2 Korente 4:5 - MUKANDA WA MYIDI MUKULU

⁵ Bualu patudi tulongesha, katuena tudimanyisha tuetu to. Tudi mmanyisha Yezu Kristu bu Mfumu. Tuetu tudi amu bantu badi banukuatshila mudimu ku disua diende.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Bualu bua katuena tudiamba, kadi tudi tuamba Kilisto Yesu bu Mukelenge; ne tuetu bu bahika benu bualu bua Yesu.

2 Korente 4:5 ပူးပေါင်းရင်းမြစ်များ

Matayi 23:8

Kadi nuenu kabanubikidi ne: “Mulongeshi.” Bualu nudi bonsu bantu bamue. Mulongeshi wenu udi amu umue.

Matayi 3:11

Meme ndi nnutua mu mayi bua nukudimune nsombelu wenu. Kadi udi undonda panyima, neanutue mu Mueyelu wa Tshijila ne mu kapia. Yeye udi ne bukole, mumpite meme. Meme tshiena mukumbane nansha bua kumukopola bisabata biende.

Yowanane 7:18

Muntu udi wakula mu dina diende nkayende udi udikebela lumu. Kadi muntu udi ukuata mudimu bua kutumbisha uvua mumutume, udi wamba malu malelela. Kena ushima ku bualu nansha bumue to.

Bienzedi 10:36

Nudi bamanye Lumu lua Disanka ludi Mvidi Mukulu mumanyishe bena Izrayele. mMubambile ne: nenupete bupole kudi Yezu Kristu, Mfumu wa bantu bonsu.

Bienzedi 2:36

Nuenu bena Izrayele bonsu, nujadike ne: Yezu ewu, unuvua bapopele pa mutshi mutshiamakane, ke yeye udi Mvidi Mukulu muteke Mfumu ne Kristu!

Bienzedi 5:31

Mvidi Mukulu mmumuzanjike ku dia bukole diende; mmumuteke Mfumu ne Mupandishi, bua bena Izrayele badilengeje. Nanku Mvidi Mukulu neabajimijile mibi yabu.

1 Korente 1:23

Kadi tuetu tudi tukobola Kristu uvuabu bapopele pa mutshi mutshiamakane. Bena Yuda badi bakamba ne: nudi nusendeka Mvidi Mukulu. Badi kabayi bena Yuda badi bakamba ne: nudi nulongesha malu a bupale.

1 Korente 10:33

Ngidikijayi! Ndi ndibamba bua kusankisha bantu bonsu mu malu onsu. Tshiena nkeba bidi bindengelela meme, kadi bidi bilengelela bonsu, bua bapete lupandu.

1 Korente 12:3

Ke pandi musue bua nujingulule bimpe ne: padi Mueyelu wa Tshijila ulombola muntu, kena mua kuamba ne: “Yezu ikale mutshipa!” Nansha muntu kena mua kujadika ne: “Yezu udi Mfumu,” padi Mueyelu wa Tshijila kauyi umulombola.

1 Korente 15:47

Adame wa kumpala bayua bamuenze ne buloba. Kadi Adame muibidi mmufume mu diulu.

1 Korente 2:2

Bualu pamvua nenu, tshivua musue kunumanyisha bunga bualu, amu Yezu Kristu, nangananga Yezu Kristu uvuabu bapopele pa mutshi mutshiamakane.

1 Korente 4:15

Bualu, nansha nuenu bapete balongeshi binunu dikumi, badi banuludika mu njila wa Yezu Kristu, kadi tatuenu udi anu umue. Bualu bu mumvua munutuadile Lumu lua Disanka, ndi mudienze tatuenu mu njila unudi nulonda badisange ne Yezu Kristu.

1 Korente 8:6

Kadi buetu tuetu kudi Mvidi Mukulu amu umuepele, Tatu, Mufuki wa bionsu. Tudi ne muoyi panu, bua kuya kudiye. Kudi kabidi Mfumu umuepele, Yezu Kristu. Bionsu bidiku ku bukole buende. Tudi bapete muoyi amu kudiye.

2 Korente 1:19

Bualu Yezu Kristu Muana wa Mvidi Mukulu, utuvua tuetu bonsu, Silase, Timote ne meme kabidi, banumanyishe, kena muntu udi wamba “eyowa” ku mishiku, mundamunda wela meji mushindu mukuabu. Kadi Yeye udi amu “eyowa”.

2 Korente 1:24

Katuena basue kunufundila tshinudi ne bua kuitaba, bualu nukadi bashindame mu ditaba. Kadi tudi tujinga kukuata nenu mudimu, bua nupete diakalenga.

Ngalate 5:13

Bana hetu, Mvidi Mukulu mmunubikile, bua nudisunguile tshinudi basue kuenza. Tshiena musue kuamba ne: nudisunguile amu majinga mabi adi anusankisha mu buntu buenu. Kadi nunangangane, nuambuluishangane.

Filipe 1:15

Bushuwa bamue ba kudibu badi balongesha Kristu, bualu badi bantekela lubabu, bankebela bilumbu. Kadi bakuabu badi bamulongesha amu ne muoyi muimpe.

Filipe 2:11

batonde patoke ne: Yezu Kristu udi Mfumu! Ke mudibu batumbisha Mvidi Mukulu Tatu.

2 Timote 2:10

Ke pandi ngumvua bionsu ne lutuulu, bua diakalenga dia bantu badi Mvidi Mukulu musungule. Ke mudibu bapeta bobu kabidi lupandu kudi Yezu Kristu, ne butumbi bua kashidi.

Tite 1:11

Nanku ubakandike, ubabuikidije mukana, bualu badi bajula bimvundu mu meku majima, balongesha malu adi kaayi makane, anu bua kupeta biuma mushindu mubi.

2 Petro 2:3

Bu mudibu ne lukuka lua biuma, balongeshi ba dishima aba nebanuelele nsumuinu ifuma ku meji a bantu, bua bapete bintu bienu. Kadi Mukoshi wabu wa nsambu ukadi mumane kujadika tshibawu tshiabu. Neababutule lukasa, kayi ujingakana.