2 Korente 9:6 - MUKANDA WA MYIDI MUKULU

⁶ Vulukayi ne: udi umiamina bikese, neanowe bikese; udi umiamina bia bungi, neanowe bia bungi.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Kadi ndi nuambila bualu ebu ne, Udi ukuna maminu mabalê neahuole mabalê; ne udi ukuna maminu a bungi neahuole a bungi.

2 Korente 9:6 ပူးပေါင်းရင်းမြစ်များ

Nsumuinu 11:18

Difutu didi muntu mubi wangata didi dimudinga. Kadi udi wenza bidi Mvidi Mukulu musue kakupanga difutu diende.

Nsumuinu 19:17

Paudi upesha mupele tshintu, udi utshisombesha Maweja-Nangila. Yeye ke wakufuta mudimu webe wa luse.

Nsumuinu 22:9

Muntu udi wenzelangana bimpe, Mvidi Mukulu neamuele lupemba, bualu tshiende tshiakudia udi wabanyangana ne bapele.

Muambi 11:1

Ela biudi nabi mu mayi manene. Bumue dituku dikuabu neubipete tshiakabidi.

Muambi 11:6

Ke paudi mua kukuna dinda too ne dilolu kuyi wikisha. Bualu kuena mumanye kuwapetela tshintu, nansha ku mudimu wa dinda nansha wa dilolu, nansha ku yonsu ibidi.

Luke 6:38

Nupeshe bakuabu bintu, nanku Mvidi Mukulu neanupeshe kabidi. Nebanuelele pa tshilamba bintu bipima bimpe, bishindika, bisekenkeja, biya ne panshi. Nuenzele bantu bimpe ne muoyi wa kalolu. Nanku Mvidi Mukulu neanupe mapa ende ne muoyi wa momumue.”

1 Korente 1:12

Nudi bamanye tshindi musue kuamba. Yonsu wa kunudi udi wamba muende munga, yonsu wende mushindu. Ewu ne: “Ndi ndonda Polu”; mukuabu ne: “Ndi ndonda Apolose”; mukuabu ne: “Meme amu Petro”; wawakabidi ne: “Meme amu Kristu.”

1 Korente 15:20

Kadi Kristu mmubike ku lufu bulelela. Ke patudi mua kujadika ne: bafue bakuabu kabidi nebabike ku lufu.

1 Korente 7:29

Bana hetu, ndi musue kuamba nunku: matuku mmashale makese. Kutuadijila mpindiewu, bantu badi basele, basombe bu badi kabayi ne bakaji;

2 Korente 9:10

Mvidi Mukulu udi upesha tshidime maminu ne biakudia, neanupeshe maminu onsu anudi nukengela. Neaameneshe kabidi. Nanku muoyi wenu wa kalolu neukuame bimuma bimpe.

2 Korente 9:5

Ke pamvua muele meji ne: ndi ne bua kusengelela bana hetu aba, bua badianjile kuenu aku kumpala kuanyi. Basangishe muaba umue binuvua balaye ne muoyi wa kalolu. Nanku pangafika, nembisangane. Ke munudi mua kuleja bantu munudi nubifila ne muoyi wenu mujima, kabayi banuenzeja malu ku bukole.

Ngalate 3:17

Ndi musue kuamba ne: Mvidi Mukulu mmufue ndondu ne Abrahame, mumulaye ne: nendame ndondu wanyi ewu. Kupita bidimu nkama inayi ne makumi asatu, mikenji kushisha kufika ku bantu. Nanku mikenji eyi kayena mua kushipa ndondu ewu, nansha kunyanga dilaya dia Mvidi Mukulu.

Ngalate 5:16

Ndi nnulomba ne: nuanyishe bua Mueyelu wa Tshijila unulombole. Kanulondi majinga mabi a buntu buenu.

Efeze 4:17

Mu dina dia Mfumu, ndi nnuambila, nnujadikila se: kanuenji kabidi malu adi bantu badi kabayi bamanye Mvidi Mukulu benza, bualu badi balonda meji abu a patupu.

Kolose 2:4

Ndi nnuambila nanku, bua muntu nansha umue kanushimi ne miaku ya budimu.

Ebrewu 6:10

Mvidi Mukulu kena wenza bibi. Kena mua kupua binudi benze muoyi. Udi amu uvuluka dinanga dinuvua bamuleje ku midimu inuvua benzele bantu ba tshijila ne inutshidi nubenzela.