2 Samuele 1:16 - MUKANDA WA MYIDI MUKULU

¹⁶ Davide kuela muena Amaleke awu lusanzu ne: — Wewe nkayebe udi mudikebele lufu. Udi mumane kudienzela bibi, bualu udi ujadika ne: “Meme ke udi mushipe mukalenga uvua Maweja-Nangila musungule.”

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Davidi wakamuambila ne, Mashi ebe ikale ha mutu hebe bualu bua mukana muebe muakukuhisha, muamba ne, Nakashiha muntu wakela Yehowa manyi ha mutu.

2 Samuele 1:16 ပူးပေါင်းရင်းမြစ်များ

2 Samuele 1:10

Nanku meme kusemena pabuipi, kumushipa. Bualu mvua mumone ne: baluishi mbamane kumutshimuna, kakushala ne muoyi to. Pashishe meme kuangata tshifulu tshiende tshia bukalenga tshivua ku mutu, ne lukanu luvua ku diboku. Ndi mukutuadilebi muaba ewu.

2 Samuele 16:8

Maweja-Nangila ke udi ukunyoka bua bena nzubu wa Shawule bonsu baudi mushipe. Udi muibe bukalenga bua Shawule. Ke padi Maweja-Nangila mukunyengabu, mubupesha muanebe Absalome. Mpindiewu, wewe udi mu dikenga, bualu udi mushipianganyi!

1 Bakalenga 2:37

Ndi nkujadikila patoke ne: wewe mupatuke mu tshimenga, musabuke musulu wa Sedrone, neufue dituku adi. Nanku wewe mupatuke, udi mudikebele lufu nkayebe.

Yobe 15:6

Tshidi tshikupisha ki mmeme to, mmiaku yebe. Bionsu biudi wamba bidi bikusonguela.

Nsumuinu 6:2

Udi mulaye bua kukumbaja biuvua muambe anyi? Malaya ebe adi akukuata anyi?

Yezekiyele 18:13

Udi usombeshangana makuta bua kuvudija biuma biende ne kupeta makasa. Muntu wa nanku udi mua kushala ne muoyi anyi? Nansha kakese! Udi muenze malu mabi onsu aa andi mbenga. Nanku neafue. Yeye nkayende mmudikebele lufu luende.

Yezekiyele 33:5

Muntu awu mmufue bua tshilema tshiende, bualu uvua mumvue bamudimuja, yeye kulengulula. Bu yeye mudimuke, uvua mua kushala ne muoyi.

Lewitiki 20:16

“Padi mukaji ulala ne nyama, bamushipe. Bashipe kabidi ne nyama awu, bualu bonsu babidi mbadikebele lulu.

Lewitiki 20:27

“Padi muntu mulume nansha mukaji, bikale ne tshibidilu tshia kubukila bantu bakuabu, bua kumvua mudi bakishi bamba, bantu aba babase mabue, babashipe. Bualu mbadikebele lufu nkayabu.”

Lewitiki 20:9

“Muntu yonsu udi utshipa tatuende nansha mamuende, badi ne bua kumushipa. Yeye nkayende ke udi mudikebele lufu, bualu udi utshipa baledi bende.

Matayi 27:25

Bantu bonsu kuandamuna ne: — Bua lufu luende, batunyoke amu tuetu ne bana betu!

Luke 19:22

Mukalenga kumuandamuna ne: “Udi muena mudimu mubi. Nenkose tshilumbu tshiebe bilondeshile miaku yebe. Uvua mumanye mundi muntu wa tshikisu, ngangata bintu bidi kabiyi bianyi, nnowa bindi tshiyi mukune.

Bienzedi 18:6

Kadi bena Yuda bavua bamuluisha, bamupenda. Nanku Polu kubanyukuila bilamba biende, ubamba ne: — Panuikala bajimine, nuambe ne: tudi badijimije nkayetu. Meme tshiena ne bualu. Bituadija ku lelu, nenye kudi bantu ba bisamba bikuabu.

Bienzedi 20:26

Ke pandi nnujadikila lelu ne: pikala muntu wa kunudi ujimina, tshilumbu tshiende katshiena tshinkuata to.

Rome 3:19

Tudi bamanye ne: bionsu bidi mikenji itela, idi ibiambila bantu badi ku bumfumu bua mikenji, bua bantu kabapetshi mushindu wa kudibingisha, kabidi bua bantu bonsu ba pa buloba bamueneke ne tshilumbu ku mesu kua Mvidi Mukulu.

Dielulula 19:10

Mushindu ewu mu ditunga dinuapeta kudi Maweja-Nangila Mvidi Mukulu wenu adi, kabakushipamu muntu uvua mushipe muntu nende mu mpukapuka. Nuenu bamushipe, nenuikale ne tshilumbu bua lufu lua muntu ewu.

Yoshua 2:19

Padi muntu upatuka mu nzubu muebe, udi udikebela lufu. Tuetu netuikale babinge. Kadi padibu babunda muntu udi mubuele mu nzubu muebe, tshilumbu tshia muntu awu tshidi pambidi petu.

Balombodi 9:24

Ke muvua bena Shekeme bonsu ne Abimeleke ne bua kufuta tshibawu tshia bubi buabu. Abimeleke uvua mupete dinyoka edi, bualu mmushipe bana babu ba balume makumi muanda mutekete, bana ba Yerubaale. Bena Shekeme bavua bapete dinyoka edi, bualu mbakoleshe Abimeleke mu maboku bua kushipaye bana babu.

1 Samuele 25:39

Davide umvua lumu lua lufu lua Nabale, kuambaye ne: — Ndi nsakidila Maweja-Nangila, udi munsungidile kudi Nabale uvua umpenda. Ndi mmuela kabidi tuasakidila, bualu mmunkandike bua meme kuenza bibi, bua tshipingajidi Nabale bubi buende. Ke Davide kutuma bantu kudi Abiyayile, bua kumuambila ne: Davide mmusue bua wikale mukajende.

1 Samuele 26:9

Davide kubenga ne: — Nansha, kumushipi to. Udi wela meji ne: muntu udi mushipe muntu udi Maweja-Nangila musungule, kena mua kupeta dinyoka anyi?