2 Korente 5:14 - MUKANDA WA MYIDI MUKULU

¹⁴ Bualu dinanga didi Kristu mutuleje didi ditulombola mu bionsu bitudi tuenza. Bualu tudi bajadike ne: bu mudi umue mufuile bantu bonsu, tuetu bonsu tudi bafue pamue nende.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Bualu bua dinanga dia Kilisto didi dituenzesha; bua tuakujingulula bualu ebu ne, Bualu bua umue wakafuila bonso, nunku bonso bakafua;

2 Korente 5:14 ပူးပေါင်းရင်းမြစ်များ

1 Kulondolola 11:18

Nanku bena mvita bende basatu, kupitshila munkatshi mua mitanda ya bena Peleshete. Kusunabu mayi mu tshiina atshi. Kuyabu kupa Davide. Kadi, Davide kavua musue kunua mayi awu to. Kuitshikijaye panshi bua kualambula Maweja-Nangila,

Yobe 32:18

Ndi ne miaku ya bungi munda muanyi indi ne bua kuamba. Meji anyi mavule adi ansaka bua kuakula.

Musambu wa Solomo 1:4

Unkuate ku tshianza, tuye nebe lukasa. Mukalenga wanyi, umbueje mu tshibambalu tshiebe, tusanke bubidi buetu. Tusangale, bualu dinnanga diebe ndisheme dipite maluvu. Ke padi nsongakaji yonsu ikunanga.

Yeshaya 53:6

Tuvua bapambuke eku ne eku, miaba yonsu, bu mikoku idibu batangalaja, muntu yonsu ulonda wende njila, muntu wende njila. Dinyoka divuabu mua kutunyoka tuetu, bua bilema bietu bonsu, ke divuabu bamunyoke nadi.

Matayi 20:28

Nanku Muana wa muntu kena mufike bua bamuenzele mudimu, kadi amu bua kukuatshila bantu bakuabu mudimu, ne bua kufila muoyi wende bua kupikula bantu ba bungi.

Luke 15:24

Bualu muananyi ewu ukavua mufue, mmubiike ku lufu. Ukavua mujimine, mbamumonyi.” Kutuadijabu kusanka.

Luke 15:32

Kadi tuvua ne bua kuenza tshibilu etshi, kusanka, bualu muanenu ewu ukavua mufue, mmubiike ku lufu; ukavua mujimine, mbamumonyi.”

Luke 24:29

Kadi balongi kumusengelela, bamba ne: — Shalaku netu, bualu butuku bukadi buila. Nanku Yezu kubuela mu nzubu, kushala nabu.

Yowanane 1:29

Butshia, Yowanane kumona Yezu ufika kudiye. Kuambilaye bantu ne: — Tangilayi Muana wa mukoku wa Mvidi Mukulu udi umbusha bubi bua bantu.

Yowanane 11:25

Yezu kumuambila ne: — Meme ke udi ubisha bantu ku lufu, ubapesha muoyi. Muntu yonsu udi ungitaba, neikale ne muoyi, nansha yeye ufua.

Yowanane 5:25

Ndi nnujadikila ne: tshikondu tshidi kumpala, ntshimane kufika mene, tshidi bantu bafue bumvue diyi dia Muana wa Mvidi Mukulu. Badi badiumvue nebikale ne muoyi.

Bienzedi 18:5

Silase ne Timote kumuka ku Masedoniya, kuya ku Korente. Bobu bamane kufika, ke Polu kudifila muende muonsu ku mudimu wa kulongesha muaku. Uvua ujadikila bena Yuda ne: Yezu udi Kristu.

Rome 2:2

Tudi bamanye ne: Mvidi Mukulu udi upisha amu pa bualu bantu badi benza malu a nanku.

Rome 5:15

Kadi bubi bua Adame katuena mua kubufuanyikija ne bunene bua dinanga didi Mvidi Mukulu mutuleje amu ku luse luende. Bushuwa bonsu mbafue bua bubi bua muntu umuepele ewu. Kadi dinanga dia Mvidi Mukulu didi dipita bubi ku bunene. Nanku dipa didiye mupeshe bantu bonsu amu ku luse luende patupu kudi muntu umuepele, Yezu Kristu, didi dipita kabidi bubi ku bunene.

