2 Samuele 1:2 - MUKANDA WA MYIDI MUKULU

² Dituku disatu, nsongalume kufika, ufumina mu mitanda ya Shawule. Uvua ne bilamba bipandike, ne maloba mu mutu, bua kuleja madilu. Anu nsongalume ufika pabuipi ne Davide, kudielaye mpala panshi.

Mukanda wa Nzambi Dihungila Dikulukulu ne Dihungila Dihia-dihia 2003

² hakatshiabu dituku disatu, mundi muhanduke mu tshitudilu tshia Shaula wakalua kudiye ne bilulu biandi bihandike ne buloba buela mu mutu muandi; hakafikeye kudi Davidi, yeye wakatua mpala wandi hanshi, wakamukukuila.

2 Samuele 1:2 ပူးပေါင်းရင်းမြစ်များ

Genese 22:4

Bamane kuenda matuku asatu, Abrahame ukenzakana kumona mukuna awu umueneka pa bule.

Genese 37:29

Rubene uya kutangila mu tshiina, kena musangane Yozefe to. Kupampakanaye bikole, kupanda bilamba biende.

Genese 37:34

Yakobe kudipanda bilamba, kuvuala bilamba bikayabale, kuenza madilu a muanende matuku mavule.

Genese 43:28

Kumuandamunabu ne: — Tatu, muntu webe, udi anu bimpe. Udi ne muoyi. Kudielabu panshi tshiakabidi.

2 Samuele 1:3

Davide kumukonka ne: — Udi ufuma penyi? Kuandamunaye ne: — Ndi munyeme mu mitanda ya bena Izrayele.

2 Samuele 13:19

Nanku kudielaye butu mu mutu, kupanda muntumpu wende muimpe. Kubuikilaye bianza kuisu, kuyaye, wenda udila bikole.

2 Samuele 14:4

Mukaji kuya kudi mukalenga Davide, kudiela mpala panshi kumpala kuende, umuambila ne: — Mukalenga, ungambuluishe.

2 Samuele 15:32

Anu mukalenga Davide ufika ku lusongu lua mukuna, muaba udibu batendelela Mvidi Mukulu, kumonaye mufidi wende wa ngenyi Ushayi, muena Arki, ulua bua kusambakena nende. Uvua ne muntumpu mupandike, muikale kabidi ne buloba ku mutu.

2 Samuele 24:20

Pavua Aravna kulu aku, kumonaye mukalenga Davide ulua kudiye ne balombodi ba mu bukalenga buende, kusemenaye kudibu, kutua mpala panshi kumpala kua mukalenga Davide,

2 Samuele 4:10

ndi nditshipa ne: muntu uvua mungambile bua lufu lua Shawule, uvua wela meji ne: mmungambile bualu bua disanka. Kadi mvua mumukuatshishe bua kumushipesha ku Siklaje. Kupetaye dinyoka dia bualu buvuaye muambe.

Estere 4:16

“Uye kusangisha bena Yuda bonsu badi mu Shushane. Nujile biakudia bualu buanyi, kanuyi nudia nansha nunua matuku asatu a munya ne a butuku. Netuenze kabidi nanku meme ne bena mudimu banyi. Pashishe, nansha bu mudibi bikandika kudi diyi, nenye kudi mukalenga. Nanku, bu bobu mua kunshipa nebanshipe!”

Estere 5:1

Matuku asatu a tshijila tshiende mamane kujika, Estere kuvuala bilamba biende bimpe bia mukalenga mukaji. Kuyaye mu lubanza lua munda mua nzubu wa mukalenga. Kuimanaye kumpala kua nzubu wa mukalenga. Mukalenga uvua mu nzubu wende, musombe mu nkuasa, mutangile ku mushiku wa tshibuelelu.

Misambu 66:3

Nuambile Mvidi Mukulu ne: “Biudi muenze mbia dikema! Baluishi bebe badi badiela panshi ne bowa, bualu bukole buebe mbupite!

Yezekiyele 27:30

Bavua bakudila, badila muadi wa kanyinganyinga. Bavua badiela lupuishi mu mutu, babunguluka mu butu.

Osheya 6:2

Papita matuku abidi nansha asatu, neatufululule. Netuende ne muoyi kumpala kuende.

Yowele 2:13

Pandayi mioyi yenu, kanupandi bilamba.” Eyowa, nupingane kudi Maweja-Nangila Mvidi Mukulu wenu. Udi ununanga, unufuila luse, udi ne lutulu lua bungi, udi wenzela bantu bimpe kayi upungila, ujinga amu kulengulula bivuaye ukanyina nabi bantu.

Matayi 12:40

Bualu, bu muvua Yona mushale munda mua mushipa munene munya ne butuku matuku asatu, ke muashala Muana wa muntu munda mua buloba munya ne butuku matuku asatu.

Matayi 16:21

Bituadijila ku tshikondu atshi, Yezu kubanga kumanyisha balongi bende patoke ne: — Ndi ne bua kuya mu Yerushalayime. Muine amu bakulu, batuangaji banene, ne balongeshi ba mikenji, nebankengeshe bikole. Nebanshipe, kadi dituku disatu nembike ku bafue.

Yoshua 7:6

Yoshuwa ne bakulu ba bena Izrayele, kudipanda bilamba. Kudielabu malaba mu mitu, badiela mpala panshi kumpala kua mushete wa tshijila wa Maweja-Nangila too ne ku dilolu.

Didimanyisha 3:9

Umvuayi tshingenzela tshisumbu tshia bena diabolu, bena dishima aba, badi badiamba mudibu bena Yuda, kadi kabayi nanku. Nembenzeje ku bukole, bua badiele panshi ku makasa ebe bua kukunemeka. Nebajadike mundi mukunange.

1 Samuele 20:41

Muena mudimu mumane kuya, Davide kupatuka muaba uvuaye musokome, kuinshi kua dibue. Kutuaye mpala panshi misangu isatu kumpala kua Yonatane. Pashishe, kupukilanganabu, badila muadi bikole.

1 Samuele 25:23

Anu Abiyayile umona Davide, kutulakaye lukasa pa nyama wende wa mpunde. Kutuaye mpala panshi,

1 Samuele 4:12

Anu dituku adi, muntu mukuabu wa mu tshisamba tshia Binyamine uvua mupanduke mu mvita, kuyaye lubilu too ne ku Silo. Kadi bua kuleja kanyinganyinga, uvua mupande bilamba biende, mudiela buloba mu mutu.

1 Samuele 4:16

Muntu uvua munyema mu mvita, kuambila mutuangaji Eli ne: — Ndi mfika amu mpindiewu, ngumukila ku mvita. Ndi munyeme anu lelu ewu. Mutuangaji Eli kumukonka ne: — Muananyi, mvita ivua mushindu kaayi?