2 Korente 7:1 - MUKANDA WA MYIDI MUKULU

¹ Bana hetu basuibue, ke bivuabu batulaye tuetu. Nanku tudilongololayi, tumushe manyanu onsu adi pambidi, tuditokeshe kabidi mu muoyi wetu. Tuikale bantu ba tshijila menemene, badi benza bidi Mvidi Mukulu musue.

Mukanda wa Nzambi Dihungila Dikulukulu ne Dihungila Dihia-dihia 2003

¹ Bana betu, bualu bua tuetu tudi ne milayi ei, tudilengeshe ku manyanu onso a mubidi ne a nyuma, tukumbashe tshijila tshietu mu ditshina dia Nzambi.

2 Korente 7:1 ပူးပေါင်းရင်းမြစ်များ

2 Kulondolola 19:9

Yosafate uvua muambile bandumbulula ne: — Nunemeke Maweja-Nangila, bua numone mua kulumbuluisha bantu pa bualu, kanuyi nuela meji ku tshintu tshikuabu.

Misambu 119:9

Patshidi muntu muana, mmunyi mudiye mua kuikala ne nsombelu muimpe? — Amu padiye ulama tshiudi muambe wewe Maweja-Nangila.

Misambu 19:9

Meyi a Maweja-Nangila adi makane, aludika muntu mu njila wa diakalenga.

Misambu 51:10

Ungambile muudi mumfuile luse, bua ngende kabidi ne musangelu. Nansha wewe mumane kunzaza, nensanguluke.

Nsumuinu 16:6

Unange bantu, ulamate Maweja-Nangila, nanku neakufuile luse bua ntupakanyi yebe. Newepuke bubi paudi utshina Maweja-Nangila.

Nsumuinu 20:9

Muntu kena mua kuamba ne: “Tshiena ne tshilema nansha tshimue. Kondu ka munda muanyi kakena kangasa tshilumbu.”

Nsumuinu 30:12

Kudi bantu badi bela meji ne: tudi bantu bimpe. Kadi ki mbapange manyanu pambidi pabu.

Nsumuinu 8:13

Kutshina Maweja-Nangila ke kudiwula bubi. Meme ndi ndiwula ditambisha ne budiambi, ngenzelu mibi, ne miaku ya dishima.

Muambi 11:10

Umbusha mu muoyi webe malu onsu adi akubungamija, kabidi mu mubidi webe bionsu bidi bikusankisha. Bualu bunsonga ne bukole bidi bijimina lukasa.

Yeshaya 1:16

Dilongololayi, nudikobolole, nubenge buenzayi, tshibumvu kabidi nansha. Kanuenji kabidi bibi to.

Yeshaya 55:7

Muntu mubi alekele njila yende mibi. Udi kayi ne meji makane, alekele meji ende mabi! Bantu bapingane bonsu kudi Maweja-Nangila, bualu neabafuile luse! Bapingane kudi Mvidi Mukulu wetu, bualu neabalekele mibi yabu!

Yirmeya 13:27

Ndi mbenga malu ebe a bundu, ne tuseku tuebe tuakulobesha natu bantu, tshiendenda tshiebe tshia bundu. Mvua mumone pa mikuna ya mu ditunga mvidie yebe idi kufuisha bundu! Yerushalayime, udi muena diakabi! Neudilengeje diba kaayi?

Yirmeya 4:14

Yerushalayime, pawikala musue kupanda, ulekele lonji bebe. Neulekele meji mabi audi nawu diba kaayi?

Lewitiki 13:58

“Padibu basukula tshintu atshi, dikeji dijika, batshisukulule musangu muibidi, bua tshishale katshiyi ne mikiya.”

Matayi 12:33

— Wewe musue kupeta bimuma bimpe, wikale ne mutshi muimpe. Wewe ne mutshi mubi, neupete bimuma bibi. Bualu badi bamanyina mutshi ku bimuma biawu.

Matayi 5:48

Nuikale bantu balenga tshishiki, bu mu Tatu wenu udi mu diulu mulenga tshishiki.

Matayi 5:8

Bantu badi ne muoyi munonoke, ke bena diakalenga, bualu nebamone Mvidi Mukulu!

Bienzedi 9:31

Diba adi Tshisumbu tshia bena ditaba tshivua ne ditalala mu ditunga dijima dia Yudeya, dia Ngalileya, ne dia Samariya. Tshivua tshienda tshikola. Bu muvua bena ditaba balamata Mfumu, batua batanta ne diambuluisha dia Mueyelu wa Tshijila.

Rome 5:20

Mikenji mmifike bua bubi buvulangane. Kadi muaba uvua bubi butampakana, dinanga dia Mvidi Mukulu divua dipita kuelangana kabidi.

1 Korente 6:20

Mvidi Mukulu mmunusumbe, mufute mushinga. Nanku tumbishayi Mvidi Mukulu mu mubidi wenu.

