2 Kulondolola 12:3 - MUKANDA WA MYIDI MUKULU

³ Shishake uvua ulombola bena mvita, bavua ne matempu a mvita tshinunu ne nkama ibidi, babandi ba pa nyama ya tubalu binunu makumi asambombu, ne bena mvita bapite bungi ba bena Libiya, bena Suki ne bena Kushe.

Mukanda wa Nzambi Dihungila Dikulukulu ne Dihungila Dihia-dihia 2003

³ Wakadi ne mikalu tshinunu ne nkama ibidi ne bantu bakadi benda ha nyima ha tubalu binunu makumi asambombo. Kabakamanya mua kubala bungi bua bantu bakuabo bakafuma nʼandi mu bululu: Bena Lubima ne Bena Sukiya ne Bena Atiopa.

2 Kulondolola 12:3 ပူးပေါင်းရင်းမြစ်များ

2 Samuele 10:18

kadi bena Izrayele kubatshimuna. Bena Siriya kunyema. Davide ne bena mvita bende, kushipa nyama ya tubalu ivua ikoka matempu a mvita, ne bena mvita bavua pa matempu abu, nkama muanda mutekete, ne bantu binunu makumi anayi, bavua babanda pa nyama ya tubalu. Kutapabu kabidi ne Shobake, mfumu wa bena mvita mputa. Kutuilaye muaba awu.

2 Bakalenga 7:6

Bena Siriya bavua mu mitanda, Maweja-Nangila uvua mumane ibatshinyisha ne mutoyi mukole wa bena mvita, bikale ne nyama ya tubalu ne matempu a mvita. Ke bena Siriya kuambilangana ne: “Yorame, mukalenga wa bena Izrayele, mmumane kufuta bakalenga ba bena Iti ne ba bena Ejipitu bua batume bena mvita babu bua kutuluisha.”

2 Kulondolola 14:12

Asa ne bantu bende kulondakaja bena Kushe too ne ku Ngerare, kubashipa bonsu. Muntu nansha umue kavua munyeme to, bualu bena mvita babu bavua babatshimune kudi Maweja-Nangila, ne kudi bantu bende. Bena Yuda kupawula bintu bipite bungi.

2 Kulondolola 14:8

Zera wa bena Kushe kufika bua kuluisha Asa ne bantu bende. Uvua ne bena mvita binunu tshinunu, matempu a mvita nkama isatu. Kufikaye too ne ku Maresha.

2 Kulondolola 14:9

Asa kuya kusambakena nende. Kuelabu mualu wa mvita mu tshibandabanda tshia Sefata pabuipi ne Maresha.

2 Kulondolola 16:8

Bena Kushe ne bena Libiya bavua badisangisha tshisumbu tshimue, bikale bena mvita ba bukitu. Bavua ne matempu a mvita, ne babandi ba pa nyama ya tubalu bapite bungi. Kadi, Maweja-Nangila mmubafile bonsu mu bianza biebe, bualu uvuamumuitabe diba adi.

Yeshaya 43:3

Bualu meme Maweja-Nangila, ndi Mvidi Mukulu webe. Meme ndi Wa tshijila wa bena Izrayele. Ndi mukusungididi webe. “Ndi mfila Ejipitu, bu biuma bua kukupikula; mfila Kushe ne Seba, bua kubashintakaja nebe.

Yezekiyele 30:5

Bena mvita ba bena Kushe, ba bena Pute, bena Lude, bena Arabe, bena Libiya too ne ba mu bantu banyi nebafue mu mvita.

Danyele 11:43

Neanyenge bintu bia mushinga mukole bia mu Ejipitu: mpawungi, tshiamu tshitoke tshia mushinga mukole, ne bintu bia mushinga mukole. Bena Libiya ne bena Etiyopiya nebamuitabe.

Nahume 3:9

Bena Kushe ne bena Ejipitu, bavua balambula tshimenga tshia Tebe bintu bia bungi. Bena ditunga dia Pute ne dia Libiya, bavua batua natshi ndondu.

Didimanyisha 9:16

Kummanyishabu bungi bua basolayi bavua babanda pa tubalu: bavua bitotu nkama ibidi.

Balombodi 4:13

Kusangishaye matempu ende a mvita a biamu nkama tshitema, ne bantu bende bonsu ku Aroshete-Ngoyime. Kumukabu muaba awu, bua kuya ku musulu wa Kishone.

Balombodi 6:5

Bantu aba, bavua benda ku muaba ne ku muaba, bafika ne bimuna biabu, kabidi ne ntenta yabu. Bivua benda mabumbu mabumbu bu mpasu. Nansha bobu, nansha tubalu tuabu, bivua bipite bungi, kakuyi udi mua kubibala. Kubutulabu ditunga, kudinyangakaja.

1 Samuele 13:5

Bena Peleshete kusangila bua kuluisha bena Izrayele. Bavua ne matempu a mvita binunu makumi asatu, bantu bavua babanda pa tubalu binunu bisambombu, bena mvita bungi bu lusenga ludi ku muelelu wa mayi manene. Nanku kuasabu mitanda ku Mikmase, luseke ludi diba dipatukila lua Bete-Avene.