2 Korente 4:4 - MUKANDA WA MYIDI MUKULU

⁴ Diabolu, nwidie mubi wa pa buloba ebu, mmututubije lungenyi luabu. Ke padibu kabayi mua kuitaba Lumu lua Disanka, kabayi mua kumona bukenke budilu lutangalaja. Mu bukenke ebu butumbi bua Kristu budi bumueneka patoke. Mu Kristu mene Mvidi Mukulu udi umueneka.

Mukanda wa Nzambi Dihungila Dikulukulu ne Dihungila Dihia-dihia 2003

⁴ bakafofomishabo mesu a meshi a badi kabai bitabusha kudi nzambi wa tshikondo etshi, bua dinkenka dia lumu luimpe lua butumbi bua Kilisto, udi tshifuanyikishi tshia Nzambi, kaditemi kudibo.

2 Korente 4:4 ပူးပေါင်းရင်းမြစ်များ

1 Bakalenga 22:22

Mutumibue kuandamuna ne: “Nengenzeje bambi bonsu, bua bambile mukalenga Akabe malu a dishima.” Maweja-Nangila kuandamuna ne: “Ke mushindu muimpe mutambe wa kumushima. Uye kuenza nanku!”

Misambu 50:2

Mvidi Mukulu udi umueneka, bamunyungulule kudi bukenke, mu Siyone, tshimenga tshipite buimpe.

Yeshaya 6:10

Upapishe muoyi wa bantu aba, upatshishe matshi abu, ufofamije mesu abu bua mesu abu kaamonyi, bua matshi abu kaumvu, kabeedi meji a kupingana kundi, tshimonyi mua kubasungidila.

Matayi 13:22

Ntete idi ipona mu mitshi ya meba, ke badi bumvua muaku wa Mvidi Mukulu. Kadi disumpakana dia malu a bukua panu, ne mutshima wa biuma bia panu, bidi bikutakaja muaku, biupangisha mua kukuama bimuma.

Yowanane 1:14

Muaku kudienza muntu. Kusombawu munkatshi muetu. Uvua muwule ne dinanga kabidi ne bulelela. Tuetu kumona butumbi buawu. Butumbi ebu ke budi Muana mulela umue upeta kudi Tatuende.

Yowanane 1:18

Muntu nansha umue kena muanji kumona Mvidi Mukulu. Amu Muana mulela umue, Mvidi Mukulu udi musombe pamue ne Tatu, ke udi mutumanyishe Tatu.

Yowanane 12:31

Mpindiewu ke diba dialumbuluishabu bantu. Mpindiewu nebipate mfumu wa panuapa.

Yowanane 12:35

Yezu kubandamuna ne: — Butoke butshidi munkatshi muenu, kadi mbua katupa kipi. Endayi panutshidi ne butoke, bua miidima kuyinujikididi. Bualu muntu udi wenda mu miidima kena mumanye kudiye uya.

Yowanane 12:40

“Mvidi Mukulu uvua mubafofamije mesu, mututubije lungenyi luabu, bua mesu abu kaamonyi, lungenyi luabu kalujinguludi bualu, bua kabapinganyi kundi, bua meme kubasungidila.”

Yowanane 12:45

Muntu udi ummona, udi umona kabidi uvua muntume.

Yowanane 14:30

Tshiena mua kuyukila nenu kabidi bia bungi to. Bualu mfumu wa pa buloba ebu udi ulua. Kena mua kuntumina diyi to.

Yowanane 15:24

Bu meme tshiyi muenzele munkatshi muabu midimu idi katshia muntu nansha umue kayi muanji kuenza, kabatua mua kupila nansha. Kadi mpindiewu mbamone midimu yanyi, kabidi badi batukina, Tatu wanyi ne meme.

Yowanane 16:11

Badi batupakana bua mushindu udi Mvidi Mukulu ukosa nsambu, bualu mfumu wa bena panu bakadi bamane kumulumbuluisha.

Yowanane 8:12

Yezu kulongesha kabidi bantu, ubambila ne: — Meme ndi butoke bua badi pa buloba. Muntu udi undonda katshia kena wenda mu miidima, kadi neikale ne butoke bua muoyi.

Bienzedi 26:18

bua ubatabaje; ubumushe mu miidima, babuele mu butoke; ubapatule ku bumfumu bua diabolu, babuele mu bumfumu bua Mvidi Mukulu. Nanku bobu bangitabe, nebabajimijile mibi yabu. Nebabuele mu tshisumbu tshia bantu ba Mvidi Mukulu.”

Bienzedi 26:23

Kristu neakenge, neafue, neikale wa kumpala wa kubiika ku bafue. Neamanyishe bena tshisamba tshietu, ne bantu ba bisamba bikuabu, butoke budi mua kubasungidila.

1 Korente 10:20

“Nansha kakese! Kadi ndi ngamba ne: bidi batendeledi ba mvidie balambula, kabena babilambula Mvidi Mukulu, kadi amu mikishi mibi. Nanku tshiena musue bua nudisange ne mikishi mibi.

2 Korente 2:11

Bualu tshiena musue bua diabolu atutshimune. Bualu tudi bamanye meji mabi adiye nawu.

