2 Samuele 1:6 - MUKANDA WA MYIDI MUKULU

⁶ Nsongalume kumuambila ne: — Meme mvua mufike ku mukuna wa Ngilbowa mu mpukapuka. Meme kumona Shawule mudishinde pa difuma diende. Bavua bamubambakaja bikole kudi baluishi bende, bavua ne matempu a mvita, ne kudi bavua babanda pa nyama ya tubalu.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Nsongalume wakamuambila ne, Meme nakalua ku mukuna wa Gileboa ku mpukahuka, ne mona, Shaula wakadi mushindamine ku difuma diandi; ne mona, bena makalu ne bantu bakadi benda ha nyima ha tubalu bakadi bamutshintshimike ha buihi.

2 Samuele 1:6 ပူးပေါင်းရင်းမြစ်များ

2 Samuele 1:21

Ku mikuna ya Ngilbowa, lumuma nansha mvula kabiloki! Mu bibandabanda biayi, kamuikadi biakudia mu madimi! Bualu ke muaba uvuabu bimanshe ngabu ya bena mvita ngabu wa Shawule udibu kabayi mua kufita kabidi manyi.

2 Samuele 1:5

Davide kumukonka kabidi ne: — Muudi mumanye ne: Shawule ne Yonatane mbafue mmunyi?

2 Samuele 1:7

Shawule ukenzakana, kummonaye, kumbikila. Meme kuitaba ne: “Eyowa, mukalenga.”

Luke 10:31

Kuvua mutuangaji upueka mu mpukapuka ne njila awu. Kumonaye muntu awu, kusesukaye, kuya.

Rute 2:3

Ke Rute kuya ku budimi, wenda upumbulula biakudia bivua banowi bashiya mu budimi. Diakalenga, budimi abu buvua bua Bowaze, wa mu diku dia ba Elimeleke.

1 Samuele 28:4

Dituku dikuabu, bena Peleshete kusangisha bena mvita babu. Kuasabu mitanda yabu pabuipi ne Shuneme. Shawule kubikidisha bena mvita ba bena Izrayele. Kuasabu mitanda yabu pabuipi ne mukuna wa Ngilbowa.

1 Samuele 6:9

Nanku nenumone: pikala ngombe milonde njila udi muye mu ditunga dia bena Izrayele, luseke lua ku Bete-Shemeshe, nenujadike ne: Mvidi Mukulu wa bena Izrayele, ke udi munutumina makenga onsu aa. Kadi pikala ngombe kayiyi milonda njila ewu, netujadike ne: Maweja-Nangila wa bena Izrayele kena mututumina makenga aa to, kadi tudi bapeta makenga aa mu mpukapuka.