2 Korente 7:10 - MUKANDA WA MYIDI MUKULU

¹⁰ Padi Mvidi Mukulu ukuata mudimu ne dibungama dietu, udi utuambuluisha bua tudilengeje, tupete lupandu. Ke patudi katuyi mua kunyingalala nansha. Kadi patudi tubungama tujinga bia panu, tudi tukeba lufu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Bualu bua kanyinganyinga kadi Nzambi musue kadi kenzesha dikudimuna dia mutshima tô ne ku luhandu ludi kalui luvuisha dibungama; kadi kanyinganyinga ka ha buloba ebu kadi kavuisha lufu.

2 Korente 7:10 ပူးပေါင်းရင်းမြစ်များ

Genese 30:1

Lakele umona ne: tshiena mulele, kumfuila mukenende mukawu. Kuambilaye bayende Yakobe ne: — Undeleshe panyi, bualu ndi mua kufua!

2 Samuele 12:13

Davide kuandamuna muambi Natane ne: — Ndi mumanye ne: ndi muenze bibi kumpala kua Maweja-Nangila. Muambi Natane kumuambila ne: — Nanku, Maweja-Nangila udi ukufuila luse. Kuena ufua to.

2 Samuele 13:4

Yonadabe kukonka Amnone ne: — Muana wa mukalenga, udi uleja mpala mubi ku dituku dionsu nunku bua tshinyi? Kuena mua kungambilaku tshidi tshikutonda anyi? Amnone kuandamuna ne: — Bualu ndi munange Tamare, muakunyi wa Absalome, muanetu wa tatu.

2 Samuele 17:23

Akitofele umona ne: kabena bitabe lungenyi luende, kusuikaye biseba bia kusomba pa nyama wende wa mpunde, kupinganaye mu tshimenga tshia Ngilo, nuwuaye musombela. Kulayaye bena nzubu wende, pashishe kudiowaye. Kumujikabu mu lukita lua tatuende.

1 Bakalenga 21:4

Mukalenga Akabe kupingana ku nzubu kuende, mubungame, mufike munda bua diandamuna dia Nabote adi. Akabe kulala pa bulalu, mutangile ku tshimana, kayi mua kudia kantu nansha kamue.

Misambu 38:18

Ndi ngamba kufua tshipuka. Dikenga kadiena dinshila muaba.

Nsumuinu 15:13

Muntu udi ne disanka udi ne mpala wa mimuemue. Kadi muntu udi ne kanyinganyinga udi ne minyengu mu mpala.

Nsumuinu 15:15

Matuku onsu mukengi udi usomba mu dikenga. Kadi muntu wa dikasa dimpe udi usanka matuku onsu.

Nsumuinu 17:22

Disanka didi dijikija disama dia muntu. Kadi dibungama didi dikepesha bukole bua mubidi.

Nsumuinu 18:14

Padi muntu utekemena ne: nempande, udi upanda. Udi kayi utekemena lupandu, udi mua kufua lukasa.

Muambi 7:3

Kudila nkupite kuseka. Muntu udi ubungama, unyenga mpala, kadi muoyi wende udi ulonga malu.

Yirmeya 31:9

Badi bapingana badila muadi, kadi meme ndi ngenda nabu, mbasamba. Nembafile ku misulu idi ne mayi mavule. Ndi mbafile mu njila muimpe, udi kayi ne biniina, bua kabayi kudishinda. Bualu meme ndi tatu wa bena Izrayele. Efrayime ke muananyi muanabute.

Yezekiyele 7:16

Bantu bikale bapanduke nebanyemene mu mikuna. Bu nyunyu ya nkudimba idi idila, nebatue mikemu bua bilema biabu.

Yona 3:10

Maweja-Nangila kumona muvua bena Ninive balekela buenzayi buabu. Nanku, kutuyishaye tshiji tshivuaye natshi. Kulekelaye mua kubanyoka nuwuaye mubakanyine.

Yona 3:8

Bantu ne bimuna, nudi ne bua kuvuala bilamba bikayapale. Bonsu nutendelele Mvidi Mukulu ne muoyi mujima. Muntu yonsu umuke mu njila wa malu mabi, alekele buenzayi buvuaye nabu.

Yona 4:9

Mvidi Mukulu kukonka kabidi Yona ne: — Udi ufika munda bua mutshi ewu, pa bualu anyi? Yona kuandamuna ne: — Eyowa, ndi mufike munda pa bualu, ndi mua kufua mene.

Matayi 26:75

Petro kuvuluka tshivua Yezu mumuambile ne: “Tshitala katshiyi tshianji kusama, newikale mumane kunwila misangu isatu ne: tshiena mumanye muntu awu to.” Ke Petro kupatuka, wenda udila bikole.

Luke 15:10

Ndi nnuambila ne: ke mudi batumibue ba Mvidi Mukulu basanka bua muena malu mabi udi udilengeja.

Luke 18:13

Mulambuishi wa bitadi uvua muimane yeye pa bule, kayi nansha ukimina kutangila mu diulu. Kadi uvua udituuta pa tshiadi, wamba ne: “Eyi, Mvidi Mukulu wanyi, ungumvuileku luse. Meme ndi muenji wa malu mabi.”

Bienzedi 11:18

Miaku ayi kubatalaja. Kutumbishabu Mvidi Mukulu, bamba ne: — Bushuwa, Mvidi Mukulu mmupe kabidi bantu ba bisamba bikuabu bukole bua kudilengeja, bua bapete muoyi mulelela.

Bienzedi 3:19

Nanku nudilengeje, nupingane kudi Mvidi Mukulu, bua anujimijile mibi yenu.

2 Korente 12:21

Pangafika bua kumonangana nenu, ndi ntshina ne: Mvidi Mukulu wanyi neampuekeshe milongu ku mesu enu. Bualu nengase muadi, pandi mmona ba bungi bavua benze bibi kale, kabayi badilengeja lelu. Nanku nulekele buendenda, malu a bundu, ne bilema bikuabu binuvua benze.

2 Korente 7:9

Kadi lelu ndi ne disanka. — Tshiena nsanka bua pamvua munubungamije, kadi bua padi dibungama dienu dinupetesha bukole bua kudilengeja. Mvidi Mukulu uvua mukuate mudimu ne dibungama dienu adi. Ke pamvua katuyi banuenzele bibi nansha.

Ebrewu 12:17

Nudi bamanye ne: kunyima kua matuku, pavuaye musue bua tatuende amuele lupemba, bakamubenga. Bualu kavua mupete mushindu wa kukudimuna malu avuaye muenze, nansha muvuaye ulomba ne binsonji ku mesu.

1 Samuele 30:6

Davide uvua ne kanyinganyinga kakole. Bualu bantu bavuaye nabu bavua basue kumuasa mabue bua kumushipa. Muntu yonsu uvua unyingalala, wela meji kudi bana bende ba balume ne ba bakaji. Kadi ku diambuluisha dia Maweja-Nangila Mvidi Mukulu wende, Davide kupeta bukole.