2 Korente 2:12

Pamvua mufike mu Trowase, bua kumanyisha bantu Lumu lua Disanka lua Yezu Kristu, mvua musangane ne: Mvidi Mukulu, bualu bua dinanga didiye utunanga nadi, mmunzuluile njila muimpe wa meme kuenza mudimu.

2 Korente 3:11

Bualu pikala bivua bishala matuku makese bimuenesha lumu, nanku bidi bishala kashidi nebimueneshe lumu lupite!

2 Korente 3:14

Kadi lungenyi luabu kaluvua mua kumvua bualu to. Too ne ku lelu padibu babala mikanda ya ndondu wa kale, tshilamba tshia momumue tshidi tshibuikila lungenyi luabu. Badi bumusha tshilamba etshi amu padi muntu udisanga ne Kristu.

2 Korente 3:18

Tuetu bonsu tudi tumuenesha butumbi bua Mfumu, bualu ki mbabuikile mpala wetu ne tshilamba. Ke mutudi bandamuke, bua difuanangane ne Mfumu, bua tumuke mu butumbi, tubuele mu bukuabu budi bupita bua kumpala. Ke bidi Mfumu muenze ku bukole bua Mueyelu wende.

2 Korente 4:6

Mvidi Mukulu uvua muambe ne: “Butoke bukenke mu miidima!” Ke muvuaye mukenkeshe butoke buende mu mioyi yetu, bua mmanye butumbi bua Mvidi Mukulu budi bubalakana pa mpala wa Kristu.

Ngalate 1:4

Kristu mmudifile bua kutusungidila ku mibi yetu, kutupikula ku tshikondu tshibi tshia lelu etshi. Ke muvuaye mukumbaje bivua Mvidi Mukulu Tatu wetu musue.

Efeze 2:2

Nuvua benze malu mabi adibu benza pa buloba. Nuvua batumikile mfumu wa makole a mulu, mukishi mubi ewu utshidi ukuata mudimu munda mua bantu badi batombokela Mvidi Mukulu.

Efeze 6:12

Bualu katuena tuluangana mvita ne bantu, kadi amu ne makole mabi a mulu adi kaayi amueneka, kabidi ne mamfumu makuabu mashilangane, adi alama buloba mu midima.

Filipe 2:6

Konsu eku uvua anu mulongu umue ne Mvidi Mukulu. Kadi kavua muuminyine ku bu-Mvidi Mukulu buende.

Kolose 1:15

Kristu udi tshimfuanyi tshidi tshimueneka tshia Mvidi Mukulu udi kayi umueneka. Yeye udi Muanabute, udi mupite bionsu bidi Mvidi Mukulu mufuke.

Kolose 1:27

Mvidi Mukulu uvua musue kubamanyisha meji masokome mimpe, a mushinga mukole, adiye nawu bualu bua bantu bonsu. Adi nunku: Kristu udi munda muenu. Bualu buende nudi mua kutekemena ne: netudisange ne Mvidi Mukulu mu butumbi buende.

1 Timote 1:11

Dilongesha edi didi difuma ku Lumu lua Disanka lundi ne bua kukobola. Lumu lua Disanka elu ludi lutumanyisha butumbi bua Mvidi Mukulu, udi mpokolu wa diakalenga dietu.

Tite 2:13

Ke mutudi mua kuindila dituku dia disanka ditudi tutekemena. Dituku adi butumbi bua Mvidi Mukulu wetu munene ne Musungidi Yezu Kristu nebumueneke patoke.

Ebrewu 1:3

Muanende ewu ke udi uleja bukole bua butumbi bua Mvidi Mukulu, ke udi uleja menemene mudi Mvidi Mukulu, kabidi udi ushindika bintu bionsu ku bukole bua muaku wende. Mumane kujimijila bantu bubi buabu, mmuye kusomba mu diulu ku tshianza tshia balume tshia Mvidi Mukulu, muena bukole buonsu.

Ebrewu 6:4

Tshidi mua kuenzekela badi bapingana tshiakabidi mu nsombelu mubi ntshinyi? Bakaya bamane kupeta butoke bua Mvidi Mukulu. Bavua balabule dipa dia mulu, badisange ne Mueyelu wa Tshijila.

2 Petro 1:19

Bu mutuvua bumvue miaku eyi, tudi bajadike bimpe menemene ne: meyi avua bambi batumanyishe kale adi malelela. Nanku panudi nuavuluka ne ntema, nudi nuenza bimpe, bualu adi bu muendu udi utema muaba wa miidima, too ne padi butuku butshia, too ne padi mutotu wa nkesha ukenkesha mioyi yenu.

1 Yone 2:11

Kadi muntu udi ukina muanabu, udi wenda mu miidima. Udi wendamu, kayi nansha mumanye kudiye uya. Bualu miidima mmimupofamije mesu.

1 Yone 2:8

Kadi mukenji undi nnufundila udi amu mupiamupia, bualu bulelela buawu budi bumueneka munda mua Kristu, ne munda muenu kabidi. Bualu miidima idi yumuka, butoke bulelela bukadi bukenka.

1 Yone 5:19

Tudi bamanye ne: tudi bantu ba Mvidi Mukulu. Tudi bamanye kabidi ne: bukua panu bujima budi ku bumfumu bua Muena bubi.