2 Korente 1:20

Kudi Kristu ke kudi Mvidi Mukulu wamba “eyowa” ku bionsu bivuaye mulaye. Nanku kudi Yezu tuetu kabidi tudi tuamba Amene wetu, bua kutumbisha Mvidi Mukulu.

Efeze 2:3

Bonsu buetu tuvua benze anu bu bobu. Tuvua tulonda amu majinga etu mabi. Tuvua tukumbaja amu bivua mubidi wetu, ne meji etu, bijinga. Nanku tuvua amu ne bua kupeta dinyoka kudi Mvidi Mukulu, bu bantu bakuabu bonsu.

1 Tesalonike 3:13

Mvidi Mukulu akoleshe mioyi yenu. Nanku nenuikale bantu ba tshijila, bakane tshishiki, kumpala kua Mvidi Mukulu Tatu wetu, diba diafika Mfumu wetu Yezu Kristu ne bende bonsu.

1 Tesalonike 4:7

Mvidi Mukulu kena mutubikile bua tuikale bena tshiendenda, kadi amu bua tuikale bantu ba tshijila.

1 Tesalonike 5:23

Mvidi Mukulu udi utupa bupole, anuambuluishe bua nuikale bantu bende menemene. Anulame ne mueyelu wenu, muoyi, ne mubidi, bua kanuikadi ne bubi, too ne dituku diafika Mfumu wetu Yezu Kristu.

Ebrewu 12:23

Nudi basemena pabuipi ne tshisangilu tshia tshibilu tshia banabute ba Mvidi Mukulu badi ne mena abu mafunda mulu. Nudi basemena pabuipi ne Mvidi Mukulu, mulumbuluishi wa bantu bonsu. Nudi basemena pabuipi ne mieyelu ya bantu batata benze bidi Mvidi Mukulu musue, bafike ku bujima buabu.

Ebrewu 12:28

Nenku tuele Mvidi Mukulu tuasakidila, bualu tudi tupeta bukalenga budi kabuyi buzakala. Tumuele tuasakidila pa kuenzela Mvidi Mukulu mudimu udi umusankisha. Tumutumikile, tumutshine.

Ebrewu 4:1

Mvidi Mukulu uvua mutulaye ne: nenubuele muaba undi munulongoluele bua nuenu kuikisha. Nanku tudimukayi, bua muntu wa kunudi kapangi kupeta muaba wa dikisha awu.

Ebrewu 6:9

Kadi, bana hetu basuibue, nansha tuakula nanku, tudi batekemene bikole kunudi, bamanye ne: nudi nuenda mu njila muimpe wa lupandu.

Yakobe 4:8

Semenayi kudi Mvidi Mukulu. Nanku Yeye neasemene kunudi. Nuenu bena mibi, owayi bianza bienu. Nuenu bena mpala ibidi, shindikayi mioyi yenu kudi Mvidi Mukulu nkayende!

1 Petro 1:15

Kadi nuikale bantu ba tshijila mu nsombelu wenu mujima, amu mudi Mvidi Mukulu udi munubikile wa tshijila.

1 Petro 1:17

Panudi ntendelela, nudi nubikila Mvidi Mukulu ne: “Tatu”. Yeye kena ne kansungasunga. Udi ukosa nsambu ya bantu amu pa yoyi, bilondeshile malu adi muntu ne mutu muenze. Nanku matuku onsu anutshidi benyi panu, nuleje Mvidi Mukulu kanemu kenu mu bionsu binudi nuenza.

1 Petro 1:22

Panuvua bitabe bulelela, nuvua badilengeje, bua numone mua kunanga ne muoyi umue bena ditaba nenu. Nanku nunangangane bikole, kabidi ne muoyi wenu mujima.

1 Petro 2:11

Bana hetu basuibue, bu munudi benyi ne bena tshimuangi panu, ndi nnulomba ne: nudilame ku majinga a buntu buenu adi aluisha muoyi wenu wa kulu.

1 Petro 5:10

Mvidi Mukulu mmunubikile bua nudisange nende mu butumbi buende bua kashidi, panudi nudisanga ne Kristu. Nanku nuenu bamane kukenga tshitupa tshikese, Mvidi Mukulu, mpokolu wa dinanga dionsu, neanuenze bantu ba tshijila. Neanushindike, anukoleshe bua kanutenkakanyi.

1 Yone 1:7

Kadi tuetu bende mu butoke, mudi Mvidi Mukulu mu butoke, nanku bonsu tudi tuenza tshintu tshimue, kabidi mashi a Yezu, Muanende, adi atupikula ku bubi buonsu.

1 Yone 1:9

Kadi tuetu batondele Mvidi Mukulu mibi yetu, tudi mua kutekemena ne: Mvidi Mukulu neakumbaje bivuaye mulaye. Neatujimijile mibi yetu; neatupikule ku bubi buonsu.

1 Yone 3:3

Muntu yonsu udi windila bualu ebu, mutekemene kudi Kristu, udi udilengeja ku bubi buonsu, bu mudi Yezu Kristu kabidi kayi ne bubi.