2 Kulondolola 7:8 - MUKANDA WA MYIDI MUKULU

⁸ Anu tshikondu atshi, Shelomu ne bena Izrayele bonsu bavua muaba awu bapite bungi, kuenza tshibilu tshia tuzubu tua Bisasa matuku muanda mutekete. Bena Izrayele abu, bavua bafumine mu ditunga dijima dia bena Izrayele, biangatshile ku Lebo-Amate ku mutu mu ditunga, too ne ku musulu wa Ejipitu udi kuinshi mu ditunga.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Solomo wakalambishila bantu bidia bia disanka tô matuku muanda mutekete; Bena Isalele ba bungi bakadi nʼandi ku tshibuelelu tshia Hamata tô ne ku kasulu ka Ejipitu.

2 Kulondolola 7:8 ပူးပေါင်းရင်းမြစ်များ

Genese 15:18

Dituku adi, Maweja-Nangila kutua ndondu ne Abrame muaba awu, kumulaya ne: — Matunga aa nengapeshe ndelanganyi yebe, biangatshile ku musulu wa Ejipitu ne ku musulu munene wa Perate.

1 Bakalenga 8:2

Ke bena Izrayele bonsu kudisangisha kabidi muaba uvua mukalenga Shelomu, bua kuenza tshibi lu tshia ngondu wa Etanime, mmumue ne: ngondu wa muanda mutekete.

1 Bakalenga 8:65

Anu tshikondu atshi, Shelomu ne bena Izrayele bonsu, bavua muaba awu bapite bungi, kuenzabu tshibilu tshia tuzubu tua Bisasa. Bena Izrayele abu, bavua bafumine mu ditunga dijima dia bena Izrayele, biangatshile ku Lebo-Amate ku mutu mu ditunga, too ne ku musulu wa Ejipitu udi kuinshi mu ditunga. Nanku, munkatshi mua matuku muanda mutekete, bena Izrayele kuenza tshibilu atshi muaba uvua Maweja-Nangila Mvidi Mukulu.

2 Kulondolola 30:13

Ngondu muibidi, musumba wa bantu kudisangisha mu Yerushalayime, bua kuenza tshibilu tshia Mampa kaayi mela buanga. Bantu abu bavua bapite bungi.

2 Kulondolola 30:26

Disanka dia tshibilu edi divua dipite bunene. Nangananga bena mu Yerushalayime, ke bavua basanka bikole. Bualu biangatshile mu tshikondu tshia Shelomu, muana wa Davide, mukalenga wa Izrayele, kabavua banji kuenza kabidi tshibilu tshia mushindu ewu mu tshimenga to.

2 Kulondolola 5:3

Nanku, bena Izrayele bonsu kudisangisha kabidi bua kuenza tshibilu tshia ngondu wa muanda mutekete.

Yezekiyele 45:25

“Bua tshibilu tshidi tshituadija dituku dia dikumi ne ditanu dia ngondu wa muanda mutekete, mukalenga neenze anu bu muvuaye muenze mu tshibilu tshia Dipita dia Maweja-Nangila. Dituku dionsu dia mu matuku muanda mutekete, nealambule milambu ya mushindu umue bua kukobolola bena Izrayele: ke milambu ya kuosha, ya ntete ne ya mafuta.”

Yezekiyele 47:20

Ku luseke ludi diba dibuelela, mukalu udi amu Mayi manene a pankatshi pa matunga, biangatshile kuinshi kua ditunga too ne ku Lebo-Amate, ku mutu mu ditunga. Ke mukalu wa ku luseke ludi diba dibuelela.

Amosa 6:14

Kadi meme, Maweja-Nangila, Mvidi Mukulu wa bukole buonsu, nennutumine, nuenu bena bukalenga bua Izrayele, tshisamba tshikuabu, bua tshinuluishe biangatshile ku Lebo-Amate ku mutu mu ditunga, too ne ku musulu wa Araba, kuinshi.

Yowanane 7:2

Tshibilu tshia bena Yuda tshia tuzubu tua Bisasa tshikavua pabuipi.