2 Korente 8:1 - MUKANDA WA MYIDI MUKULU

¹ Bana hetu, tudi tujinga bua numanye muvua dinanga dia Mvidi Mukulu dikuate mudimu mu Bisumbu bia bena ditaba ba mu Masedoniya.

Mukanda wa Nzambi Dihungila Dikulukulu ne Dihungila Dihia-dihia 2003

¹ Bana betu, tudi tunumanyisha bua ngasa wa Nzambi wakaheshibua munkatshi mua ekelesia ya mu Makedonia,

2 Korente 8:1 ပူးပေါင်းရင်းမြစ်များ

Matayi 25:22

Pashishe uvua mupete nkanu nkama ibidi, kusemena kabidi, wamba ne: “Mfumu, uvua munshile nkanu nkama ibidi. Angataku minga nkama ibidi eyi indi mupete.”

Bienzedi 11:23

Ufika, kumonaye muvua Mvidi Mukulu mukumbaje mudimu ne dinanga munkatshi mua bena ditaba. Nanku kusankaye, ubabela bonsu bua bananukile ne muoyi mukole, bitabe Mfumu.

Bienzedi 16:9

Butuku Mvidi Mukulu kuleja Polu malu. Kumonaye muntu wa bena Masedoniya muimane, umulomba ne: “Pitshila mu Masedoniya, uvue kutuambuluisha!”

Bienzedi 24:17

Ndi mumbuke mu Yerushalayime bidimu bivule. Ndi mupinganemu amu mpindiewu, bua kupesha bena tshisamba tshietu makuta a diambuluisha, kabidi bua meme kulambula Mvidi Mukulu milambu.

Rome 15:26

Bualu bena ditaba ba mu Masedoniya ne ba mu Akaya bavua bapangadika bua kusangisha makuta, bua kuambuluisha bakengi ba mu Tshisumbu tshia bena ditaba badi mu Yerushalayime.

1 Korente 15:10

Kadi bu muvua Mvidi Mukulu munnange, nkadi bu mundi emu. Dinanga diende divua dikuata mudimu munda muanyi. Ndi mukuate mudimu mupite bapostolu bakuabu bonsu. Uvua ukuata mudimu awu ki mmeme to, kadi Mvidi Mukulu pamue nanyi, bualu uvua munnange.

2 Korente 11:9

Matuku amvua mulale kuenu aku, pamvua nkengela makuta, muntu nansha umue kavua muambule bujitu buanyi. Bana hetu bayua bumukila ku Masedoniya, ke bayua bantuadila bionsu bimvua nkengela. Tshivua musue kunuomekela bujitu buanyi ku kalu nansha kamue. Ke mungenza kabidi mu matuku atshidi kumpala.

2 Korente 9:12

Bualu mudimu unudi nukuata awu kawena wambuluisha amu bena tshisamba tshia Mvidi Mukulu. Kadi netupete kabidi tshipeta tshikuabu tshipite bimpe, bualu bantu ba bungi nebele Mvidi Mukulu tuasakidila.

2 Korente 9:2

Bualu ndi mumanye munudi basue kuambuluisha. Ke mumvua muditambishe bualu buenu, ngambila bena Masedoniya ne: “Bana hetu ba mu Akaya bakadi babange kusangisha bintu kukadi tshidimu tshijima.” Nanku disuminyina dienu divua disonsola ba bungi ba kudibu.

2 Korente 9:4

Kadi bu tuetu mua kufika ne bena Masedoniya banusangane kanuyi basangishe bintu, bundu nebutukuate tuetu bavua batekemene bikole kunudi! Kadi nangananga nebunukuate nuenu!

Efeze 3:8

Meme ndi mushadile ku bantu bonsu badi bitaba Mvidi Mukulu. Kadi Mvidi Mukulu uvua muntutshishe diakalenga edi: bua mmanyishe bantu ba bisamba bikuabu Lumu lua Disanka lua bubanji bupite butudi tupeta kudi Kristu.

Kolose 1:29

Ke mudimu undi ntatshila, nduangana mvita ne bukole budi Kristu umpesha, bualu ke budi buenza mudimu munda muanyi.

1 Tesalonike 4:10

Ke munudi nunanga kabidi bena ditaba ba mu Masedoniya mujima. Kadi, bana hetu, tudi tunusengelela, bua nuenze nupitshishe.