2 Korente 5:13 - MUKANDA WA MYIDI MUKULU

¹³ Pikalabu batuambule mulu, tshilumbu atshi tshidi tshitutangila amu tuetu ne Mvidi Mukulu. Kadi bualu buenu tudi ne bua kukuata mudimu ne lungenyi.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Bituikala ne meshi matshimbakane, budi bua Nzambi; anyi bituikala ne mitshima mihole, budi bua bualu buenu.

2 Korente 5:13 ပူးပေါင်းရင်းမြစ်များ

Yirmeya 29:26

“Bu mudi Maweja-Nangila mukuteke bua kupingana Yoyada, utangile ne disu dikole bantu badi babuele mu nzubu wa Mvidi Mukulu! Nanku bantu batshimbakane badi badiamba ne: tudi bambi, ubele mu tshikunyi, ne nkanu mu nshingu.

Marke 3:21

Baledi bende bumvue nanku, kuyabu bua kumuangata, bualu bavua bamba ne: “Yezu mmumane kujimija lungenyi!”

Rome 12:3

Mu dina dia dipa didi Mvidi Mukulu mumpeshe ku luse luende, ndi nnuambila bonsu ne: kanuditembi bu bapite bakuabu nansha. Ikalayi ne lungenyi lua kalolu. Yonsu wa kunudi adiangate ne mushinga, bilondeshile mudiye muitabe Mvidi Mukulu.

2 Korente 11:1

Eyowa ndi musue bua nungitabe, nunganyishe, nansha meme mudileje mutatakane kakese!

2 Korente 12:11

Mvua mudileje bu muntu mutatakane. Kadi nuenu nuvua bambidike bua ngenze nanku. Nuenu ke bayua mua kundumbuluila. Bualu nansha meme muntu wa patupu, tshiena mushadile kudi bapostolu benu banudi nuamba ne: mba kalandamusenga abu.

2 Korente 12:6

Meme musue kuditemba, tshiakudileja bu muntu mutatakane to. Bualu nengambe amu malu malelela. Kadi tshiena musue kuditemba. Ndi musue muntu angangate ne mushinga bua bidiye mumone ngenza, nansha bua bidiye mumvue ngakula, kayi upitshisha.

2 Korente 7:12

Tshivua munufundile mukanda, bualu bua muntu uvua muenze bibi, nansha bualu bua muntu uvuabu benzele bibi to. Kadi mvua musue kunuleja patoke ku mesu a Mvidi Mukulu, munudi nujinga kutua ku tshianyi.

Kolose 1:24

Mpindiewu ndi nsanka bua makenga adi mankuate bualu buenu. Bualu ku makenga anyi, ndi nkumbaja makenga adi Kristu kayi muanji kumvua bua mubidi wende, momumue ne bua Tshisumbu tshia bena ditaba.

1 Tesalonike 1:5

Bualu katuvua banulongeshe Lumu lua Disanka anu ku mishiku patupu, kadi ne bukole kabidi. Mueyelu wa Tshijila uvua utuambuluisha. Ke mutuvua bajadike bulelela bua Lumu lua Disanka elu ne bukitu. Nudi bamanye mutuvua basombe munkatshi muenu, anu bua kunuenzela bimpe.

2 Timote 2:10

Ke pandi ngumvua bionsu ne lutuulu, bua diakalenga dia bantu badi Mvidi Mukulu musungule. Ke mudibu bapeta bobu kabidi lupandu kudi Yezu Kristu, ne butumbi bua kashidi.