2 Korente 6:1 - MUKANDA WA MYIDI MUKULU

¹ Nenku tuetu badi bakuatshi ba mudimu pamue ne Mvidi Mukulu, tudi tunubela bua dinanga divua Mvidi Mukulu mutuleje dipatule tshipeta.

Mukanda wa Nzambi Dihungila Dikulukulu ne Dihungila Dihia-dihia 2003

¹ Tuetu, benji ba mudimu ne Nzambi, tudi tunusengelela kabidi ne, Kanuangatshi ngasa wa Nzambi bu bualu bua hatuhu;

2 Korente 6:1 ပူးပေါင်းရင်းမြစ်များ

Yirmeya 8:8

Nudi nudiamba ne: “Tudi bena meji, bualu tuetu ke badi ne mikenji ya Maweja-Nangila.” Kadi nudi nudisua nanku bua tshinyi? Kanuena bamanye ne: bantu badi batentula mikenji mbena dishima, badi bandamuna miaku idi momu anyi?

Matayi 23:37

— Yerushalayime, Yerushalayime, wewe udi ushipa bambi, wasa badi Mvidi Mukulu ukutumina mabue, ubashipa! Misangu bungi munyi imvua mujinge kusangisha bantu bebe pandi, bu mudi nzolu usangisha tuana tuende mu mapuapua. Kadi kanuvua basue to!

Bienzedi 11:23

Ufika, kumonaye muvua Mvidi Mukulu mukumbaje mudimu ne dinanga munkatshi mua bena ditaba. Nanku kusankaye, ubabela bonsu bua bananukile ne muoyi mukole, bitabe Mfumu.

Bienzedi 14:3

Kadi Polu ne Barnabase bavua amu mua kushala matuku makumbane mu Ikoniyume. Bavua batekemena kudi Mfumu, balongesha bantu ne: Mfumu ke udi utupa bumfumu bua kuenza bishima ne malu a dikema. Ke mudiye unuleja ne: bitudi tunulongesha pa dinanga didi Mvidi Mukulu utunanga nadi mbilelela.

Rome 12:1

Bana hetu, padi Mvidi Mukulu muleje nanku mudiye utufuila luse, ndi nnusengelela bua nudifile kudiye bu mulambu udi ne muoyi, bu mulambu wa tshijila, udi umusankisha. Ke mushindu muimpe unudi ne bua kumutendelela.

1 Korente 3:9

Bualu tudi tukuatshila Mvidi Mukulu mudimu amu umue, kabidi nuenu nudi budimi bua Mvidi Mukulu. Tudi mua kuamba kabidi ne: nudi nzubu wa Mvidi Mukulu.

2 Korente 10:1

Meme Polu, ndi ne bua kudilumbuluila mpindiewu. Badi bangamba ne: ndi ne bowa, pandi munkatshi muenu. Kadi pandi kule, ndi nnubela ne dikima. Bu mudi Kristu ne muoyi mulenga wa bupole, ndi nnusengelela ne:

Ngalate 2:21

Tshiena mubenge bua Mvidi Mukulu annange nansha. Kadi pikala Mvidi Mukulu utubingisha, bualu tudi tukumbaja mikenji, nanku Kristu kavua ne bua kufua nansha.

Ngalate 3:4

Malu manene onsu anudi bamone adi amu a patupu anyi? Nansha kakese! Tshiena mua kuitaba ne: neikale amu a patupu!

1 Tesalonike 3:5

Nanku bu mumvua tshiyi mua kuindila kabidi, meme kutuma Timote, bua adijadikile munudi nutungunuka mu ditaba. Mvua ntshina ne: bumue diabolu udi mua kunuteta, kunyanga mudimu wonsu utuvua benze.

Tite 2:11

Bualu Mvidi Mukulu mmuleje mudiye unanga bantu, musue kubapandisha bonsu.

Ebrewu 12:15

Dimukayi bua muntu kabengi dinanga didi Mvidi Mukulu ununanga nadi. Muntu nansha umue kadienji bu mutshi wa bululu udi utoloka, ulewula bantu ba bungi ne lulengu luawu.

Ebrewu 12:25

Nanku nudimuke! Kanubengi kuteleja udi wakula nenu. Bantu bavua babenga kuteleja muntu uvua ubabela pa buloba mu dina dia Mvidi Mukulu, batata bapete dinyoka. Nanku tuetu nangananga nebatunyoke patudi tubenga udi utuambila diyi didi difume mulu.

Ebrewu 4:1

Mvidi Mukulu uvua mutulaye ne: nenubuele muaba undi munulongoluele bua nuenu kuikisha. Nanku tudimukayi, bua muntu wa kunudi kapangi kupeta muaba wa dikisha awu.

1 Petro 4:10

Nuambuluishangane ne mapa adi yonsu wa kunudi mupete kudi Mvidi Mukulu. Ke munudi mua kuenza mudimu bimpe ne mapa mashilangane anudi bapete kudi Mvidi Mukulu nanku.

1 Samuele 14:45

Kadi bena mvita kuambila Shawule ne: — Yonatane udi mupeteshe bena Izrayele ditshimuna mu mvita eyi minene, neafue bua tshinyi? Kabiena mua kuenzeka to. Bu mudi Maweja-Nangila ne muoyi, katuena tuitabe nansha bua lusuki lua Yonatane lumate panshi to. Bualu bionsu bidiye muenze lelu ebi, mmuenze ne diambuluisha dia Mvidi Mukulu. Nanku, bena mvita kusungidila Yonatane bua kafu to.