2 Kulondolola 15:9 - MUKANDA WA MYIDI MUKULU

⁹ Bena Izrayele ba bungi ba mu bisamba bia Efrayime, Menashe ne Shimeyone, kulamatabu mukalenga Asa. Kusombabu mu bukalenga buende, katshia bamone ne: Mvidi Mukulu uvua nende. Mukalenga Asa kubabikidisha mu bisangilu, pamue ne bena tshisamba tshia Yuda ne tshia Binyamine bonsu.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Yeye wakasangisha Bena Yuda ne Bena Benyamina ne bonso bakadi bashikama mu Efelayima ne Manashe ne Shimeona; bualu bua ba bungi ba mu Bena Isalele bakalamata kudiye hakamonabo ne Yehowa Nzambi wandi wakadi nʼandi.

2 Kulondolola 15:9 ပူးပေါင်းရင်းမြစ်များ

Genese 26:28

Abimeleke ne bavuaye nabu kuandamuna ne: — Tudi tukulonda bualu tudi bajadika ne: Maweja-Nangila udi nebe. Ke patuedi meji ne: mbimpe tumvuangane nebe, tutue ndondu.

Genese 39:3

Potifare kujadika ne: Maweja-Nangila mmulame Yozefe, mmumututshishe diakalenga mu bionsu bivuaye wenza.

1 Bakalenga 12:19

Ke muvua bisamba bia bena Izrayele bia ku mutu bibenga bumfumu bua bena nzubu wa Davide nanku. Bisamba ebi bitshidi anu bibubenga too ne mpindiewu.

1 Bakalenga 3:28

Bena Izrayele bonsu kumvua muvua mukalenga Shelomu mukose nsambu ayi. Kunemekabu mukalenga Shelomu bikole. Bualu bavua bamanye ne: Mvidi Mukulu nkayende ke udi mumupe meji a kulumbuluisha nawu bantu.

1 Kulondolola 12:19

Nanku Mueyelu wa Mvidi Mukulu kutulukila Amashayi, mulombodi wa “Tshisumbu tshia bena mvita Makumi asatu.” Kuelaye lubila, wamba ne: — Tudi nebe, tudi ku luseke luebe wewe, Davide, muana wa Ishayi! Upete diakalenga, wewe ne bonsu badi bakuambuluisha, bualu Maweja-Nangila mmumane kukuambuluisha. Ke Davide kubakidila, kubateka balombodi ba bena mvita bende.

2 Kulondolola 11:16

Bantu ba bisamba bionsu bia ku mutu mu ditunga, bavua batendelela Maweja-Nangila Mvidi Mukulu wa bena Izrayele, kuyabu mu Yerushalayime, balonda bena Levi bua kulambuilamu Maweja-Nangila Mvidi Mukulu wa bankambua babu milambu.

2 Kulondolola 15:10

Bonsu kudisangisha mu Yerushalayime, mu ngondu muisatu wa tshidimu tshia dikumi ne tshitanu, tshivua Asa mu bukalenga bua bena Yuda.

2 Kulondolola 19:4

Yosafate uvua musombe mu Yerushalayime. Kadi kutuadijaye kuendakana tshiakabidi mu ditunga, biangatshile ku Bersheba too ne ku buloba bua mikuna ya Efrayime. Uvua wambila bena Izrayele, bua bapingane kudi Maweja-Nangila Mvidi Mukulu wa bankambua babu.

2 Kulondolola 30:25

Bantu bonsu ba-vua ne disanka: bena Yuda, batuangaji ne bena Levi, kabidi bantu bonsu bavua bafume ku bukalenga bua ku mutu wa ditunga, nansha bavua bamane kusomba mu bena Yuda kuonsu eku, nansha bavua bafika anu bua tshibilu.

Yezekiyele 37:16

— Yezekiyele, angata tshitupa tshia dibaya, ufundepu miaku eyi: “Yuda ne bena Izrayele badi mu bukalenga ebu.” Pashishe wangata tshitupa tshia dibaya tshikuabu, ufundepu ne: “Yozefe (nansha Efrayime) ne bena Izrayele ba mu bukalenga ebu.”

Bienzedi 9:31

Diba adi Tshisumbu tshia bena ditaba tshivua ne ditalala mu ditunga dijima dia Yudeya, dia Ngalileya, ne dia Samariya. Tshivua tshienda tshikola. Bu muvua bena ditaba balamata Mfumu, batua batanta ne diambuluisha dia Mueyelu wa Tshijila.

1 Samuele 18:28

Shawule mumane kujadika ne: Maweja-Nangila udi ne Davide bulelela, kabidi Mikale muananyi wa bakaji, mmunange Davide bikole,