale tshia makalenga a ku mutu mu ditunga. Yoshuwa kushipa mukalenga wa tshimenga atshi.

Didimanyisha 18:10

Nebimane mutantshi mule, bazakale bua makenga adi ne bua kukuata tshimenga. Nebambe ne: “Babilone, ndiakabi kaayi edi! nDikenga kaayi! Wewe tshimenga tshinene, tshia bukole kabidi! Badi bakunyoka amu diba dimue, ubutuka butubutuu!”

Balombodi 1:7

Ke mukalenga Adoni-Bezeke kuela mbila ne: — Akia! Bakalenga makumi muanda mutekete, bavuabu bakose biala ne bana ba nkasa banene, bavua bangula, muinshi mua mesa anyi, biakudia bivua bimata panshi! Bushiwa, Maweja-Nangila wansombuedi ku bibi bionsu bimvua muenze. Kuyabu ne mukalenga Adoni-Bezeke ku Yerushalayime. Kuyaye kufuilaku.