2 Korente 7:14 - MUKANDA WA MYIDI MUKULU

¹⁴ Mvua muanji kuditemba kakese bualu buenu ku mesu kuende. Nanku kanuena bamfuishe bundu. Bualu bu mutuvua banuambile misangu yonsu amu malu malelela, nansha pamvua muditembe bualu buenu ku mesu a Tite, tshivua mushime to.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Bua bingikala mutumbe kudiye mu muanda mukuabo bua bualu buenu, tshiakafuishibua bundu; kadi bu mutuakanuambila malu onso mu bushua, nunku kabidi ditumbila dietu kudi Tito diakalua dilelela.

2 Korente 7:14 ပူးပေါင်းရင်းမြစ်များ

Yowanane 17:19

Ndi ndifila mujima kuudi bualu buabu, bua bobu kabidi bikale bebe menemene.

2 Korente 10:8

Tshiena ne bua kufua bundu, nansha meme muditambishe kakese, bua bumfumu buvua Mfumu mutupeshe. Bumfumu ndi nabu amu bua kunutuma kumpala mu tshisumbu, ki mbua kunubutula nabu to.

2 Korente 12:6

Meme musue kuditemba, tshiakudileja bu muntu mutatakane to. Bualu nengambe amu malu malelela. Kadi tshiena musue kuditemba. Ndi musue muntu angangate ne mushinga bua bidiye mumone ngenza, nansha bua bidiye mumvue ngakula, kayi upitshisha.

2 Korente 2:13

Kadi mvua mupampakane bikole, bualu tshivua musangane muanetu Tite. Ke mumvua mulayangane ne bena mu Trowase, bua kuya ku Masedoniya.

2 Korente 7:13

Ke munuvua benze! Ke munuvua batukoleshe ku muoyi! Kadi katuvua bakole amu muoyi. Tuvua kabidi bumvue disanka dipite bunene, patuvua bamone Tite usanka bikole bua mushindu unuvua bonsu bamusambe.

2 Korente 7:4

Ndi nnuambila malu onsu patoke! Ndi nditemba bualu buenu! Mu makenga etu onsu ndi mukoleshe amu muoyi, mumvue kabidi amu disanka dipite.

2 Korente 7:6

Kadi Mvidi Mukulu udi usamba badi batekete mu maboku, kutukolesha ku muoyi diba divua Tite mufike.

2 Korente 8:24

Nubaleje munudi babanange bulelela, bua mu Bisumbu bionsu bia bena ditaba bantu bajadike ne: tuvua tuditemba bualu buenu amu pa bualu.

Filipe 1:26

Nenku diba dingapingana kunudi, nenuikale ne disanka dipite bualu buanyi, bua bionsu bidi Yezu Kristu munuenzele kundi.

2 Tesalonike 1:4

Ke patudi tuditemba bualu buenu mu Bisumbu bionsu bia bena ditaba ba Mvidi Mukulu. Bualu nansha mu makenga adibu banukengesha nawu, nansha mu ntatu inudi numona, nudi amu nunanukila bashindame mu ditaba.