2 Samuele 1:11 - MUKANDA WA MYIDI MUKULU

¹¹ Davide ne bantu bonsu bavua pabuipi nende, kudipandabu bilamba.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Hashishe Davidi wakakuata bilulu biandi, wakabihanda, bantu bonso bakadi nʼandi bakenza nunku kabidi;

2 Samuele 1:11 ပူးပေါင်းရင်းမြစ်များ

Genese 37:29

Rubene uya kutangila mu tshiina, kena musangane Yozefe to. Kupampakanaye bikole, kupanda bilamba biende.

Genese 37:34

Yakobe kudipanda bilamba, kuvuala bilamba bikayabale, kuenza madilu a muanende matuku mavule.

Genese 44:13

Bana babu ne Binyamine kumvua bowa, kudipanda bilamba. Yonsu wa kudibu kupingaja bibombi panyima pa mpunde. Kupinganabu mu tshimenga.

2 Samuele 13:19

Nanku kudielaye butu mu mutu, kupanda muntumpu wende muimpe. Kubuikilaye bianza kuisu, kuyaye, wenda udila bikole.

2 Samuele 13:31

Nanku, mukalenga Davide kupanda bilamba biende, kulala panshi mu buloba. Balombodi ba mu bukalenga buende bonsu, kupanda bilamba biabu, kuimana pabuipi ne Davide.

2 Samuele 3:31

Davide kutumina Yowabe ne bantu bende bonsu diyi ne: — Pandayi bilamba bienu, vualayi bilamba bikayabala, nuikale ne madilu a Abnere. Bantu bonsu bavua balonda tshitalu tshia Abnere, ne mukalenga Davide kabidi.

2 Bakalenga 5:7

Anu mukalenga wa bena Izrayele ubala mukanda awu, kudipandaye bilamba, wela mbila ne: — Meme ndi Mvidi Mukulu udi ne bukole bua kufululula bantu, nansha kubashipa anyi? Mukalenga wa bena Siriya, udi untumina muntu bua meme kumondapa disama dia nsudi! Monayi mudi mukalenga ewu umbunda!

2 Kulondolola 34:27

Uvua muteleje bimpe tshindi muambe bua Yerushalayime ne bua bantu bonsu badimu. Wewe uvua unyingalala, uvuluka bubi buebe kumpala kuanyi, upanda bilamba biebe, udila muadi. Nanku, ndi nkujadikila ne: ndi mumvue dilomba diebe.

Ezela 9:3

Pangumvu miaku ayi, meme kupanda tshinkutu tshianyi ne bilamba bianyi. Meme kuditula nsuki ne miedi. Meme kusomba mubungame bikole.

Estere 4:1

Mordekayi umvua bivua bienzeka, kudipandaye bilamba, kuvuala bilamba bia madilu, kudilaba butu mu mutu. Uvua wendakana mu tshimenga, wela mbila mikole ya dikenga.

Yirmeya 36:24

Mukalenga ne balombodi bende bonsu ba bena mvita bavua bajingulula bimpe malu avuabu bafunde pa muvungu wa tshiseba. Kadi kabavua ne bowa nansha ne dibungama.

Yowele 2:13

Pandayi mioyi yenu, kanupandi bilamba.” Eyowa, nupingane kudi Maweja-Nangila Mvidi Mukulu wenu. Udi ununanga, unufuila luse, udi ne lutulu lua bungi, udi wenzela bantu bimpe kayi upungila, ujinga amu kulengulula bivuaye ukanyina nabi bantu.

Bienzedi 14:14

Kadi bapostolu babidi kumanya bualu abu. Kupandabu bilamba biabu, kuya lubilu kudi bantu, benda bela mbila ne:

Rome 12:15

Sankayi ne badi basanka, nudile ne badi badila.

Yoshua 7:6

Yoshuwa ne bakulu ba bena Izrayele, kudipanda bilamba. Kudielabu malaba mu mitu, badiela mpala panshi kumpala kua mushete wa tshijila wa Maweja-Nangila too ne ku dilolu.