2 Samuele 1:20 - MUKANDA WA MYIDI MUKULU

²⁰ Kanumanyishi bena Ngate lumu elu lubi, kanulutangalaji mu misesu ya Askalone. Bakaji ba bena Peleshete kabasanki nanku! Nsongakaji ya bantu benyi, kayedi mbila ya disanka!

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Kabambi bualu ebu mu Gata, lumu elu kalumanyibu mu misesu ya Ashekelona; bua bana bakashi ba Bena Peleshete kabasanki, bua bana bakashi ba bantu badi kabayi batengula kabatambi bukole.

2 Samuele 1:20 ပူးပေါင်းရင်းမြစ်များ

Yezekiyele 16:27

Ke meme kukuleja panyi bukole buanyi, kukupala biakudia, kukufila mu bianza bia baluishi bebe, bua baye nebe mu bimenga bia bena Peleshete, batua bumvua bundu bua malu mabi auvua muenze.

Yezekiyele 16:57

Bubi buebe wewe kabuvua buanji kumueneka. Mpindiewu, nebakuseke kudi bimenga bia bena Edome, ne kudi bimenga bidibu nabi mutumba. Nebakupende ne kudi bimenga bia bena Peleshete, nebakupepeje nseke yonsu.

Mika 1:10

Kanuambi bualu ebu mu tshimenga tshia Ngate, kanudidimu muadi ne diyi dikole. Mu Bete-Leyafra, nudibonde mu lupuishi, bu bantu badi mu madilu.

Balombodi 11:34

Pavua Yefete upingana kuende ku Mispa, muanende wa bakaji kupatuka bua kumuakidila. Uvua wenda wimba makasa, uja ne maja. Yefete uvua anu ne muana umue wa bakaji awu. Kavua mulele bakuabu to.

Balombodi 14:19

Pashishe, Mueyelu wa Maweja-Nangila kutulukila Shimeshone. Kuyaye ku Askalone. Kushipaye bantu balume makumi asatu. Kuangataye bilamba biabu, kubipesha bansongalume bavua bandamuna muanu. Ke Shimeshone kupingana kudi tatuende ne tshiji tshikole.

1 Samuele 14:6

Yonatane kuambila nsongalume wende ne: — Luaku tuye too ne ku tshisumbu tshia bena mvita ba bena Peleshete, badibu kabayi bateke panshi. Misangu mikuabu Maweja-Nangila udi mua kutuambuluisha. Bualu kakuena tshidi mua kupumbisha Maweja-Nangila bua atupeteshe ditshimuna, nansha tuetu ba bungi nansha tuetu bakese.

1 Samuele 17:26

Davide kukonka bena mvita bavua pabuipi nende ne: — Muntu wikale mushipe muena Peleshete ewu bua kusombuela bipendu bidiye upenda bena Izrayele, nebamufute tshinyi? Muena Peleshete ewu, udibu kabayi bateka panshi, upenda bena mvita ba Mvidi Mukulu wa muoyi nnganyi mene?

1 Samuele 17:36

Ke mumvua nshipa nyama ya ntambue ne ya nkashama nanku. Ke mungenzela muena Peleshete ewu, udibu kabayi bateke panshi. Bualu udi upenda bena mvita ba Mvidi Mukulu wa muoyi.

1 Samuele 18:6

Pavua bena mvita bafuma ku mvita, Davide mumane kushipa Ngoliyate muena Peleshete, ke bakaji ba mu bimenga bionsu bia bena Izrayele kufika bua kuakidila mukalenga Shawule. Bavua bimba misambu, baja maja, balonda dikasa dia ngoma ne bisanji, bela mbila ya disanka.

1 Samuele 31:4

Kuambilaye muntu uvua mumuambuile bia lulu ne: — Angata muela webe, unshipe. Bualu tshiena musue bua banshipe, banseke kudi bena Peleshete aba, bantu bavuabu kabayi bateke panshi. Kadi, muntu uvua muambuile Shawule bia lulu, kubenga, bualu uvua ne bowa bua bungi. Ke Shawule kuasa muela wende panshi, kudiela pa muela apu.

1 Samuele 6:17

Bintu bivua bileja disama dia mulaka, bia tshiamu tshia mpawungi, bivua bena Peleshete balambula Maweja-Nangila, bua mulambu wa didia tshibalu bivua bungi nenku: bena tshimenga tshia Asdode bavua bafila tshintu tshimue, bena Ngaza tshimue, bena Askalone tshintu tshimue, bena Ngate tshintu tshimue ne bena Ekrone tshintu tshimue.