2 Korente 7:5 - MUKANDA WA MYIDI MUKULU

⁵ Nansha patuvua bafike ku Masedoniya, katuvua ne dikisha nansha dikese. Tuvua bapete ntatu nseke yonsu: baluishi bavua batutatshisha; tuvua kabidi ne dipampakana mu muoyi.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Hatuakalua mu Makedonia mene, mibidi yetu kayakadi ne dikisha, kadi tuakadi tutatshishibua ku nseke yonso; nvita yakadi hamʼbidi, ne ditshina diakadi munda muetu.

2 Korente 7:5 ပူးပေါင်းရင်းမြစ်များ

Genese 8:9

Nyunyi wa nkudimba mumane kuya, kena mupeta muaba wa kuikila, bualu mayi atshivua pa buloba. Nanku nyunyi kupingana. Nowa kuolola tshianza kumukuata, kumubueja mu buatu.

Yobe 18:11

Nseke yonsu, bowa budi bumukuata, budi bumuipata kuonsu kudiye uya.

Yeshaya 33:12

Bisamba bikuabu nebabioshe, bishale amu butu. Nebabiele mu kapia, bu mudi bantu bela mu kapia mitshi ya meba buabu bakose.

Yirmeya 20:10

Ndi ngunwua bantu ba bungi bangamba bibi. Badi banginyika dina: “Luzakalu miaba yonsu.” Banga badi bamba ne: “Mufundayi ku tshilumbu.” Bakuabu badi bamba ne: “Eyowa, tumufunde patoke.” Balunda banyi ba pa muoyi mene, badi bantentekela, bua kumanya ne: neatupakane anyi? Badi bamba ne: “Yeye muambe bibi, tudi mua kumukuata, kudisombuela kudiye.”

Yirmeya 45:3

Udi udila muadi ne: “Akia! Malu anyi onsu adi amu mabi! Meme mudianjile kuikala ne ntatu ya bungi, Maweja-Nangila, untumina kabidi mikuabu. Ndi mupungile ntua mikemu, tshiena ne dikisha nansha dikese!”

Yirmeya 6:25

Kanupatuki mu tshisuku to. Kanuyi mu njila to. Bualu, muluishi udi mu njila ushipa bantu. Bashipianganyi badi nseke yonsu.

Yirmeya 8:18

Ndi ne kanyinganyinga kakole. Kakuena mushindu wa kujikija kanyinganyinga kanyi to.

Bienzedi 20:1

Mitoyi mimane kujika, Polu kusangisha bena ditaba, kubakolesha ku muoyi, kulayangana nabu. Pashishe kuyaye mu Masedoniya.

Rome 15:26

Bualu bena ditaba ba mu Masedoniya ne ba mu Akaya bavua bapangadika bua kusangisha makuta, bua kuambuluisha bakengi ba mu Tshisumbu tshia bena ditaba badi mu Yerushalayime.

1 Korente 15:31

Bana hetu bu mundi nnujadikila ne: ndi mua kuditemba bulelela bualu buenu, bualu nudi badisanga ne Mfumu wetu, ke mundi njadika kabidi ne ndi mu njiwu ya lufu matuku onsu.

1 Korente 16:5

Meme mumane kupitshila mu buloba bua Masedoniya, nemfike kuenu aku, (bualu ndi ndonda njila wa Masedoniya.)

2 Korente 2:13

Kadi mvua mupampakane bikole, bualu tshivua musangane muanetu Tite. Ke mumvua mulayangane ne bena mu Trowase, bua kuya ku Masedoniya.

2 Korente 2:3

Ke pamvua munufundile mukanda wanyi awu! Tshivua musue kufika kuenu aku, bualu tshivua musue bua bambungamije kudi bantu bavua ne bua kunsankisha. Bualu ndi ngitaba ne: pandi nsanka, nuenu bonsu nudi nusanka.

2 Korente 2:9

Bualu pamvua munufundile mukanda wanyi, mvua musue kunuteta kabidi, bua mmone ne: nutshidi amu basue kuitaba bindi nnufundila anyi?

Ngalate 4:11

Ndi mpampakana bikole bualu buenu! Mudimu mukole undi munukuatshile, neupete tshipeta anyi?

Dielulula 32:25

Nebabashipe ne muele mu misesu. Nebafue ne bowa mu nzubu yabu. Lufu nelubakuate bonsu, bansongalume ne bansongakaji, bakulumpe ne bana.”

1 Tesalonike 3:5

Nanku bu mumvua tshiyi mua kuindila kabidi, meme kutuma Timote, bua adijadikile munudi nutungunuka mu ditaba. Mvua ntshina ne: bumue diabolu udi mua kunuteta, kunyanga mudimu wonsu utuvua benze.