Rome 6:13

Kanufidi kabidi bidimba bishilangane bia mubidi wenu ku malu mabi, bu biamu bia mudimu bia kuenza nabi bidi Mvidi Mukulu ubenga. Kadi nudifile kudi Mvidi Mukulu, bu bantu bavua babike ku lufu, bapete muoyi. Nudifile muenu muonsu bua kumuenzela mudimu. Bidimba bienu bikale biamu bia mudimu bia kuenza nabi bidi Mvidi Mukulu musue.

Rome 6:6

Tumanyayi bimpe bualu ebu ne: muntu utuvua kale awu wakafua ne Kristu ku mutshi mutshiamakane, bua mubidi wetu wa bubi ubutuke, bua katuikadi kabidi bapika ba bubi.

1 Korente 16:22

Pikala muntu kayi unanga Mfumu, ikale mutshipa! Maranatha — Mfumu wetu vuakunu!

1 Korente 2:14

Muntu udi kayi ne Mueyelu wa Mvidi Mukulu, kena mua kuitaba malu malelela adi Mueyelu ewu utumanyisha. Neaatangile bu a bupale. Kena mua kuajingulula, bualu amu muntu udi ne Mueyelu, ke udi mua kuamanya.

2 Korente 3:7

Bayua bafunde mikenji pa mabue ku dileta ku dileta. Diba adi butumbi bua Mvidi Mukulu buvua bukenka. Mpala wa Moshe uvua ubalakana bikole bipite, bena Izrayele kabayi mua kumutangila nansha. Kadi bukenke buvua pa mpala wa Moshe abu buvua amu ne bua kujimina. Pavua mikenji, ivua ne bua kutufikisha ku lufu, imueneka pamue ne butumbi bunene nanku,

2 Korente 3:9

Bulongolodi buvua butupisha bukavua ne lumu. Nenku bulongolodi budi butubingisha kumpala kua Mvidi Mukulu nebuikale ne lumu lupite!

Ngalate 2:20

Nanku udi ne muoyi ki mmeme to. Kadi Kristu udi ne muoyi munda muanyi. Muoyi undi nawu mpindiewu panu, ndi nawu, bualu ndi ngitaba Muana wa Mvidi Mukulu, uvua munnange, mufue kabidi bualu buanyi.

Efeze 6:24

Dinanga dia Mvidi Mukulu dikale munda mua bonsu badi bananga Mfumu wetu Yezu Kristu, dibafikisha ku muoyi wa kashidi.

Kolose 2:13

Ku kale nuvua bafue, bualu kabavua banuteke panshi, momumue ne: nuvua badine mu bubi. Kadi mpindiewu Mvidi Mukulu mmunubishe pamue ne Kristu. mMutujimijile mibi yetu yonsu.

Kolose 3:3

Bualu nukadi bafue. Muoyi wenu udi musokome pamue ne Kristu munda mua Mvidi Mukulu.

1 Timote 2:6

Yeye uvua mudifile bua kupikula bantu bonsu. Ke muvuaye muleje mu tshikondu tshivua Mvidi Mukulu mujadike ne: Mvidi Mukulu mmusue kusungidila bantu bonsu.

1 Timote 5:6

Kadi mukaji mukamba utshidi ne milowu, nansha yeye ne muoyi, mmufue.

Tite 3:3

Bualu ku kale, tuetu kabidi katuvua ne meji to. Tuvua bena tshitunu, bantu bapambuke. Tuvua bapika ba malu mabi, ne ba masanka mabi a mishindu yonsu. Tuvua bena buenzavi ne lubabu. Tuvua tukina bakuabu, bobu kabidi bavua batukina.

Ebrewu 2:9

Kadi tudi tumona ne: Yezu uvuabu bapuekeshe kakese kuinshi kua batumibue ba Mvidi Mukulu, bualu bua lufu luvuaye mufuile bantu, mmupete butumbi ne lumu. Nanku bualu bua dinanga didi Mvidi Mukulu utunanga nadi, Yezu mmufuile bantu bonsu.

Ebrewu 6:10

Mvidi Mukulu kena wenza bibi. Kena mua kupua binudi benze muoyi. Udi amu uvuluka dinanga dinuvua bamuleje ku midimu inuvua benzele bantu ba tshijila ne inutshidi nubenzela.

1 Petro 1:8

Kanuyi banji kumona Yezu Kristu, nudi numunanga; kanuyi numumona mpindiewu, nudi numuitaba. Ke panudi nusanka nutshionkomoka kabiyi mua kuamba.

1 Yone 5:19

Tudi bamanye ne: tudi bantu ba Mvidi Mukulu. Tudi bamanye kabidi ne: bukua panu bujima budi ku bumfumu bua Muena bubi.